मत्ती 3

¹ता दिह्या माय बपतीस्मा केरनार योहान आवीन यहुदियान जेंगला माय ज्यो पारचार केरने बाज गीयो:

²3:2 मत्ती 4:17; मरकुस 1:15“तुमरा पापाह सोड़ीन तुमू मोन फिरावो, काहाकाय हेरगान राज आहने आव लागेल हे!”

³जान बाराम यशाया जाणकार कियेल ईतो, ज्यो तोस हे:3:3 यशाया 40:3

⁴ज्यो योहान उटड़ान रोचकान फाड़का पेर रियेल ईतो, एने कोमरा माय चामड़ान पुट्टो बांद रियेल ईतो। एने तान खाणो टिड्या एने जेंगली मोवाल एतो।3:4 2 राजा 1:8

⁵तेवी यरूशलेम हियोर एने यहुदियान आखा माणहे, एने यरदन नेदीन आहने पाहने वाला आखा ईलाकान माणहे योहान फाय आवा।

⁶ता आप आपणा पापाह मानेन योहान फाय रेन यरदन नेदी माय बपतीस्मा लेदा।

⁷जुलबुखे तो मोकतास फरिसी एने सदुकीह बपतीस्मा लेणेन केरता ता फाय आवताला देखीन तो केयो, “एय गेड़हान पिला, तुमूह कुण हिकाड़ देनोह काय बोगवानान उगे रेन आवणारा रागाह रेन सेटा नाहो?

⁸तानकेरता पापाम रेन मोनाह बोदलो काय हाजो फोल लावो;

⁹3:9 योहान 8:33एने आप आपणा मोना माय ज्य मा सोचो काय आमरो आबोख ते अब्राहाम हे; काहाकाय मी तुमूह केथु काय बोगवान न्या देगड़ा केरीन अब्राहाम ने केरता सोरो पायदा केर सिकेह।

¹⁰3:10 मत्ती 7:19एवी कुराड़ ते जाड़ान थुड़ा पोर मिलेल हे, तानकेरता जो जाड़ फोल नाह लावेत, तो काटाय एने आक्‍ठा माय टाकाय जाय।

¹¹मी ते तुमूह पाण्या केरीन मोन बोदेलनेन बपतीस्मा केरथु, पुण जो मार पासाण आवण्यो हे, तो माहु रेन जादा ताकेतवालो हे, मी ते तान खाहड़ा विसणेन लायकीन नाह सुतो, एने तो तुमूह चोखालो जीव एने आक्‍ठा केरीन बपतीस्मा आपी।

¹²तान हुपड़ो तान आथाम हे, एने तान खोलाह हास केरीन साप केरी, एने गोवाह एक जागे मोटक्या माय टुलो केरी, पुण बुहटाह ता आक्‍ठा माय हेलगाड़ देय, जो जेलेम ओलाय नाय।”

¹³तुलबूखे यीशु गेलील ने नासरत गावा माय रेन यरदन नेदीन मीरे योहान फाय आवो काय ता फाय रेन बपतीस्मा लेय।

¹⁴पुण योहान इही केयीन रोकणे बाज गीयो, “माहु ते तुवा फाय रेन बपतीस्मा लेणेन गिरेज हे, एने तु माहु फाय आवोह?”

¹⁵यीशु ताह इही केयीन जापाप आप्यो, “एवी ओहलोच एणे दे, काहाकाय आपुह इहीचकेरीन सोब खेराय काम पुरो केरनेन हाजो हे।” तेवी योहान तिहेच केरीन किऱ्यो।

¹⁶जेवी यीशु बपतीस्मा लेन पाण्या माय रेन उपेर आवो, एने दिखो, हेरोग उगड़ी गीयो, एने तो बोगवानान जीवाह पेरवान वेहा माय तान उपेर उतेरतालो दिख्यो।

¹⁷3:17 मत्ती 12:18; 17:5; मरकुस 1:11; लुका 9:35एने दिखो, हेरगा माय रेन एक आवाज आवो: ज्यो मारो मोंगाल्लो बिटोख हे, ज्या पोर मी जुलूम खुस हे।