1وٌ شَ عَلَتَلَ مَتْشْ.
2ندٍ عَلَتَلَ شَ وَلِ شُنفبٍ مَسٍنمَ،
3سّيوّ نَ تِنشِنتْييٍ بّ،
4عَلَتَلَ، عِ شَ رَتُ ﭑ مَ عِ هِننّمَ عِ شَ حَمَ رَ تّمُي نَشّ،
5عَلَكٌ ﭑ شَ عِ شَ مِشِ سُفَندِشِيٍ شَ هّرِ سْتْ،
6مُشُ بَرَ يُنُبِ رَبَ عَلْ مُشُ بٍنبَيٍ،
7مُشُ بٍنبَيٍ تٌ نُ نَ مِسِرَ بْشِ مَ،
8كْنْ عَ نَشَ عٍ رَكِسِ عَ شِلِ شَ قٍ رَ،
9عَ تٌ شَاحّ شُلُنيُمِ بَا مَ، عَ نَشَ شْرِ،
10عَ نَشَ عٍ رَكِسِ عٍ شْنمِشِيٍ بّلّشّ عِ،
11يٍ نَشَ دُ سُ عٍ يَشُييٍ شُن نَ،
12نَ كُي عٍ نَشَ لَ عَ شَ مَسٍنيِ رَ،
13كْنْ عَ مُ بُ، عٍ مَن نَشَ نّيمُ عَ شَ وَلِيٍ مَ،
14عٍ نَشَ بِرَ عٍ يّتّ وَشْنقٍ قْشْ رَ فبٍنفبٍرٍنيِ مَ،
15عَ نَشَ عٍ وَشْنسٍ سٌ عٍ يِ رَ،
16عَلَ شَ حَمَ نَشَ مُنسَ نُن هَرُنَ تْونّ،
17بْشِ نَشَ عَ رَبِ،
18تّ نَشَ عٍ قْشِرَبِرّ حَاشِيٍ فَن.
19عٍ نَشَ نِنفٍ مِسَالِ يَءِلَن وُرٍ رَ،
20نِنفٍ نَشَن سّشّ دٌنمَ،
21عٍ نَشَ نّيمُ عٍ رَكِسِمَ عَلَ مَ،
22نَشَن كَابَنَكٌييٍ رَبَ هَمِ بْشِ مَ،
23عَلَ نُ وَ مَ عٍ سْنتْقٍ،
24عٍ نَشَ تٌندِ عَ شَ بْشِ قَنيِ سُشُدٍ،
25عٍ نَشَ تِ عَلَتَلَ كَنكٍ عٍ شَ كِرِ بَنشِيٍ كُي،
26نَ كُي عَ نَشَ لَايِدِ تٌنفٌ عٍ بّ،
27عَ شَ عٍ بْنسْي قَشَ حَمَنّيٍ تَفِ،
28عٍ نَشَ بَلِ ثٍيٌرِ بَتُ،
29عٍ نَشَ عَلَ رَشْنْ عٍ شَ قٍ كٌبِيٍ رَ،
30قِنٍشَسِ تٌ كٍلِ، عَ نَشَ عَلَ مَشَندِ عٍ بّ،
31مِشِ نَشَ نَ تِنشِنيِ كٌلٌن عَ بّ عَبَدَن.
32عَلَتَلَ شَ حَمَ نَشَ عَ رَشْنْ مٍرِبَ شُرٍ قّ مَ.
33عَ تٌ وْيّن شْرْشْي قَلَ عٍ شَ عَلَ مَتَندِ شَ قٍ رَ.
34عٍ مُ كَنَان سِيٍ سْنتْ عَلْ عَلَتَلَ عٍ يَمَرِ كِ نَشّ.
35عٍ نَشَ سَبَتِ عٍ يَ مَ، عٍ بِرَ عٍ نَامُنيِيٍ قْشْ رَ.
36عٍ نَشَ نٍيٍ شَ كُيٍيٍ بَتُ، نَ قَ قِندِ فَنتَنيِ رَ عٍ بّ.
37عٍ نَشَ عٍ شَ دِ شّمّيٍ نُن عٍ شَ دِ فِنّ بَ سّرّشّ رَ حِننّيٍ بّ.
38عٍ تٌ عٍ شَ دِيٍ قَشَ سّرّشّ رَ كَنَان شَ كُيٍيٍ بّ،
39عٍ عٍ يّتّ قِندِ مِشِ سّنِيّنتَرٍ رَ نَ كِ نّ،
40نَ كُي عَلَتَلَ نَشَ شْنْ عَ شَ حَمَ مَ،
41عَ نَشَ عٍ رَبٌلٌ سِ فبّتّيٍ يِ رَ،
42عٍ يَشُييٍ نَشَ نْ عٍ رَ،
43سَنيَ وُيَشِ عَلَ نَشَ عٍ رَكِسِ،
44كْنْ عَلَ نَشَ عٍ تْورّ تٌ،
45عَ نَشَ رَتُ عَ شَ سَاتّ مَ،
46عَ نَشَ عَ نِيَ مِشِيٍ شَ كِنِكِنِ عٍ مَ كٌنيِيَ كُي.
47مُشُ مَرِفِ عَلَتَلَ، مُشُ رَكِسِ.
48تَنتُي نَ عِسِرَيِلَ مَرِفِ عَلَتَلَ بّ عَبَدَن!