योहान 12

¹फसह ने तिवाराह रेन सोव दिह्या पेल यीशु बेतनिया माय आवो, जा लाजर रेतालो, एने ताह यीशु मुरेल माय रेन जीवतो किरेल ईतो।

²ताहरी ता यीशुन केरता खाणो तियार केऱ्या; एने मार्था खाणो वाटणे बाजरियेल एती, एने यीशु हिऱ्यो खाणो खाणाराम रेन लाजर बी पाटला हिऱ्यो बोह रियेल ईतो।

³12:3 लुका 7:37,38तेवी मरीयम जटामासीन आदो लीटर मोंगालो एने चोखो मोग मोग गेंदाण्यो तेल लेन आवी, एने यीशुन पाया पोर रोचीव देनी, एने तीन लेट्या केरीन यीशुन पायाह नुसी; एने तेलान गेंद ने वोजेसे आखो गेर जुलूम हाजो गेंदाणे बाज गीयो।

⁴पुण यीशुन चेलाम रेन एक यहुदा इस्‍कोरिती ईतो, जो यीशुह देरावणार ईतो, तो केयो,

⁵12:5 चांदीन सिक्‍का; देखी 6:7“ज्या गेंदाण्यो तेलाह तीन होव चांदीन सिक्‍का माय वेचीन, गेरब्याह काहा नाह वाट देनी?”

⁶तो गेरब्यान फिकेर केरीन ज्यी वात नाह केयो पुण तो चोर ईतो। एने पोयशान थेयली बी तास फाय रेताली एने थेयली माय जो बी टाकताला, तो काड़ लेतालो। संगमरमरान ठामलो

⁷यीशु केयो, “ओयीह रेन दिवो! ज्यी ते माहु बुजणेन तियारीम ज्यो आखो किरेल हे।

⁸काहाकाय गेरीब माणहे ते जेलेम तुमरी हेऱ्या रेतेह, पुण मी तुमरी हिऱ्यो जेलेम नाय रेव।”12:8 निर्गमन 15:11

⁹जेवी यहुदि माणहाह मालुम पोड़नो काय यीशु बेतनियाम हे, ते ता यीशुह ओलास नाह, पुण लाजराह बी देखणे आयेल एता, काहाकाय ताह यीशु मुरेल माय रेन जीवतो किरेल ईतो।

¹⁰तेवी मुखी चाकऱ्या लाजराह बी मारनेन विचार केऱ्या,

¹¹काहाकाय तान वोजेसे जुलूम होवटा यहुदि माणहे जात रेना, एने यीशु पोर बुरहो केऱ्या।

¹²दिहरे दिह तिवाराम आयेल जुलूम होवटा माणहे होमल्या काय यीशु यरूशलेम माय आवणे बाजरिनोह।

¹³तानकेरता माणहे खजुरान डालखा लेन यीशुह मिलने चाल पोड़ना एने ता आयड़ीन केणे बाज गीया, “होसन्‍ना! बोरकेतवालो हे इस्राएल ने राजा, जो मालक्यान नाव से आवेह!”12:13 बजन 118:25,26

¹⁴जेवी यीशुह एक गेदड़ान पिलो जुड़नो तेवी यीशु ता पोर बोह गीयो, जिहकेरीन पुस्तेक माय लिखेल हे,

¹⁵“एय सियोन ने बेटी, मा बिय!12:15 जकर्‍या 9:9

¹⁶यीशुन चेला पेल ज्यी वातीह नाह सुमजेल एता, पुण जेवी यीशुन बोड़ाय एनी ते ताह एर आवी काय ज्यी वात ज्यास ने बाराम लेख मीलेल एती, एने माणहे बी ता हेऱ्या ओहलोच वेवार किरेल एता।

¹⁷यीशु हेऱ्या एता ता माणहे इहकेरीन गोवाय देना, तो लाजराह माहणाम रेन हादिन मुरेल माय रेन जीवतो किरेल ईतो।

¹⁸ज्यास ने वोजेसे माणहे यीशुह मिलने आयेल एता, काहाकाय ता हुमलेल एता काय यीशु ज्यो चोमेत्कार देखाड़ेल हे।

¹⁹तेवी फरिसी एका दिहराह केणे बाज गीया, “तुमू नाह सोमज्या काय जो बी तुमू केरने बाजरेनाह, तो काय कामान नाह सोतो! दिखो, आखी दुनिया तान पासाण जात रेनीह!”

²⁰जा माणहे ता फसहान तिवारा माय बोक्ती केरने आयेल एता ताम रेन थोड़ाक युनानी एता।

²¹ता गेलीलान बेतसेदान गावान रेणार फिलीपुस फाय आवीन ताह विन्ता केऱ्या, “गुरू, आमु यीशुह मिलने होदतेह।”

²²ज्यी वात फिलीपुस आवीन अन्द्रियासाह केयो, तेवी ता दुयू जाईन यीशुह केया।

²³यीशु ताह जापाप आप्यो, “माणहान बेटाख ने बोड़ाय एणेन टेम आव लागेल हे।

²⁴मी तुमूह खेरीच केथु: जाह वोर गोवान दाणो बुई माय पोड़ीन मोरी नाह जात, ताह वोर तो एखालोच रीथे। पुण जेवी तो मोर जाथे, ते जुलूम पाकीह।

²⁵12:25 मत्ती 10:39; 16:25; मरकुस 8:35; लुका 9:24; 17:33जो तान जीवाह मोंगाल्लो जाणेह, तो ताह गोमाड़ देय; पुण ज्यी दुनिया माय जो तान जीवाह मोंग नाय केरी, तो ताह जेलेमक्यो जीवायीन केरता होमालीन मेली।

²⁶केदी एगदो मारी सेवा केरी, ते मार पासाण चाल पोड़ी, एने जाहरी मी हे ता मारो सेवक बी रेय। केदी एगदो मारी सेवा केरी, ताहार मारो आबोख तान मान मेली।

²⁷“एवी मारो जीव गाबराणे बाजरिनोह। केरीन एवी मी काय केरू? ‘एय आबा, ज्या दुखा रेन माहु वोचाड़?’ काहाकाय ज्या टेमान केरता मी आयेल हे।

²⁸एय आबा, तार नावान बोड़ाय एणे दे!”

²⁹तेवी जा माणहे उबरीन होमेलताला ता केया, वादेल गाजनोह, एने दिहरा केया, “एगदो हेरोगदुत ताह हिऱ्यो वातु किरेल हे।”

³⁰पुण यीशु केयो, “ज्यो आवाज मार केरता नाह, पुण तुमरी केरता ईयेल हे।

³¹एवी ज्यी दुनियान नियाव केरनेन टेम आव लागेल हे; एवी ज्यी दुनिया पोर राज केरनार आदिकारी काड़ाय जाय।

³²एने मी केदी देरती पोर रेन उपेर चेड़ावाय जाह, ताहार आखा माणहाह मार फाय खेचुह।”

³³एने यीशु किहीक मुरन्यो हे, तो देखाड़नेन केरता इहकेरीन केणे बाजरियेल ईतो।

³⁴तेवी माणहे यीशुह केया, “आमु ते नेमान ज्यी वात होमलेल हेते काय मसी जेलेमक्‍योच रेय। ओवतो तु काहा किथे काय माणहान बेटाख उपेर चेड़ावाय जाणो जोरेवरी हे? ज्यो माणहान बिटोख कुण हे?”12:34 बजन 110:4; यशाया 9:7; यहेजकेल 37:25; दानिएल 7:14

³⁵यीशु ताह केयो, “एवी उजालो थोड़ीक वार वोर तुमरी विची माय हे, जाह वोर उजालो तुमरे हेऱ्यो हे, ताह वोर चालते रिवो, इही नाय एय काय आंदारो तुमूह कोंड लेय; काहाकाय आंदारलाम चालनाराह मालुम नाह काय तो का जाणे बाजरिनोह।

³⁶जाह वोर उजालो तुमरी हेऱ्यो हे, उजाला पोर बुरहो किरो, काहाकाय तुमू उजालान माणहे बोणी।”

³⁷यीशु माणहान ओंगाण जुलूम मोटला चोमेत्कार देखाड्यो, तीबी ता यीशु पोर बुरहो नाह केऱ्या।

³⁸काहाकाय यशायान जाणाव केरनारान वचन पुरो एय:12:38 यशाया 53:1

³⁹ज्यानकेरता ता बुरहो नाह केर सेक्‍या, काहाकाय यशाया इही बी कियेल हे:

⁴⁰“बोगवान तान डोला आंदला,12:40 यशाया 6:10 एने

⁴¹यशाया ज्यो ज्यानकेरता कियेल काय तो यीशुन बोड़ायीह दिखेल ईतो।

⁴²तीबी यहुदि आदिकारी माय रेन जुलूम होवटा यीशु पोर बुरहो केऱ्या; पुण ता फरिसीन दाके आखान ओंगाण नाह मानताला, काहाकाय ताह बिय एती काय फरिसी ताह मोंदिर माय रेन निकाल देती।

⁴³काहाकाय ताह बोगवानान बोड़ाय रेन माणहान बोड़ाय जुलूम हाजो लागेह।

⁴⁴यीशु आयड़ीन केयो, “जो मार पोर बुरहो किरेह, तो मार पोर नाह, पुण माहु मोकेलनारा पोर बुरहो किरेह।

⁴⁵एने जो माहु दिखेह, तो माहु मोकेलनाराह दिखेह।

⁴⁶मी ज्यी दुनिया माय उजालो बोणीन आयेल हे, काहाकाय जो बी मार पोर बुरहो केरी तो आदारलाम नाय रेय।

⁴⁷जो मार वात होमलीन नाह मानेत, ताह मी गुनेगार नाह ठेरावेत। काहाकाय मी दुनियाह गुनेगार ठेरावणे नाह आयेल सोतो, पुण दुनियान सुटकारो केरनेन केरता आयेल हे।

⁴⁸जो बी मारो नाकारो केरीन मारो वचन नाय माने, तान नियाव केरनार एक हे एने जो वचन मी केथु, ‘तोच सेवले दिहे ताह गुनेगार ठेरावी।’

⁴⁹काहाकाय मी मार उगे रेन वातु नाह किऱ्यो, पुण आबोख जो माहु मोकलेल हे तोच माहु उकुम आपेल हे, का काय काय केव एने काय काय बोलु।

⁵⁰एने मी जाणथु काय तान उकुम जेलेमक्यी जीवाय लावेह। तानकेरता जीहे आबोख माहु कियेल हे तिहेच मी तुमूह केथु।”