योहान 14

¹यीशु तान चेलाह केयो, “तुमरो मोन दुखी नाय एय। बोगवाना पोर बुरहो किरो एने मार पोर बी बुरहो किरो।

²14:2 केदी नाय एता ते; मार आबाख ने गेरा माय रेणेन केरता जुलूम जागो हे, एने केदी जागो नाय रितो, ते मी तुमूह केतालो काय मी जागु तियार केरने जाथु।मार आबाख ने गेरा माय रेणेन केरता जुलूम जागो हे, एने केदी जागो नाय रितो, ते मी तुमूह केय दितो। काहाकाय मी तुमरी केरता जागो तियार केरनेन केरता जाथु।

³एने तुमरी केरता जागो तियार केरनेन बाद, मी पुशो आवीन तुमूह मार फाय ली जाह काहाकाय जा मी रेथु ताहरी तुमू बी रिहो।

⁴एने जाहरी मी जाथु, ताहरीवाली वाट तुमूह मालुम हे।”

⁵थोमा यीशुह केयो, “एय मालीक, आमु नाह जाणते काय, तु का जाणे बाजरिनोह; ते आमु ता जाणेन वाट किहीक जाणज्यु?”

⁶यीशु थोमाह केयो, “वाट एने खेराय एने जीवाय मीच हे; मार बिगेर कुण बी आबाख फाय नाय जाय सेकी।

⁷14:7 एवी तुमू माहु ओलेखतेह, तुमूह मालुम एय जाय; थोड़ाक लेख माय केदी तुमू माहु जाण लेता ते माहु ओलेखता।केदी तुमू माहु जाण लेता, ते तुमू मार आबाख बी जाणता; एने एवी ते तुमू ताह जाणतेह, एने देखी बी लियेल हेते।”

⁸फिलीपुस यीशुह केयो, “एय मालीक, हेरगान आबोख आमुह देखाड़ दे; ज्योस आमरी केरता जुलूम हे।”

⁹यीशु ताह केयो, “एय फिलीपुस, मी ओला दिह वोर तुमरी हिऱ्यो हे, तु माहु नाह जाणेत काय? जो कुण माहु दिखेल हे, तो मार आबाख दिखेल हे।” ते तु काहा किथे, “आमुह आबोख देखाड़?”

¹⁰काय तु बुरहो नाह किरेत काय मी आबाख माय हे एने आबोख मार माय? जी वात मी तुमूह केथु, “ती वात मी खुद नाह केत। पुण हेरगावालो आबोख मार माय रेन तान काम किरेह।

¹¹तुमू मार पोर बुरहो किरो काय मी आबाख माय हे, एने आबोख मार माय हे। नाहते ता कामाह देखीन बुरहो किरो जा मी केरथु।

¹²मी तुमूह खेरीच केथु: मार पोर बुरहो केरनारे जा काम मी केरथु, ताह रेन बी मोटला काम किरहो, काहाकाय मी आबाख फाय जाथु।

¹³एने जो बी तुमू मार नावा केरीन मांगहो तो मी आपुह, काहाकाय बेटाख पोर रेन आबाख ने बोड़ाय एय।

¹⁴14:14 थोड़ाक लेख माय तुमू नाह लिखेल हे।केदी तुमू जो बी मार नावा केरीन मांगहो, ते मी ताह आपुह।”

¹⁵केदी तुमू माहु मोंग केरतेह, ते मारा उकुमाह मानतेह।

¹⁶एने मी आबाख फाय विन्ता केरूह, तेवी तो तुमरी हिऱ्यो जेलेमक्‍योच रेणेन केरता दिहरो एक मोदेक केरनार तुमूह आपी।

¹⁷14:17 हे; थोड़ाक लेख माय एय लिखेल हे।तो जीव जो बोगवानान खेरायीह देखाड़ीह। दुनिया ताह स्वीकार नाह किरेत, काहाकाय ता ताह नाह देख सेकते, एने नाह ताह जाणेल हेते। पुण तुमू ताह जाणतेह, काहाकाय तो तुमरी हिऱ्यो रीथे एने तुमरी माय हे।

¹⁸मी तुमूह विखावाला नाय सोडु; पुण मी पुशो तुमरी फाय आवथु।

¹⁹एने थोड़ीक वार ने पासाण दुनिया माहु नाय देखी, पुण तुमू माहु दिखहो; काहाकाय मी जीवतालो हे, एने तुमू बी जीवताला रिहो।

²⁰ते दिह तुमू जाणहो काय मी मार आबाख माय हे, एने तुमू मार माय हेते, एने मी तुमरी माय हे।

²¹“जो कुण मार उकुमाह स्वीकार किरेह एने मानीह तोच माहु मोंग किरेह। एने जो माहु मोंग किरेह ताह मार आबोख मोंग किरेह; एने मी बी ताह मोंग केरूह एने सोताह ताह देखाडुह।”

²²तो यहुदा जो यहुदा इस्‍कोरिती नाह ईतो, ताह केयो, “एय मालीक, ज्यान काय कारेण हे काय तु सोताह आमुह देखाड़ने हुदेह पुण दुनियाह नाह?”

²³यीशु ताह जापाप आप्यो, “जो बी माहु मोंग केरी तो मारी हिकवोणाह मानी। एने मारो आबोख ताह मोंग केरी, ते मी एने मार आबोख ता फाय आवहु एने ता हेऱ्या रेहु।

²⁴जो माहु मोंग नाह किरेत, तो मार हिकवोण पोर नाह चालते; एने ज्यी हिकवोण तुमू होमेलतेह तो मारी नाह सोती, पुण माहु मोकेलनार आबाख ने हे।”

²⁵मी ज्‍यु वातु तुमूह तुलेचबूखी कियेल जेवी मी तुमरी हिऱ्यो ईतो।

²⁶मारो आबोख मार नावा केरीन एक मोदेक केरनार मोकली, चोखालो जीव तो तुमूह आखी वात हिकाड़ी, एने मी जो बी तुमूह कियेल हे, तो सोब एर केरावी।

²⁷मी तुमरी केरता मार सान्ती सोड़ीन जाथु, ज्यी मारी खुद ने सान्ती तुमूह आपथु; जिहकेरीन दुनिया तुमूह सान्ती आपेह, तिहकेरीन मी नाह आपेत: तुमरो मोन नाय गाबराय एने नाय बिय।

²⁸तुमू माहु केतालो होमलेल हेते, “मी जाथु, एने पुशो तुमरी फाय आवुह, तुमू माहु मोंग केरता ताहार ज्यी वातीह रेन खुस एय जाता काय मी आबाख फाय जाथु। काहाकाय आबोख माहु रेन मुठो हे।”

²⁹एने मी ज्‍यु वातु एणेन पेल तुमूह केय दियेल हे, काहाकाय जेवी ज्‍यु वातु पुऱ्यू एत्यु, तेवी तुमू बुरहो केर सीको।

³⁰मी एवी तुमरी हिऱ्यो उंजु जादा वात नाय केरू, काहाकाय ज्यी दुनिया पोर राज केरनार आवीह। मार पोर तान काय आदिकार नाह।

³¹पुण ज्यी वात ज्यानकेरता एणे बाजरेनीह काय दुनिया जाणे काय मी आबाख मोंग केरथु; एने आबोख जीहे उकुम माहु आपेल हे तिहेच केरीन मी केरथु।