1وّنِ مِشِ رَيَافِمَ،
2مَنفّ بْحّ تٍشِ مَنِيَ يّتّ شَاحّ رَ.
3مِشِ بِنيَشِ مُ تِنمَ فٍرٍ رَ،
4مِشِ تُننَشْنْشِ مُ يِرٍ بُشَمَ عَ وَشَتِ.
5مَرَ سِ تِلِن عَلْ يٍ نَشَن نَ بَا مَ.
6مِشِ فبٍفبٍ دُفُتّفّحَ قَلَمَ عٍ يّتّ شُن مَ،
7تِنشِنتْي حّرّ مَ تِنشِنيِ نَن نَ،
8مَنفّ كِيتِسَ قَتَ مِشِ بْحّ حَاشِ تٌدٍ.
9ندٍ نْمَ عَ قَلَدٍ، «قٍ حَاشِ يٌ مُ ﭑ بْحّ مَ،
10سِكٍيلِ تِنشِنتَرٍ مُ رَقَن عَلَتَلَ مَ.
11قٌنِكٍ شَ حّرّ كِ تِنشِنشِ عَ بْحّ كِ مَسٍنمَ نّ.
12تُلِ نَشَن قٍ مّمَ، يَ نَشَن سٍ تٌمَ،
13شِشْلِ نَشَ رَقَن عِ مَ دٍ،
14سَرٍ سٌ نَن عَ قَلَمَ يُلّ بّ،
15شّيمَ نُن فّمّ تٌقَنيِ فبٍفبٍ نَ دُنِحَ،
16مِشِ شَ سّيكّ سٍ رَ سُشُ عَ نَشَن تَانِ شْحّ بّ،
17دٌنسٍ نَشَن سْتْ وُلٍ رَ، عَ قْلّ عَ حْشُن،
18مَرَ سِ قَنيِ نَن وَلِ سْونّيَمَ.
19نَاقِشِ لَنلَنتٍيَ كَنَمَ نّ.
20مِشِ نَ يٌ عَ نفَ نُن عَ بَبَ مَ،
21هَرِفٍ نَشَن سْتْمَ مَقُرٍنيِ رَ، نَ مُ بُمَ.
22عِ نَشَ عَ قَلَ، «ﭑ نَن ﭑ فبٍحْشْمَ نّ.»
23عَلَتَلَ مُ وَ مَ مَنِيَ سٍ تِنشِنتَرٍ شْن مَ.
24عَلَتَلَ نَن عَدَ مَدِ شُن تِمَ كِرَ ندٍ رَ.
25لَايِدِ تٌنفٌقٍ عَلَ بّ مَقُرٍن مَقُرٍن مَحْشُنيِ فبٍفبٍ شَنبِ،
26مَنفّ لْننِلَ قَتَ مِشِ حَاشِيٍ مَيٍفٍتِدٍ،
27عَلَتَلَ شَشِلِ قِمَ عَدَ مَدِ مَ، عَ قِندِ عَ بّ لَنثُي رَ،
28شَنُنتٍيَ نُن دُفُتّفّحَ مَنفّ كَنتَمَ نّ.
29قٌنِكٍ سّنبّ قِندِشِ عَ شَ شُننَكٍلِ نَن نَ.
30بْنبْي قِندِشِ كٌبِحَ سٍرِ نَن نَ،