1وٌ عَلَتَلَ تَنتُ، بَرِ مَ عَ قَن،
2عَلَتَلَ نَشَن شُن سَرَ،
3عَ نَشٍيٍ رَ مِنِشِ سِيٍ تَفِ سٌفٍتٍدٍ نُن سٌفٍفٌرٌدٍ مَبِرِ،
4ندٍيٍ لْيشِ فبٍنفبٍرٍنيِ مَ،
5كَامّ نُن يٍ شْلِ نُ عٍ هَلَكِمَ،
6عٍ تٌ عٍ دّ رَوَ عَلَتَلَ بّ عٍ شَ تْورّ كُي،
7عَ نَشَ عٍ رَحّرّ كِرَ تِنشِنشِ ندٍ شْن مَ،
8عٍ شَ عَلَتَلَ تَنتُ عَ شَ شَنُنتٍيَ شَ قٍ رَ،
9بَرِ مَ عَ يٍ شْلِ بَمَ مِشِيٍ مَ،
10ندٍيٍ نُ سَبَتِشِ دِ مِ كُي نُن قَشّ شَ نْي بُن مَ،
11بَرِ مَ عٍ مُرُتَ نّ عَلَ شَ مَسٍنيِ شِلِ مَ،
12عَ نَشَ عٍ بْحّ مَقِيشّ تْورّ رَ.
13عٍ نَشَ مَرِفِ مَشَندِ نِمِسّ كُي،
14عَ نَشَ عٍ رَ مِنِ دِ مِ كُي نُن قَشّ شَ نْي بُنمَ،
15عٍ شَ مَرِفِ بَتُ عَ شَ دُفُتّفّحَ شَ قٍ رَ،
16بَرِ مَ عَ بَرَ وُرٍ نَادّيٍ وُرُ،
17شَشِلِتَرٍيٍ نُ بَرَ عٍ يّتّ سُشُ عٍ شَ مُرُتّ نُن عٍ شَ قٍ حَاشِيٍ رَ، عٍ لُ نِمِسّ كُي.
18دٌنسٍ بِرِن بَرَ نُ رَحَاشُ عٍ مَ،
19عٍ شَ نَ شْرْرْي كُي، عٍ نَشَ عٍ شُي رَتٍ عَلَتَلَ مَ،
20عَ نَشَ عَ شَ مَسٍنيِ رَ سَنبَ عٍ مَ، عَ عٍ رَيَلَن،
21عٍ شَ مَرِفِ تَنتُ عَ شَ دُفُتّفّحَ نُن عَ شَ وَلِ مَكَابَشِيٍ شَ قٍ رَ عَدَ مَدِيٍ بّ.
22عٍ شَ سّرّشّيٍ بَ عَ شَ وَلِ قَنيِيٍ كٌلٌن قٍ رَ عَ بّ.
23نَشٍيٍ نُ بِيَاسِمَ كُنكُي شُنفبٍيٍ كُي بَا مَ،
24نٍيٍ بَرَ مَرِفِ وَلِ قْشِيٍ
25عَ نَشَ مَسٍنيِ تِ، تُرُننَادّ قٌيٍ نَشَ كٍلِ
26عَ نُ بِيَاسِلَيٍ شَ كُنكُي عِتٍ عَ نُ عَ سِن،
27عٍ شُن نَشَ مَفِ عَ رَ عٍ نَشَ لُ عَلْ سِيسِلَيٍ.
28عٍ شَ نِمِسّ كُي عٍ نَشَ مَرِفِ شِلِ عٍ شُي عِتٍشِ رَ،
29عَ نَشَ تُرُننَادّ قٌيٍ عِتِ، عَ عَ مَسَبَرِ،
30عٍ نَشَ سّيوَ نٍيٍ شَ مَرَشَرّ رَ،
31عٍ شَ مَرِفِ تَنتُ عَ شَ دُفُتّفّحَ نُن عَ وَلِ مَكَابَشِيٍ شَ قٍ رَ عَدَ مَدِيٍ بّ!
32عٍ شَ عَ شَ قٍ فبٌ حَمَ بّ،
33عَ شُرٍ شُنفبٍيٍ مَسَرَ مَ فبٍنفبٍرٍنيِ رَ،
34عَ بْشِ قَنيِ قِندِ مَ قْشْي يِرٍ رَ،
35عَ فبٍنفبٍرٍنيِ قِندِ مَ شُرٍ رَ
36عَ كَامّتْييٍ رَ سَبَتِ نَا،
37عٍ شّ سَمَ، عٍ وُرِ بِلِيٍ سِمَ
38عَ دُبَمَ عٍ بّ، عٍ وُيَ،
39ندٍيٍ فبٍيٍ شُرُنمَ،
40عَ مَرَحَاشُي دُ سُمَ قٌرِيٍ شُن نَ،
41عَ مِسِكِينّيٍ بَمَ تْورّ كُي،
42مِشِ تِنشِنشِيٍ نَ تٌمَ عٍ حّلّشِنمَ عَ رَ،
43شَشِلِمَ نَشَن نَ، عَ شَ عَ حْشْ سَ يِ قٍ بِرِن شْنمَ،