1مَسٍنيِ نَشٍيٍ فٌرٌ عَمٌسُ شَ دِ عٍسَيِ مَ، يُدَيَ نُن دَرِ سَلَمُ شَ قٍ رَ، يُدَيَ مَنفّيٍ عٌسِيَسِ، يٌتَمِ، عَشَسِ، نُن شٍسٍكِيَ شَ وَشَتِ.
2عَلَتَلَ نَن مَسٍنيِ تِقٍ،
3نِنفٍ يَتِ عَ كَنيِ كٌلٌن،
4حَشَنكَتّ نَ يِ حَمَ يُنُبِتْي بّ،
5وٌ نَ حَشَنكَتّ قٍنقٍ مُنقٍ رَ؟
6كٍلِقٍ وٌ سَنيِ مَ هَن وٌ شُنيِ،
7وٌ شَ بْشِ بَرَ كَنَ، وٌ شَ تَايٍ بَرَ فَن.
8سِيٌنِ تَا نَ عَ كٍرٍنيِ مَ عَلْ بَفٍ دِ شّ تَفِ،
9شَ عَلَتَلَ سّنبّمَ مُ مِشِ ندٍيٍ رَكِسِ وٌن بّ نُ،
10وٌ وٌ تُلِ مَتِ عَلَتَلَ شَ مَسٍنيِ رَ،
11عَلَتَلَ نَشّ،
12ندٍ وٌ شِلِشِ قَقٍ رَ ﭑ مَ هْرْ مْبَنشِ تّتّ كُي، تِقٍ رَ ﭑ يَ عِ؟
13وٌ بَ قَقٍ هَدِيَ قُقَقُ رَ.
14ﭑ وٌ شَ كِكٍ نّينّ سَلِيٍ شْنشِ،
15وٌ نَ وٌ بّلّشّيٍ عِتَلَ سَلِ كُي تّمُي نَشّ،
16وٌ لُ قٍ قِيشّ كُي، وٌ وٌ يّتّ رَ سّنِيّن،
17وٌ وٌ مَتِنكَن قٍ قَنيِ رَبَدٍ،
18عَلَتَلَ نَشّ، «وٌ قَ، وٌن شَ وْيّن.
19شَ وٌ تِن وٌ تُلِ مَتِدٍ ﭑ نَ،
20كْنْ شَ وٌ سَ تٌندِ ﭑ نَتِنمّدٍ،
21يِ تَا لُشِ نّ عَلْ فِنّ نَشَن نُ دُفُتّفّشِ عَ شَ مْرِ مَ
22عِ شَ فبٍتِ بَرَ قِندِ سٍ كَنَشِ رَ،
23عِ شَ مَنفّيٍ بَرَ مُرُتَ، عٍ قِندِ مُحّتِيٍ رَ،
24عَلَتَلَ سّنبّمَ شُي نَن يَ، نَ شَ قٍ رَ.
25ﭑ فبِلٍنمَ نّ ﭑ يِ سَ رَ عِ مَ عَ شْرْشْي رَ،
26ﭑ كِيتِسَ تِنشِنشِيٍ تِمَ نّ وٌ شُن عَلْ سِنفٍ،
27سِيٌنِ شُن سَرَ مَ نّ تِنشِنيِ رَ،
28كْنْ فبَلٌي فٌرٌ مَ نّ مُرُتّلَيٍ نُن يُنُبِتْييٍ مَ،
29وٌ قَمَ نّ يَافِدٍ قْتْنيِ رَ وٌ نُ كُيٍ بَتُمَ دّننَشّ.
30وٌ قَمَ نّ لُدٍ عَلْ وُرِ بِلِ لِسِشِ،
31سّنبّمَ سّنبّ حْنمَ نّ،