1ﭑ مَ دِ، ﭑ مَ وْيّنيِ رَفَتَ عِ بْحّ كُي،
2ﭑ مَ سّرِيّ سُشُ عَلَكٌ عِ شَ سِمَيَ سْتْ،
3ﭑ مَ سّرِيّ شِرِ عِ بّلّشّسٌلٍيٍ رَ، عَ سّبّ عِ سٌندٌنيِ مَ.
4لْننِ شَ قِندِ عِ مَافِنّ رَ،
5ﭑ مَ سّرِيّ عِ رَتَنفَمَ نّ لَنفٌي مَ،
6لْشْي ندٍ، ﭑ نُ نَ ﭑ مَ بَنشِ كُي،
7ﭑ نَشَ شَشِلِتَرٍ ندٍ تٌ،
8عَ نَشَ كِرَ سُشُ نَشَن دَنفِمَ لَنفٌي فِنّ شَ بَنشِ دّ رَ.
9نُنمَرٍ تّمُي نَن نُ عَ رَ،
10فِنّ ندٍ نَشَ سَ عَ رَلَن،
11فِنّ مُرُتَشِ نَن عَ رَ،
12عَ حّرّ مَ تَا كُي شّمّ قٍنقٍ رَ.
13عَ نَشَ نَ شّمّ سُشُ،
14«ﭑ لَايِدِ تٌنفٌ نّ عَلَ بّ،
15ﭑ مِنِشِ عِ قٍندٍ نَ نَن مَ.
16مِسِرَ سَدٍ دُفِ مَحِنفِشِ نَ ﭑ سَدٍ مَ،
17عَ نُن لَبُندّ شِرِ قَنيِ مْولِ بِرِن نَ.
18قَ بٍ، وٌن شَ يّنّ رَبَ هَن فّيسّفّ،
19بَرِ مَ ﭑ مَ شّمّ مُ نَ بَنشِ،
20عَ بَرَ كْبِرِ فبٍفبٍ شَنِن عَ شُن مَ،
21عَ نَشَ نْ نَ شّمّ رَ عَ شَ كْوتَ سَابُي رَ،
22يَكْسِ ﭑ مَ دِيٍ، وٌ وٌ تُلِ مَتِ ﭑ نَ،
23عِ بْحّ نَشَ عِ مَدَشُ عِ شَ بِرَ نَ فِنّ مْولِ قْشْ رَ،
24بَرِ مَ عَ بَرَ مِشِ فبٍفبٍ قَشَ،
25عَ شَ بَنشِ قِندِشِ قَشّ كِرَ نَن نَ،