1عَلَتَلَ نَن مَنفّ بْحّ رَحّرّ مَ،
2عَدَ مَدِ حْشْ عَ مَ عَ شَ كِرَ بِرِن تِنشِن،
3وٌ شَ بِرَ نْندِ نُن تِنشِنيِ قْشْ رَ.
4يّتّ عِفبٌحَ نُن قٍ حَاشِ رَبَقٍ،
5وَكِلِلَ هَرِفٍ شُن مَسَمَ نّ،
6هَرِفٍ نَشَن سْتْشِ وُلٍ رَ،
7مِشِ حَاشِيٍ شُن نَكَنَمَ نّ،
8مِشِ كٌبِ مُ تِنشِن،
9لُقٍ رَ بَنشِ قَرِ مَ،
10مِشِ حَاشِ وَ مَ قٍ حَاشِ نَن تُن شْن مَ.
11شَشِلِتَرٍ نَ عَ تٌ عٍ مِشِ مَيٍلٍ حَشَنكَتَمَ،
12عَلَ نَشَن تِنشِن، عَ مِشِ حَاشِ مَتٌمَ نّ،
13مِشِ نَشَن تٌندِ مَ عَ تُلِ مَتِدٍ سٍتَرٍ وَ شُي رَ،
14بْحّتٍ كِقٍ فُندٌ رَ، عَ بْحّ رَفٌرٌ مَ نّ.
15حّرّقٍ تِنشِنيِ كُي، نَ قِندِشِ سّيوّ نَن نَ تِنشِنتْي بّ،
16مِشِ نَشَن فبِلٍنمَ كِرَ قَنيِ قْشْ رَ،
17مِشِ نَشَن بِرَ مَ عَ وَشْنقٍ فبَنسَن قْشْ رَ،
18مِشِ حَاشِ قِندِ مَ تِنشِنتْي شُنسَرٍ نَن نَ،
19لُقٍ رَ فبٍنفبٍرٍنيِ مَ،
20هَرِفٍ قَنيِ نُن تُرٍ فبٍفبٍ نَ لْننِلَ شْنيِ،
21مِشِ نَشَن بِرَ مَ تِنشِنيِ نُن هِننّ قْشْ رَ،
22لْننِلَ نْمَ نّ نْدٍ تَا مَكَنتَشِ رَ،
23مِشِ نَشَن قَتَ عَ دّ سُشُدٍ، نَ مُ تْورْ مَ.
24يّتّ عِفبٌي يٌمَ نّ مِشِيٍ مَ،
25مِشِ تُننَشْنْشِ وَشْنقٍ عَ قَشَمَ نّ،
26لْشْي بِرِن مِشِ تُننَشْنْشِ مِلَمَ نّ عَ وَشْنسٍ مَ.
27مِشِ حَاشِ شَ سّرّشّ مُ رَقَن عَلَ مَ.
28سٍيدٍ وُلٍ قَلّ هَلَكِمَ نّ،
29مِشِ حَاشِ عَ يَتَفِ عِقْورْ مَ،
30لْننِ يٌ مُ نَ، قَهَامُي يٌ مُ نَ، مَرَ سِ يٌ مُ نَ،
31سٌي مَشِرِ مَ فٍرٍ سٌ لْشْي نّ،