योहान 13

¹यीशु जाण गीयो काय फसहान तिवारान पेल। माहु ज्यी दुनियाह सोड़ीन आबाख फाय जाणेन टेम आव लागेल हे। ते जीहे यीशु दुनियाम तान माणहा हिऱ्यो मोंग केरतालो, तिहेच केरीन ताह सेवली बुखेत वोर मोंग किरते रिनो।

²यीशु एने तान चेला हांजीन खाणो खाणे बाजरियेल एता। पुण शिमोन ने बिटोख यहुदा इस्‍कोरितीन मोना माय पेलुच ने बुतड़ो यीशुह देरावणेन वात टाक मीलेल ईतो।

³यीशुह मालुम एतो काय आबोख आखो काय मार आथाम आप दियेल हे, एने मी बोगवाना फाय रेन आयेल हे; एने बोगवाना फाय जाथु।

⁴तानकेरता यीशु खाणो खाणेन पासाण तान फाड़का काड्यो, एने एक पोटको लेन तान कोमेर बांद्यो।

⁵तेवी ठामला माय पाणी बोरीन चेलान पाय दोवणे बाज गीयो एने जा पोटका केरीन कोमेर बांद रियेल ईतो, तास केरीन पाय नुसणे बाज गीयो।

⁶जेवी यीशु शिमोन पतरस फाय आवो, तेवी पतरस केयो, “एय मालीक, तु मार पाय दुवेह काय?”

⁷यीशु पतरसाह जापाप आप्यो, “जो मी केरथु, एवी तु ताह नाह जाणेत, पुण ज्यान पासाण सोमजेह।”

⁸पतरस यीशुह केयो, “तु मार पायाह मा दुवे!”

⁹शिमोन पतरस यीशुह केयो, “एय मालीक, मार पाय ओलाच नाह! पुण मार आथ एने मुंड बी दोव दे!”

¹⁰यीशु पतरसाह केयो, “जो उंगील लेदोह, ताह तान पायाह सोड़ीन उंजु काह दोवणेन जोरेवरी नाह, पुण तो पुरो चोखो हे। तुमू चोखाला हेते, पुण आखान आखान चोखाला नाह।”

¹¹यीशु तान देरावणाराह जाणतालो तानकेरता यीशु केयो, “तुमरे माय आखान आखान चोखाला नाह।”

¹²जेवी यीशु आखान पाय दोव दिनो, एने तान फाड़का पेरीन पुशो बोह गीयो। ते चेलाह केयो, “तुमू सोमज्या काय मी तुमरी हिऱ्यो काय किरेल हे?

¹³माहु तुमू गुरू एने मालीक केतेह, ज्यो ठिकुच केतेह, काहाकाय मी तोच हे।

¹⁴मी ज्‍यु गुरू, एने मालीक एन तुमरा पाय दुयेल हे। ते तुमूह बी एका दिहरान पाय दोवणे जुवे।

¹⁵काहाकाय मी ज्यो तुमूह एक नमुनो देखाड़ दियेल हे काय जिहकेरीन मी तुमरी हिऱ्यो किरेल हे, तिहेच केरीन तुमू बी दिहरा हेऱ्या केऱ्या किरो।

¹⁶13:16 मत्ती 10:24; लुका 6:40; योहान 15:20मी तुमूह खेरीच केथु, ‘पावोर तान मालक्याह रेन मुठो नाह, एने मोकलायेल तान मोकेलनाराह रेन मुठो नाह।’

¹⁷ज्यी वात तुमू जाणतेह, एने केदी ती पोर चालहो ते बोरकेतवाला हेते!”

¹⁸मी तुमरे आखान बाराम नाह केणे बाजरिनोह; एने मी जाह निवाड़ रिनोह। ताह मी ओलेखथु; पुण ज्यो ज्यानकेरता हे काय पुस्तेक ने ज्यी वात पुरी एणे जुवे, “जो मार रूटो खाते, तोच माहु दुको दियेल हे।13:18 बजन 41:9

¹⁹एवी मी ज्यी गेटना एणेन पेल तुमूह केय देथु, काहाकाय जेवी ज्यी गेटना एय जाय, तेवी तुमू बुरहो किरो काय ‘मी तोच हे।’”

²⁰13:20 मत्ती 10:40; मरकुस 9:37; लुका 9:48; 10:16मी तुमूह खेरीच केथु: “जो मार मोकेलनाराह स्वीकार किरेह तो माहु स्वीकारेह; एने जो माहु स्वीकारेह तो मार मोकेलनाराह स्वीकारेह।”

²¹जेवी यीशु ज्‍यु वातु केय दिनो, तेवी यीशु जीवा माय जुलूम दुखी ईनो, एने ज्यी गोवाय दिनो, “मी तुमूह खेरीच केथु, तुमरे माय रेन एक माहु देरावी।”

²²ते चेला सेंका केरीन एका दिहरान उगे देखणे बाज गीया, एने केया, “ज्यो कुणीन बाराम केणे बाजरिनोह?”

²³तान चेलाम रेन एक जाह यीशु मोंग केरतालो, यीशु हिऱ्यो निड़ो वोलीन बुहेल ईतो।

²⁴तेवी शिमोन पतरस ताह ईसारो केरीन फुशो, “यीशुह फुस कुणीन बाराम किथे?”

²⁵तेवी तो तिहेच केरीन यीशुन साती निही डोंगो वोलीन यीशुह फुशो, “एय मालीक, तो कुण हे?”

²⁶यीशु जापाप आप्यो, “जाह मी रोटान टुकड़ो अंगुरान रोह माय बुड़ावीन आपुह, एने शिमोन इस्‍कोरितीन सोराह यहुदाह आप्यो।”

²⁷एने टुकड़ो लेताच ता माय बुतड़ो रिग गीयो। तेवी यीशु ताह केयो, “जो तु केरने हुदेह, तो उतवाल्युह केर!”

²⁸यीशु काहा इहकेरीन केयो ज्यान बाराम पाटला हेऱ्या बोह रियेल एकाह बी ज्यी वात सोमेज माय नाह आवी।

²⁹पोयशान थेयली यहुदा फाय रेताली, केरीन थोड़ाक ज्यो सोमेजना काय यीशु तिवारान केरता जोरेवरी सोमान वेचातो लावणे किथे, एने ज्यो काय गेरब्याह काह आपणेन किथे।

³⁰तेवी यहुदा रोटान टुकड़ो लेन चालोच बाहेर जात रिनो। एने ज्यी रातीन टेम एती।

³¹जेवी यहुदाह बाहेर जात रेणेन बाद यीशु केयो, “एवी माणहान बेटाख ने बोड़ाय ईयेल हे, एने बोगवानान बोड़ाय ता माय ईयेल हे।

³²केदी बोगवानान बोड़ाय तान द्‍वारा ईयेल हे, ते बोगवान बी खुद तान बोड़ाय केरी, एने चालोच केरी।

³³13:33 योहान 7:34एय मार सोरा, मी उंजु थोड़ीक वार तुमरी हिऱ्यो हे ओवता तुमू माहु हुदहो। पुण जा मी जाथु ता तुमू नाह आव सेकते; इहकेरीन मी यहुदि आदिकारीह कियेल ईतो, ‘एने एवी मी तिहेच केरीन तुमूह बी केथु।’

³⁴13:34 योहान 15:12,17; 1 योहान 3:23; 2 योहान 1:5एने मी तुमूह एक नोवालो उकुम आपथु, ‘तुमू एका दिहरा पोर मोंग किरो। जिहकेरीन मी तुमरी हिऱ्यो मोंग किरेल हे, तिहेच केरीन तुमू बी एका दिहरा हेऱ्या मोंग किरो।’

³⁵केदी तुमू एका दिहरा हेऱ्या मोंग किरहो, ते आखा माणहे जाण जाती काय तुमू मारा चेला हेते।”

³⁶शिमोन पतरस यीशुह फुशो, “एय मालीक, तु का जाथे?”

³⁷पतरस यीशुह केयो, “एय मालीक, मी तार पासाण एवी काहा नाह आव सेकथु? तार केरता मी मार जीवाह बी आप देह!”

³⁸यीशु पतरसाह जापाप आप्यो, “तु मार केरता तारा जीवाह आप दिहे काय? मी तुवाह खेरीच केथु, ‘कुकड़ो वाहणेन पेल तु तीन वारीन माहु नाकार हे।’”