1لْننِ مُ مِشِ شِلِمَ شّ؟
2عَ شَ مَسٍنيِ تِمَ يِرٍ عِتٍشِ قَرِ،
3عَ عَ شُي عِتٍمَ تَا سٌدٍ دّ رَ مِشِ دَنفِمَ دّننَشّ.
4«عَدَ مَدِيٍ، ﭑ نَ وٌ تَن نَن مَشِلِقٍ،
5شَشِلِتَرٍ شَ شَشِلِ سْتْ، لْننِتَرٍ شَ لْننِ قٍن.
6وٌ وٌ تُلِ مَتِ ﭑ مَ مَسٍنيِ هَفِفّ رَ،
7ﭑ نَ نْندِ نَن قَلَقٍ وٌ بّ يِ كِ.
8ﭑ مَ وْيّنيِ بِرِن تِنشِن،
9نٍيٍ قِيشّ شَشِلِمَ بّ، عٍ تِنشِن لْننِلَيٍ بّ.
10وٌ شَ ﭑ مَ لْننِ قٍن دَنفِ فبٍتِ رَ،
11قَهَامُي تِدٍ دَنفِ فّمّ تٌقَنيِ رَ.
12«ﭑ تَن لْننِ، ﭑ سٌمَ قٍ كُي، ﭑ عَ تَفِ رَبَ.
13شَ عَلَتَلَ شَ يَرَفَاشُي نَ عِ بّ،
14ﭑ فبٍ نَن نَ مَرَ سِ نُن نْندِ رَ،
15ﭑ تَن نَن مَنفّيٍ رَحّرّ مَ،
16ﭑ تَن نَن بْشِ يَرٍرَتِيٍ رَحّرّ مَ،
17ﭑ مِشِ نَن شَنُمَ، نَشَن ﭑ شَنُ.
18بَننَيَ نُن بِنيّ نَ ﭑ تَن نَن يِ رَ،
19ﭑ نَشَن قِمَ مِشِ مَ عَ قَن شّيمَ قَنيِ بّ،
20ﭑ نَن ﭑ حّرّ مَ نْندِ كِرَ نَن شْن مَ،
21عَلَكٌ ﭑ شَنُنتٍنيِ شَ هَرِفٍ سْتْ كّ رَ،
22«عَلَتَلَ نَشَ ﭑ دَا عَ شَ وَلِ بِرِن قْلّ رَ.
23ﭑ نُ نَ كَبِ قْلّ، بٍينُن بْشِ شَ دَا.
24ﭑ بَرِ تّمُي بَا مُ نُ نَ، دُلٌنيِ مُ نُ نَ.
25ﭑ بَرِ نّ بٍينُن فٍيَيٍ شَ مِنِ،
26بٍينُن بْشِ نُن قْتْنيِ شَ دَا.
27عَ تٌ نُ كٌورٍ دَاقٍ، ﭑ نُ نَ.
28عَ تٌ نُ نُشُي تِقٍ كٌورٍ مَ، ﭑ نُ نَ.
29عَ تٌ نُ نَانِنيِ سَقٍ بَا بّ
30ﭑ قَن نُ نَ عَ قّ مَ عَ مَلِقٍ رَ،
31ﭑ حّلّشِنشِ عَ شَ دُنِحَ دَاشِ نَن نَ،
32«يَكْسِ ﭑ مَ دِيٍ، وٌ وٌ تُلِ مَتِ ﭑ نَ،
33وٌ وٌ تُلِ مَتِ ﭑ مَ شَرَنيِ رَ،
34سّيوّ نَ مِشِ بّ نَشَن عَ تُلِ مَتِمَ ﭑ نَ،
35ﭑ كٌلٌنمَ بَرَ كِسِ، عَلَتَلَ بَرَ هِننّ نَ كَنيِ رَ.
36كْنْ ﭑ فٍرٍقَ تَن بَرَ عَ يّتّ بْنْ،