1तान केरता आमुह उंजु नाह रेवानो, ते आमु ज्यो ठेराया काय एथेंस हेयरा माय मी एखालोच रेय जाव।
2एने आमु तीमुथीयुसाह, जो मसीन हाजाली खुबेर माय आमरो बाहख एने बोगवानान सेवक हे, ज्यानकेरता मुकलेल काय तुमूह मोजबुत केरी एने तुमरा बोरहान बाराम सोमजाड़ी।
3काय तुमू माय रेन कुण बी ज्या तेकलीत ने कारीन गाबराय नाय, काहाकाय तुमू सोता जाणतेह काय ज्यी तेकलीत बोगवानान मोरजीन ईसो हे।
4काहाकाय आमु तुमरी हेऱ्या एता तेवी तुमूह केय मीलेल एता, काय आपुह तेकलीत उखेलने पोड़न्यो हे, एने ताच ने गेत ईयेल हे, ज्यो तुमूह मालुम हे।
5ज्यानकेरता माहु उंजु नाह रेवानो, पुण तुमरा बोरहान हाल चाल फुसणेन केरता ताह मुकलेल, काय सैतान तुमरी पारेख किरेल एय, एने आमरी मेहनेत वाये एय जाय।
6पुण एवी तीमुथीयुस, जो तुमरी फाय रेन आमरी न्या आवुह, तुमरा बोरहान एने मोंग ने खुबेर होमलायो एने ज्यो बी केय होमलायो काय तुमू जेलेम मोंग हेऱ्या आमुह इर केरतेह, एने आमुह देखणेन आसा मेलतेह, जिहकेरीन आमु तुमूह देखणेन आसा केरतेह।
7ज्यानकेरता एय बाय बोणहा, आमु तुमरा आखा दुख माय एने तेकलीत माय तुमरा बोरहा पोर रेन आमुह उत्साह जुड़नो।
8काहाकाय एवी केदी तुमू मालीक माय मोजबुत रेतेह, ते आमरा जीवाम जीव आवी।
9एने जो खुसी आमुह तुमरे वोजेसे तान ओंगाण जुड़ेल हे, आमु बोगवानान दन्यवाद केरतेह।
10आमु रात ने दिह जुलूम विन्ता केरती रेतेह काय तुमरो मुय देखी, एने तुमरा बोरहान कोमीह पुरी केरी।
11बोगवान आपणो आबोख खुद, एने मालीक यीशु, आमुह तुमरी फाय आवणेन केरता वाट मोकलो केरी;
12एने मालीक मालीक माय आमरो मोंग तुमू पोर हे, तिहेस केरीन तुमरो मोंग एक दिहरा माय एने आखा माणहाम वोड़ी, एने वोड़ती जाय।
13एने तो आपणा मोनाह तियार केरी। ज्यानकेरता काय जेवी आपणो मालीक यीशु तान आखा चोखाला माणहा हिऱ्यो आवी, तेवी बोगवान आबाख ने ओंगाण चोखाला एने निर्दोस ठेराणे जुवे तान केरता मोजबुत केरी।3:13 जो आखो काय तान हे, नाहते तान आखा हेरोगदुत