मत्ती 1

¹यीशु मसीन बाप दादान नावे लेखायेल सुचीन पुस्तेक ज्‍यु हेत्यु, तो दाऊद राजान वोसीन ईतो, दाऊद राजान वोस अब्राहामा पोर रेन सुरू एनो।

²अब्राहामाह रेन इसहाक, इसहाकाह रेन याकुब, एने याकुबाह रेन यहुदा एने तान बाहख पायदा एना,

³यहुदा एने तामार ने फिरीस एने जोरह पायदा एना, फिरिसान हिसरोन पायदा ईनो, एने हिसरोन ने एराम पायदा एनो,

⁴एरामाह रेन अम्मीनादाब पायदा ईनो, अम्मीनादाबाह रेन नहशोन एने नहशोनाह रेन सलमोन पायदा ईनो,

⁵सलमोनाह एने राहाबान बोआज पायदा ईनो, बोआज एने रूथ ने ओबेद पायदा ईनो, एने ओबेद ने यीशे पायदा ईनो,

⁶एने यीशेन दाऊद राजा पायदा ईनो, एने दाऊदान सुलेमान ती बायकुन जी पेल उरीयान बायकु एती1:6 2 शमुएल 12:24,

⁷सुलेमानाह रेन रेहबाम पायदा ईनो, एन रेहबामाह रेन अबिया पायदा ईनो, एने अबियान आसाफ पायदा ईनो,1:7 2 शमुएल 12:24

⁸आसाफ यहोशापात पायदा ईनो, यहोशापातान योराम पायदा ईनो, एने योरामान उजिया पायदा ईनो,

⁹उजियान योताम पायदा ईनो, योतामान आहाज पायदा ईनो, एने आहाजान हिजकिया पायदा ईनो,

¹⁰हिजकियान मनशी पायदा ईनो, मनशीन आमोन पायदा ईनो, एने आमोनान योशिया पायदा ईनो,

¹¹एने बाबिलोन देसान राजा इस्राएली माणहाह गुलामी माय ली जाणेन टेम माय, योशियान यकुन्या एने तान बाहख पायदा एना।1:11 2 राजा 24:14-15; 2 इतिहास 36:10; यिर्मया 27:20

¹²एने ता बाबिलोन माय गुलामी माय एता, तेवी यकुन्यान शालतीएल पायदा ईनो, एने शालतीएलान जरूबाबेल पायदा ईनो,

¹³एने जरूबाबेल ने अबीहुद पायदा ईनो, अबीहुदान ईलयाकीम पायदा ईनो, एने ईलयाकीमान आजोर पायदा ईनो,

¹⁴आजोरान सदोक पायदा ईनो, एने सदोकान अखीम पायदा ईनो, एने अखीम ने इलीहुद पायदा ईनो,

¹⁵इलीहुद ने एलियाजर पायदा ईनो, एलियाजरान मत्तान पायदा ईनो, एने मत्तानान याकुब पायदा ईनो,

¹⁶याकुबान युसूफ पायदा ईनो, जो मरीयम ने एदमी ईतो, एने मरीयमान यीशु जो मसी केवाथे तो पायदा ईनो,

¹⁷इहकेरीन अब्राहाम रेन दाऊद वोर चोवदा पिढ्यु एन्यु, एने दाऊदाह रेन बाबिलोन माय बोंदी बाणावीन पोचाड़णे वोर चोवदा पिढ्यु एन्यु, तान बाद बाबिलोन माय गुलामीम ली जाणे वोर यीशु मसीन पायदा एणे वोर चोवदा पिढ्यु एन्यु।

¹⁸यीशु मसीन जेल्मो इहकेरीन एनो, जेवी तान आहख मरीयम ने मांगणी युसूफ नावान माणहा हेरी ईयेल एती, तेवी ता दुयाह एकठा एणेन पेल मरयमीह चोखाला जीवा उगे रेन दिह रेना।

¹⁹तीन एदमी युसूफ जो देरमी ईतो, एने तीह बदनाम केरने नाह होदतालो, केरीन युसूफ तीह मोनेस सोड़ देणेन विचार किऱ्यो।

²⁰पुण जेवी युसूफ ज्यी वातुन बाराम मोना माय विचार केरने बाजरियेल ईतो, तेवी बोगवानान हेरोगदुत ताह होपना माय देखानो एने केयो, “एय युसूफ दाऊदान सोरा, तु तारी बायकुह तार गेर लावणेन बिहे मा, काहाकाय जो तीन पेटाम हे तो चोखाला जीवान उगे रेन हे,

²¹1:21 लुका 1:31ती एक सोराह जेल्मो देय, एने तु तान नाव यीशु मिलजे, काहाकाय तो आपणा माणहान तान पापाम रेन वोचाड़ी।”

²²ज्य सोब ज्यानकेरता एनो काय जो वचन जाणकार बोगवाना उगे रेन कियेल ईतो, तो पुरो एय।

²³“दिखो, एक कुवारली सोरीह दिह रेती, एने ती एक सोराह जेणी एने तान नाव इम्मानवेल मेलाय जाय,” तान मतलब हे, “बोगवान आमरी हिऱ्यो हे।”1:23 यशाया 7:14

²⁴तेवी युसूफ निंद माय रेन जागीन बोगवानान हेरोगदुतान उकुम मानेन तिहेस केरीन, युसूफ मरीयम हिऱ्यो वाराड़ केरीन तान गेर लेन आवो;

²⁵1:25 लुका 2:21एने जाह वोर ती सोराह जेल्मो नाह देनी ताह वोर युसूफ ती हिऱ्यो नाह गीयो, एने युसूफ ता सोरान नाव यीशु मिल्यो।