1لْننِ بَرَ عَ شَ بَنشِ تِ قَنيٍ سٌلٌقٍرٍ قَرِ.
2عَ بَرَ شُرُ سٍ ندٍ قَشَ، عَ وّنِ يَءِلَن،
3عَ بَرَ شّيرَيٍ شّي تَا كُي مِشِ شِلِقٍ رَ،
4«وٌ تَن شَشِلِتَرٍيٍ نُن قَهَامُتَرٍ،
5وٌ شَ قَ ﭑ مَ تَامِ دٌن،
6وٌ شَ فبِلٍن قٍ حَاشِيٍ قْشْ رَ،
7مِشِ يٌ نَشَن كَتَمَ يّتّ عِفبٌي مَتِنشِندٍ،
8شَ عِ شُرُتَرٍ رَ سِ، عَ عِ شْنمَ نّ.
9عِ نَشَن قَلَمَ لْننِلَ بّ،
10لْننِ قْلْمَ عَلَتَلَ شَ يَرَفَاشُي نَن مَ.
11عِ شَ دُنِحّءِفِرِ شْن كُيَمَ نّ لْننِ رَ،
12شَشِلِمَ لْننِ سَرٍ نَن سْتْمَ،
13شَشِلِتَرٍحَ لُشِ نّ عَلْ فِنّ نَشَن دّ وُيَ،
14عَ دْشْمَ عَ شَ بَنشِ سٌدٍ دّ نَن نَ
15عَلَكٌ عَ شَ دَنفِ مِشِيٍ شِلِ عَ شُي عِتٍشِ رَ،
16عَ عَ قَلَمَ مِشِيٍ بّ نَشٍيٍ مُ قَهَامُي سْتْشِ،
17مِنسٍ مُحَشِ حْشُن،
18عٍ مُ عَ كٌلٌن قَشّ دِ مِ نَن مّننِ رَ.