1 थिस्सलुनिक्यो 4

¹तान केरता एय बाय बोणहा, आमु तुमूह विन्ता केरतेह एने मालीक यीशु माय सोमजाड़तेह काय तुमूह कोहली चाल चालीन बोगवानाह खुस केरने जुवे, एने ज्यो तुमू आमु फाय रेन हिकेल हेते, एने तुमू ताज ने गेत वागतेह, एने ताज माय वोड़ती जावु।

²काहाकाय मालीक यीशुन आदिकार माय काल्ली काल्ली हिकवोण आमु तुमूह आपेल ज्यो तुमू जाणतेह।

³बोगवानान मोरजी ज्यी हे काय तुमू समर्पित एयीन पुरा चोखा बोणी: एने सिनालाह रेन वोचीन रिवो,

⁴4:4 तान बायकु हेऱ्यो रेह, नाहते तीन सेरीर पोर ताबो मेल।एने तुमू माय रेन आखा एदमी ज्यो जाणने जुवे काय तुमू तुमरी बायकु हेऱ्यो चोखालाम एने मान हेऱ्या वेवार केरने जुवे।

⁵एने ज्यो काम बोगवानाह नाह जाणते ता माणहान गेत मोनान मोरजीम नाह।

⁶काय ज्यी वातु माय कुण बी मसी मायवाला बायाख ने फायदो नाय विसी एने नाय ठेगी, काहाकाय बोगवान ज्यी आखी वातुन बुदलो लिण्यो हे; जिहकेरीन आमु पेलुच तुमूह कियेल एने इर बी केरायेल एता।

⁷काहाकाय बोगवान आपुह एठा एणेन केरता नाह, पुण चोखाला एणेन केरता हादिल हे।

⁸तान केरता जो कुण ज्या हिकवोणाह नाह मानेत, तो माणहाह नाह पुण बोगवानाह नाह मानेत, जो तान चोखाला जीवाह तुमूह आपेह।

⁹एने बाय बोणहान मोंगान बाराम आमु तुमूह लिखज्यु ज्यान गिरेज नाह सोती, काहाकाय एका दिहराह मोंग केरी, ओहलो बोगवानुच तुमूह हिकाड़ेल हे।

¹⁰एने आखा मकादुनियान मसी माय सोब बाय बोणहा हेऱ्यो मोंग केरतेह बी। पुण एय बाय बोणहा, आमु तुमूह सोमजाड़तेह काय उंजु बी वोड़ती जावु,

¹¹एने आमु तुमूह जिहकेरीन उकुम आपेल हेते, तिहेस केरीन सान्ती माय जीवाय जीवो, एने जान तान काम काजा उगे द्यान दिवो, एने जान तान आथा केरीन कामावणेन कोसीत किरो।

¹²इहकेरीन केरने से तुमू आखा बिगेर यहुदि माणहान द्‍वारे तुमूह मान सम्मान जुड़ी, एने दिहरान बोरहे रेणेन जोरवुत नाय पोड़ी। केरीन तुमूह काल्ली बी वोस्तुन कोमी पोड़ने नाय जुवे।

¹³एय बाय बोणहा, जा माणहे मोर रेनाह तान बाराम तुमू एंजाणल्या रिहो ओहली आमरी मोरजी नाह सोती; ज्यानकेरता काय जाह आसा नाह सोती ओहला माणहान गेत दुख मा मोणावहो।

¹⁴काहाकाय यीशु मोर जायेल एने पुशो जीव उठेल उहलो तुमरो बुरहो एय, ते ताज ने गेत जा यीशु पोर बुरहो केरीन मोर जायेल हेते, ताह बोगवान यीशु हिऱ्यो लावी।

¹⁵4:15 1 कुरिंथीयो 15:51,52जो मालीक हिकाड़ेल हे तोच तुमूह आमु केतेह, काय मालीकान आवणेन एय तुलबूखे वोर आपु जा जीवतालाच वोचीन रेहु, एने जा मसी पोर बुरहो केरीन मोर जायेल हेते ताह रेन ओंगाण आपु केदी बी जाहुच नाय।

¹⁶काहाकाय मालीक खुद हेरगाम रेन उतरी; तुलबूखे ललकार, एने मुखी हेरोगदुतान बोल होमलाय, एने बोगवानान पावली फुकाय जाय; एने जा मसी माय बुरहो केरीन मोर जायेल हेते, ता पेल जीव उठती।

¹⁷तेवी आपु जा जीवताला एने वोचेल हेते, ता हेऱ्या वादला पोर उखलीन जाहु काय वाहला माय मालीकाह मीले; एने तिहेस केरीन आपु कायेम मालीक हेऱ्या रेहु।

¹⁸केरीन ज्यी वातु माय एका दिहराह दिलासो आप्या किरो।