1وٌ عَلَتَلَ شِلِ مَتْشْ،
2وٌ بّيتِ بَ عَ بّ عَ شَ كَابَنَكٌييٍ شَ قٍ رَ.
3وٌ شَ سّيوَ عَ شِلِ سّنِيّنشِ شَ قٍ رَ،
4وٌ شَ عَلَتَلَ شَ سّنبّ قٍن،
5وٌ شَ رَتُ عَ شَ كَابَنَكٌي مَ،
6وٌ تَن عَلَ شَ كٌنيِ عِبُرَهِمَ بْنسْي،
7عَ تَن نَن وٌن مَرِفِ عَلَتَلَ رَ،
8عَلَتَلَ عَ رَتُمَ عَ شَ سَاتّ مَ تّمُي بِرِن،
9عَ نَشَن تٌنفٌشِ عِبُرَهِمَ نُن عِسِيَفَ بّ مَرَكَلِ رَ.
10عَ بَرَ نَ نَتّ تٌنفٌ يَشُبَ بّ،
11عَ مَسٍنقٍ رَ، «ﭑ بَرَ كَنَان بْشِ قِ وٌ مَ كّ رَ.»
12بٍينُ عٍ شَ وُيَ مّننِ،
13عٍ نُ نَ لِنتَنقٍ تُن،
14عَلَ مُ تِن مِشِ يٌ شَ نْ عٍ رَ.
15«وٌ نَشَ ﭑ مَ حَمَ سُفَندِشِ تْورْ دٍ،
16بٍينُ عَلَ شَ كَامّ رَفٌرٌ دُنِحَ مَ،
17عَ نَشَ عَ شَ مِشِ ندٍ يُسُقُ رَ سِفَ عٍ يَرَ كٌنيِيَ كُي.
18عَ سَنيِيٍ نُن عَ كْنيِ نُ بَلَنشِ يْلْنشْنيِ رَ،
19هَن عَلَ شَ لَايِدِ نَشَ كَمَلِ،
20نَ تّمُي مَنفّ شُنفبٍ نَشَ يَامَرِ قِ عَ شَ مِنِ فٍيلِ كُي،
21مَنفّ نَشَ يُسُقُ قِندِ عَ شَ بَنشِ شُنيِ رَ،
22عَلَكٌ مَنفّ شَ مِشِيٍ شَ لُ عَ وَشْن كِ،
23نَ دَنفِ شَنبِ، عِسِرَيِلَ حَمَ يَشُبَ بْنسْي نَشَ قَ مِسِرَ،
24عَلَ نَشَ عَ شَ حَمَ وُيَ دَنفِقٍ عٍ يَشُييٍ رَ.
25عَ نَشَ مِسِرَكَيٍ بْحّ مَسَرَ،
26نَ تّمُي عَ نَشَ عَ شَ كٌنيِ دِ مُنسَ شّي،
27عٍ نَشَ عَلَ شَ تْنشُمَيٍ مَكَابَشِيٍ رَبَ،
28عٍ تٌ عَلَ شَ مَسٍنيِ تِ مِسِرَكَيٍ بّ،
29عَ نَشَ مّننِ يٍ مَقِندِ وُلِ رَ، يّشّيٍ قَ قَشَ.
30عٍ شَ بْشِ نَشَ رَقٍ لَنشَنسَرِ مَيٍ رَ،
31عَ نَشَ يَامَرِ قِ شّيرِيٍ نُن سَاسِيٍ شَ دِن بْشِ بِرِن نَ.
32عَ نَشَ بَلَبَلَنيِ نُن تُنّ رَفٌرٌ بْشِ مَ،
33عَ نَشَ عٍ شَ وّنِ بِلِيٍ نُن عٍ شَ شْرّ بِلِيٍ كَنَ،
34عَ نَشَ يَامَرِ قِ كَتٌي شَ وُيَ هَن،
35عٍ قَ سَنسِيٍ بِرِن كَنَ مِسِرَ بْشِ مَ،
36عَ رَحْنيِ عَ نَشَ دِ سِنفٍ بِرِن قَشَ عٍ شَ بْشِ كُي،
37عَلَ نَشَ عَ شَ حَمَ رَ مِنِ كْبِرِ نُن شّيمَ رَ،
38مِسِرَكَيٍ نَشَ سّيوَ عٍ شَ مِنِ رَ،
39عَلَ نَشَ نُشُي عِتَلَ عٍ شُن مَ يَنيِ رَ،
40عٍ تٌ عَ مَشَندِ، عَ نَشَ قَ كْنكْلّيٍ رَ عٍ بّ،
41عَ نَشَ قَنيٍ رَبِ، عَ يٍ رَ مِنِ عٍ بّ،
42عَلَ تٌ رَتُ عَ شَ لَايِدِ سّنِيّنشِ مَ،
43عَ نَشَ عَ شَ حَمَ رَ مِنِ سّيوّ كُي،
44عَ نَشَ سِ فبّتّيٍ شَ بْشِ قِ عٍ مَ،
45عَلَكٌ عٍ شَ عَلَ شُي سُشُ،