1Ziyārat kā gīt.
2Merī madad Rab se ātī hai, jo āsmān-o-zamīn kā Ḳhāliq hai.
3Wuh terā pāṅw phisalne nahīṅ degā. Terā muhāfiz ūṅghne kā nahīṅ.
4Yaqīnan Isrāīl kā muhāfiz na ūṅghtā hai, na sotā hai.
5Rab terā muhāfiz hai, Rab tere dahne hāth par sāebān hai.
6Na din ko sūraj, na rāt ko chāṅd tujhe zarar pahuṅchāegā.
7Rab tujhe har nuqsān se bachāegā, wuh terī jān ko mahfūz rakhegā.
8Rab ab se abad tak tere āne jāne kī pahrādārī karegā.