1عَمٌسُ شَ دِ عَننَبِ عٍسَيِ شَ مَسٍنيِ نَن يَ يُدَ نُن دَرِ سَلَمُ شَ قٍ رَ.
2وَشَتِ دْنشْي عَلَتَلَ شَ بَنشِ تِشِ فٍيَ نَشَن قَرِ،
3بْنسْي وُيَشِ سِفَمَ نّ نَا، عٍ عَ قَلَ،
4عَلَتَلَ نَن كِيتِ سَمَ حَمَنّيٍ تَفِ،
5يَشُبَ بْنسْي، وٌ قَ،
6عَلَتَلَ، عِ بَرَ عِ شَ حَمَ رَبٌلٌ،
7عِ شَ حَمَ بَرَ شّيمَ نُن فبٍتِ فبٍفبٍ سْتْ،
8كُيٍيٍ تٌمَ نّ يِرٍ بِرِن.
9عٍ قٍلٍنمَ نّ عٍ بّ، عٍ عٍ مَفٌرٌ عٍ بَتُقٍ رَ.
10وٌ وٌ نْشُن قَنيٍيٍ تَفِ بْشِ مَ،
11عَدَ مَدِ شَ يّتّ عِفبٌيَ مَفٌرٌ مَ نّ،
12عَلَتَلَ سّنبّمَ شَ كِيتِ لْشْي قَمَ يّتّ عِفبٌي بّ.
13عَ لِبَن سّدِرِ بِلِ نُن بَسَن شَ وُرِ بِلِ عِتٍشِ بِرِن نَفٌرٌ مَ نّ.
14عَ فٍيَ عِتٍشِ قَن بَمَ نّ.
15عَ مِشِيٍ شَ بَنشِ مَكَنتَشِيٍ كَنَمَ نّ،
16عَ عٍ شَ كُنكُي شُنفبٍيٍ رَدُلَمَ نّ.
17عَلَتَلَ قَمَ نّ عَدَ مَدِ شَ يّتّ عِفبٌيَ رَفٌرٌدٍ،
18كُيٍ قٍ بِرِن كَنَمَ نّ.
19مِشِيٍ عٍ نْشُنمَ نّ قْنمّيٍ تَفِ فّمّ لٌنفٌرِ رَ،
20نَ لْشْي، مِشِيٍ قَمَ نّ عٍ شَ كُيٍ وْلّدٍ بَلٍ نُن تُوكّ مَ،
21عٍ عٍ نْشُنمَ نّ يِلِيٍ نُن قْنمّيٍ كُي قَنيٍ لٌنفٌرِ رَ،
22وٌ بَ وٌ يّتّ تَشُقٍ عَدَ مَدِ رَ،