1 थिस्सलुनिक्यो 2

¹एय बाय बोणहा, तुमू खुद जाणतेह काय तुमू फाय आमरो आवणो वाये नाह एनो।

²2:2 प्रेरितान काम 16:19-24; प्रेरितान काम 17:1-9पुण तुमू खुद जाणतेह काय थिस्सलुनिक्यो माय आवणेन पेल आमु फिलेपी हेयरा माय अपमान एने दुख विठेल। एने आमरो बोगवान आमुह ईमोत आपेल, काय आमु बोगवानान हाजाली खुबेर केठीण विरोद एन बी तुमूह होमलाड़ी।

³काहाकाय आमरो हिकवोण खाराब विचारा माय एने उशारी माय नाह एतो;

⁴पुण बोगवान आमुह लायकीन सोमजीन हाजाली खुबेर होपेल हे, एने आमु तिहेस केरीन केतेह, एने ज्या माय माणहाह नाह, पुण बोगवान जो आमरा मोनाह जाचेह, ताह खुस केरतेह।

⁵काहाकाय केदी बी तुमू हाजा हेते केरीन वातु केरनेन आमु नाह आवा, ज्यो तुमूह मालुम हे, एने पोयशान लोब ने केरता डोंगड़ा नाह केऱ्या, बोगवान गोवा हे;

⁶पुण आमु एगदा माणहा फाय रेन मान सम्मान नाह होदते, एने नाह तुमू फाय रेन होदते।

⁷2:7 तुमरी हेऱ्या एता तेवी आमु हास केरीन, आईख ने गेत; थोड़ाक लेख माय तुमरी हेऱ्या एता तेवी आमु सोरान गेत एता, आमु आईख ने गेत एता।एने आमु मसीन प्रेरित एणेन नाते तुमू पोर वोजो टाक सेकताला, पुण जिहकेरीन आहख सोरान पालेन पोषण किरेह, तिहेस आमु तुमरी हेऱ्या हुवाला रेना।

⁸एने आमुह तुमरी कालजी एती केरीन बोगवानान हाजाली खुबेर होमलावणेन ओलीस नाह, पुण आमरा जीवणान द्‍वारे तुमूह पुरी ताकेत से मोदेक जुड़ी। काहाकाय तुमू जुलूम मोंगाल्ला एता।

⁹काहाकाय एय बाय बोणहा, आमरी मेहनेत एने तेकलीत खेरीच तुमूह मालुम एय, काय तुमू माय रेन कुणी पोर बी आमरो वोजो नाय पोड़ने जुवे केरीन आमु रात ने दिह काम दुंदो केरीन बोगवानान हाजाली खोबरीन पारचार किरेल।

¹⁰तुमू ज्यान गोवा हेते एने बोगवान बी गोवा हे काय आमरो वेवार तुमरी विची माय चोखालो, खेरलो, एने निर्दोस एतो।

¹¹तुमू जाणतेह काय आमु तुमरी हेऱ्या तिहेकेरीन वेवार केरतेह, जिहकेरीन आबोख तान सोरा हेऱ्यो वेवारो किरेह, एने तिहेस केरीन आमु बी तुमू माय रेन आखाह हिकाड़तेन।

¹²काय तुमूह उत्साहित केरीन एने दिलासो आपीन सोमजाड़तेह, एने विन्ता केरतेह काय जो तुमूह बोगवानान बोड़ाय एने तान राज माय बाग लेणेन केरता हादिल हे। ताह होबे ओहलो तुमू जीवो।

¹³तान केरता आमु बोगवानान दन्यवाद जेलेम केरतेह काय जेवी आमरी द्‍वारे बोगवानान हाजाली खोबरीन वचन तुमरी फाय पोचनो, ते तुमू ताह माणहान नाह पुण बोगवानान वचन सोमजीन स्वीकार किरेल, एने खेरीच ज्यो ओहलोस हे। तुमू जा विश्वासी हेते बोगवान काम किरेह।

¹⁴2:14 प्रेरितान काम 17:5एय बाय बोणहा, जी वातु यहुदिया देसाम यीशु मसी माय बोगवानान त्यु मोंडल्यु हेऱ्यो एन्युह, त्युच वातु तुमू हेऱ्यु एणे बाजरेन्युह, जिहकेरीन यहुदि माणहान आथा केरीन जो सेताव वेठतेह, तिहेस केरीन तुमू बी तुमरा माणहान आथा केरीन सेताव वेठतेह।

¹⁵2:15 प्रेरितान काम 9:23,29; 13:45,50; 14:2,5,19; 17:5,13; 18:12ता यहुदि मालीक यीशुह एने जाणकाराह मार दियेल, एने आमुह सेतावीन बाहेर काड़ दियेल। एने ता बोगवानाह नाराज केरतेह, एने आखा माणहान विरोद केरतेह।

¹⁶एने ता बिगेर यहुदि माणहाह बोगवानान खुबेर होमलाड़नेन केरता आमुह रोकतेह, जो सुटकारो लाव सिकेह। काय जेलेम तान पापान माप बोराती रेय; पुण ता पोर बोगवानान राग आव लागेल हे।

¹⁷एय बाय बोणहा, आमु मोनाम नाह पुण सेरीर माय तुमू फाय रेन थोड़ीक वार ने केरता आंगे एय जायेल एता, आमु तुमूह जुलूम इर किरेल एने पोशो मिलनेन कोसीत केरतेह।

¹⁸आमु तुमू फाय एक रेन होवटी वार आवणेन केरता कोसीत किरेल एने खास केरीन मी पौलुस, पुण सैतान आमुह रोक मिल्योह।

¹⁹आमरी आसा, खुसी, एने बोड़ायीन मुकूट कुण हे? काय जेवी आमरो मालीक यीशु मसी आवी तेवी तान ओंगाण तुमूच हेते ने।

²⁰काहाकाय आमरी बोड़ाय एने खुसी तुमूच हेते।