1مَرِفِ عَلَتَلَ سّنبّمَ بَرَ نَتّ تٌنفٌ
2عَ شَ عٍ شَ حَلَمَيٍ نُن عٍ شَ سْورِيٍ رَفٌرٌ،
3عَ شَ عٍ شَ سْورِ مَنفّيٍ، عٍ شَ مَرَ سِمَيٍ، عٍ شَ وَلِكّ قَنيِيٍ،
4ﭑ قَمَ قٌنِكٍيٍ نَن تِدٍ مَنفّيَ رَ عٍ شُن مَ،
5كَنكَن قُمَ نّ عَ بٌورٍ مَ،
6نَ كُي، مِشِ ندٍ عَ قَلَمَ نّ عَ بَرِ بٌورٍ ندٍ بّ،
7كْنْ عَ نفَشَكٍرٍنيِ عَ يَابِمَ نّ،
8دَرِ سَلَمُ نَ بِرَقٍ، يُدَيَ شُن نَ كَنَقٍ،
9عٍ شَ كَارِنيِ قِندِ سٍيدٍ حَاشِ نَن نَ عٍ شِلِ مَ.
10وٌ عَ قَلَ تِنشِنتْي بّ، عَ نَ كِرَ قَنيِ شْن مَ،
11حَشَنكَتّ نَ مِشِ حَاشِ تَن بّ،
12دِ مّيٍ نَن نَ ﭑ مَ حَمَ حَشَنكَتَقٍ،
13كْنْ عَلَتَلَ بَرَ عَ عِكٍلِ كِيتِسَ يِرٍ،
14عَلَتَلَ نَ عَ شَ حَمَ كُنتِفِيٍ نُن عَ مَنفّيٍ مَكِيتِقٍ يِ وْيّنيِ رَ،
15وٌن ﭑ مَ حَمَ هَلَكِمَ مُنقٍ رَ؟
16عَلَتَلَ نَشّ، «سِيٌنِ فِنّيٍ قِندِشِ يّتّ عِفبٌي نَن نَ،
17عَلَتَلَ قَمَ نّ سُورِ رَ مِنِدٍ عٍ شُنيِ مَ،
18نَ لْشْي، عَلَتَلَ عٍ شَ شُنمَسٍ بِرِن بَمَ نّ عٍ يِ رَ؛ عٍ شَ سَنكْنيِ شُنمَسٍ تٌقَنيِيٍ، عٍ شَ كْنمَفٌرٍ، عٍ شَ شُنمَسٍ نَشٍيٍ مِسَالِشِ كِكٍ رَ،
19عٍ شَ تُلِرَ سٌي، عٍ شَ بّلّشّرَ سٌي، عٍ شَ مَقٍلٍنيِيٍ،
20عٍ شَ شُن مَشِرِ سٍيٍ، عٍ شَ سَنكْنيِ شُنمَسٍيٍ، عٍ شَ بّلّتِيٍ، عٍ شَ لَبُندّ سَسٍيٍ، عٍ شَ مَكَنتَسٍيٍ،
21عٍ شَ بّلّشّسٌلٍ شُرُندّيٍ، عٍ شَ حْي شُرُندّيٍ،
22عٍ شَ شُلُن دُفِيٍ، عٍ شَ دٌنمَ كُيٍيٍ، عٍ شَ دٌنمَ قَرِ عِفٌرٌي، عٍ شَ فبْنقْييٍ،
23عٍ شَ دُفِيٍ، عٍ شَ دٌنمَ بُنمَفٌرٍ، عٍ شَ شُنمَشِرِيٍ، نُن عٍ شَ مَقٍلٍنيِيٍ. عَلَتَلَ نَ بِرِن بَمَ نّ عٍ يِ رَ.
24سٍ بْرْشِ نَن قِندِ مَ عٍ شَ لَبُندّ رَ.
25سَنتِدّفّمَ عٍ شَ مْرِيٍ قَشَمَ نّ،
26سِيٌنِ حَمَ وَ شُي مِنِمَ نّ سُننُنيِ كُي،