मत्ती 2

¹हेरोदेस राजान काला माय जेवी बेथलेहेम गावाम यहुदिया ईलाका माय यीशुन जेल्मो एनो, ते दिह उगता उगे रेन तारान बाराम मालमात केरनारे जाणकार माणहे यरूशलेम देसा माय आवीन फुसणे बाज गीया।

²“यहुदिन राजा जान जेल्मो एनोह, तो काहरी हे? काहाकाय आमु दिह उगता उगे तान तारो दिखेल हेते, एने तान पाया पोड़ने आयेल हेते।”

³ज्य होमलीन हेरोदेस राजा, एने ता हेऱ्या आखा यरूशलेम माय रेणारे माणहे गाबराय गीया।

⁴तेवी राजा आखा माणहान मुखी चाकऱ्याह, एने देरेमगुरू न्याह सोबाह एकठा केरीन ताह फुशो, “मसीन जेल्मो काहरी एणे जुवे?”

⁵ता राजाह केया, यहुदि देसाम बेथलेहेम गावा माय, काहाकाय जाणकारान उगे रेन ज्य लेखायेल हे:

⁶“एय बेथलेहेम, तु जो यहुदान देस,2:6 मीका 5:2

⁷तेवी हेरोदेस राजा मालुमात केरनारा माणहाह मोनेस हादिन फुशो, तारो ठिख काल्ला टेम माय देखायेल ईतो।

⁸एने राजा ताह ज्य केयीन बेथलेहेम गावा माय मुकल्यो, “जावो ता सोरान बाराम हास केरीन पोतो किरो, एने जेवी तो सापड़ी जाय तेवी माहु बी आवीन खोबेर दिज्यो। काहाकाय मी बी आवीन तान पाया पोडु।”

⁹ता राजान वात होमलीन जात रेना, एने जा ताराह ता पुर्व माय दिखेल एता तोस तारो तान ओंगाण ओंगाण चालनो; एने जाहरी सोरो एतो, ता जागा पोर जाईन उबरेय गीयो।

¹⁰ता ताराह देखीन ता जुलूम खुस एय गीया।

¹¹एने ता आखा गेराम जाईन ता सोराह तान आईख ने खोलाम देख्या, एने ता पाया पोड़ीन ताह वोंद्या, एने जान तान जोलो उगाड़ीन ताह होनो, एने लोबान, एने मोग मोग गेंदाण्यो तेल बेट केऱ्या। हालीयान जाड़ एने दुणी देणेन वेदी

¹²ओवतो ताह होपना माय बोगवाना उगे रेन चेतावणी आपी, काय पोशा फिरीन हेरोदेसा फाय मा जाहो, केरीन ता दिहरी वाटे रेन तान देसाम जात रेना।

¹³ताह जाणेन पासाण बोगवानान एक हेरोगदुत होपना माय आवीन युसूफाह केयो, “उठ ज्या सोराह एने ज्यान आईख लेन मीस्र देसाम नाह जा; एने जाह वोर मी नाय केव ताह वोर ताच रिजे, काहाकाय हेरोदेस ज्या सोराह हुदेह काय ज्याह माराव देव।”

¹⁴तेवी युसूफ रातीच उठीन सोराह एने तान आईख लेन मीस्र देसा माय जात रिनो।

¹⁵एने हेरोदेस राजा मोरता वोर ताच रेना। ज्य ज्यानकेरता एनो काय तो वचन जो बोगवानान जाणकारान उगे रेन कियेल एतो, तो पुरो एय: “मी मारा सोराह मीस्र देसाम रेन हादेल हे।”2:15 होशे 11:1

¹⁶जेवी हेरोदेस राजाह ज्य मालुम पोड़नो काय इकेल वाला माणहे माहु दुको दियेल हेते, तेवी ताह जुलूम राग आवो, एने माणहाह मोकलीन ग्यानी माणहे कियेल तो तारो देखायेल तोलेक वोर बेथलेहेम गावान, एने आहने पाहनेन गावान आखा सोराह जा दुय वोरह्याह रेन आत्या एता, ता आखाह माराव दिनो।

¹⁷तेवी जो यिर्मया जाणकारान उगे रेन कियेल एतो तो वचन पुरो एनो।

¹⁸“रामा माय दुखाम बोरायेल एक बोल होमलाय गीयो;2:18 यिर्मया 31:15

¹⁹हेरोदेस राजाह मोरनेन पासाण, बोगवानान एक हेरोगदुत मीस्र देसा माय युसूफाह होपना माय देखानो एने केयो,

²⁰“उठ, सोराह एने ज्यान आईख लेन इस्राएल देसा माय जातरे, काहाकाय जा माणहे सोरान जीव लेणे होदताला, ता मोर जायेल हेते।”

²¹युसूफ जाग उठनो, एने सोराह एने तान आईख लेन इस्राएल देसा माय आवो।

²²पुण ज्य होमलीन काय अरखीउलास तान आबाख ने हेरोदेसान जागे यहुदिया पोर राज केरने बाजरिनोह, केरीन ता जाणेन बिनो। उंजु ताहरी ताह बोगवान होपना माय सुचना आप्यो काय ता मा जाहे, ओवतो युसूफ गेलील देसाम जात रिनो।

²³एने नासरत नावान गावा माय जाईन रेणे बाज गीयो, काय तो वचन पुरो एय जो जाणकारान द्‍वारे कियेल एतो: “तो नासरी गावान केवाय।”2:23 मरकुस 1:24; लुका 2:39; योहान 1:45