1شِلِ قَنيِ قَن نَاقُلِ بّ،
2بَننَ نُن سٍتَرٍ بِرِن لَن،
3شَشِلِمَ نَ قٍ شْرْشْي تٌ، عَ عَ يّتّ نَن نَتَنفَمَ عَ مَ.
4يّتّ مَفٌرٍ نَشَن فَاشُمَ عَلَتَلَ يَ رَ،
5تُنبٍيٍ نُن فَنتَنيِيٍ نَ تِنشِنتَرٍ شَ كِرَ شْن مَ،
6قٌنِكٍ مَتِنشِن كِرَ قَنيِ رَ،
7بَننَ سٍتَرٍ يَمَرِ مَ نّ،
8مِشِ حَاشِ تْورّ نَن سْتْمَ عَ سَرٍ رَ،
9هِننّنتٍ بَرَكَمَ نّ،
10مِشِ مَيٌي كٍرِ، عَلَكٌ حْشْنسْسْي شَ حْن.
11بْحّ شَ سّنِيّنيِ رَقَن مِشِ نَشَن مَ،
12عَلَتَلَ نْندِ نَن مَكَنتَمَ،
13مِشِ تُننَشْنْشِ نَن عَ قَلَمَ،
14فَنتَنيِ نَن نَ لَنفٌي فِنّ شَ وْيّنيِ رَ.
15شَشِلِتَرٍحَ نَشَن نَ دِ مّدِ بْحّ كُي،
16مِشِ نَشَن سٍتَرٍ تْورْ مَ فٍينِ ندٍ شَ قٍ رَ،
17عِ عِ تُلِ مَتِ لْننِلَيٍ شَ مَرَ سِ رَ،
18عَ لَن عِ شَ عٍ رَفَتَ عِ سٌندٌنيِ كُي،
19ﭑ وَ مَ عِ رَ سِقٍ نّ تٌ لْشْي،
20ﭑ بَرَ تَالِ تٌنفٌ سَشَن سّبّ عِ مَ،
21عَلَكٌ عِ شَ نْندِ شْرِ يَتِ كٌلٌن،
22عِ نَشَ سٍتَرٍ رَهَلَكِ عِ شَ كْبِرِ سْتْ،
23بَرِ مَ عَلَتَلَ تَن عٍ شُن مَقَلَمَ نّ،
24عِ نَشَ بِرَ مِشِ بْحّ فبٍ قْشْ رَ،
25شَ نَ مُ عَ رَ عِ قَن دَرِ مَ نّ نَ مْولِ رَ،
26عِ نَشَ لُ مِشِيٍ يَ مَ نَشٍيٍ تَانِمَ عٍ بٌورٍيٍ بّ،
27شَ نَ مُ عَ رَ عٍ عِ شَ سَدٍ رَ مِنِمَ نّ عِ بُن مَ،
28عِ نَشَ عِ بَبَيٍ شَ نَانِنيِ مَتْنشُمَ سَشِ بَ عٍ يِرٍ دٍ.
29وَلِكّ نَشَن قَتَ عَ شَ وَلِ رَ،