1ﭑ مَ دِ، شَ عِ عِ يّتّ تَانِشِ عِ بٌورٍ ندٍ بّ،
2شَ عِ عِ يّتّ رَشّتّنشِ عِ شَ وْيّنيِ ندٍ رَ،
3ﭑ مَ دِ، عِ شَ قٍ بِرِن نَبَ عِ يّتّ رَ مِنِدٍ عَ كُي،
4عِ نَشَ شِ دٍ، نَ رَبَ كٍرٍن نَ.
5عِ عِ يّتّ رَتَنفَ يِ قٍ مْولِ مَ،
6تُننَشْنّ، سِفَ دٌندٌلِ يِرٍ.
7مَنفّ مُ نَ دٌندٌلِ بّ،
8كْنْ عَ وَلِمَ سٌفٌقُرٍ تّمُي،
9عِ تَن تُننَشْنّ، عِ عِ سَمَ هَن مُن تّمُي؟
10شِشْلِ نَ عِ سُشُ، عِ نَ كِنسْن، عِ نَ عِ سَ،
11سٍتَرٍحَ قَن قَمَ نّ عِ سُشُدٍ تّرّننَ رَ،
12قُيَنتٍ مُ تِنشِن، عَ وُلٍ رَحّرّ مَ عَ دّ عِ نّ.
13عَ لُمَ عَ يَ مَفِرَ رَ،
14قٍ حَاشِ نَ عَ شَشِلِ كُي،
15نَ كُي كَسَرّ قَمَ نّ عَ سُشُدٍ،
16قٍ سٍننِ نَ عَلَتَلَ نَشٍيٍ شْنشِ،
17يّتّ عِفبٌي شَ مِشِ مَتٌ كِ،
18بْحّ نَشَن قٍ تِنشِنتَرٍ مَحْشُنمَ،
19سٍيدٍ نَشَن وُلٍ قَلَمَ،
20ﭑ مَ دِ، عِ بَبَ شَ سّرِيّ رَفَتَ،
21عٍ شَ لُ عِ بْحّ كُي تّمُي بِرِن، عٍ شِرِ عِ كْن مَ.
22عٍ عِ رَحّرّ مَ نّ عِ شَ دُنِحّءِفِرِ كُي،
23نَ سّرِيّ قِندِشِ لَنثُي نَن نَ،
24عٍ عِ رَتَنفَمَ فِنّ كٌبِ مَ،
25عِ نَشَ وَ نَ فِنّ شْن مَ عَ شَ تٌقَنيِ مَ،
26لَنفٌي فِنّ نَشَن مُ نَ شّمّ تَا، عَ مِشِ قِندِ مَ سٍتَرٍ نَن نَ،
27مِشِ ندٍ نْمَ تّ تٌنفٌدٍ، عَ عَ سَ عَ يُبَ كُي،
28مِشِ ندٍ نْمَ عَ حّرّدٍ تّ وٌلٍ تَفِ،
29نَ مَنِيَمَ نّ عَلْ شّمّ نَشَن يَبُمَ فِنّ شّمّ تَا عِدْشْي رَ.
30مِشِ مُ يٌمَ مُحّتِ مَ،
31كْنْ عَ نَ سُشُ قٌ عَ شَ مُحَقٍ سَرٍ قِ،
32كْنْ شَشِلِتَرٍ نَن تُن يّنّ رَبَمَ فِنّ رَ.
33عَ قٍ شْرْشْي سْتْمَ نّ يَافِ كُي،
34بَرِ مَ تْونّ شّمّ بْحّ رَتٍمَ نّ عَ حَاشِ رَ.
35عَ بْحّ مُ فٌرٌ مَ كْبِرِ رَ.