1 थिस्सलुनिक्यो 5

¹एय बाय बोणहा, टेम एने कालान बाराम तुमूह लेखणेन कायच गिरेज नाह सोती।

²5:2 मत्ती 24:43; लुका 12:39; 2 पतरस 3:10काहाकाय तुमूह पाक्को मालुम हे काय जिहकेरीन राती चोर आवीह, तिहेस केरीन मालीकान दिह आवण्यो हे।

³जेवी माणहे केती, “सान्ती एने कायच बी बिय नाह सोती,” ते जिहकेरीन पेटावाली बायकु पोर उचकाहुच पिड़ा आव पुड़ीह, तिहेस केरीन ता पोर बी उचकाहुच पिड़ा आव पोड़ी, एने ता वोच नाय सेकती।

⁴पुण एय बाय बोणहा, तुमू ते आदारा माय नाह सोता काय तो दिह तुमू पोर चोर जीहे आवीह तिहेस आव पोड़ी।

⁵काहाकाय तुमू आखा उजालान सोरा एने दिह्यान सोरा हेते; नाह आपु रातीन हेते, एने नाह आदारान।

⁶तान केरता आपु दिहरान गेत हुवते नाह रेता, पुण जागती एने जोगवीन रेता।

⁷काहाकाय जा हुवतेह ता रातीच हुवतेह, एने जा पितेह ता रातीच पिन दुंदवाय रेतेह।

⁸5:8 इफिसीयो 6:13-17पुण आपु जा दिह्यान हेते, बोरहान एने मोंगान कवच पेरीन एने सुटकारान आसान टुपो पेरीन जोगवीन रिवो।

⁹काहाकाय आपु पोर बोगवानान राग आवी केरीन नाह, पुण आपणा मालीक यीशु मसीन द्‍वारे आपणो सुटकारो एय, केरीन बोगवान आपुह निमेल हे।

¹⁰यीशु आपणे केरता मुरनो, ज्यानकेरता काय आपु जीवताला रेहु नाहते मोर जाहु, जेवी यीशु पोशो आवी तेवी आखा मिलीन ताच हेऱ्या जिवी।

¹¹तान केरता एका दिहराह तुमू दिलासो आपु एने एका दिहरान वोड़तीन कारीन बुणो, एने जिहकेरीन तुमू केरतेह बी।

¹²एय बाय बोणहा, आमु तुमूह विन्ता केरतेह काय जा तुमू माय मेहनेत केरतेह, एने मसी जीवणाम तुमरा अगुवा हेते, एने तुमूह हिकाड़तेह, तान तुमू मान सम्मान किरो।

¹³एने तान कामान कारीन मोंग जुलूम केरीन तान मान सम्मान आपु, एने एका दिहरा हेऱ्या ईलीमिलीन रिवो।

¹⁴एय बाय बोणहा, आमु तुमूह सोमजाड़तेह काय जा माणहे आलह्या हेते ताह सोमजाड़, एने बितऱ्याह ईमोत आपु, कोमजोराह होमालु, आखान सेहेन किरो।

¹⁵होमालीन! कुण बी एगदाह बुरायीन बोदले बुराय नाय केरी; एने कायेम एका दिहरान एने आखान हाजो केरती रिवो।

¹⁶कायेम खुसी माय रिवो।

¹⁷कायेम विन्ता माय लागीन रिवो।

¹⁸एने आखी वातु माय बोगवानान दन्यवाद किरो; काहाकाय यीशु मसी माय तुमरो जो जीवणो हे, बोगवानान मोरजी जीज हे।

¹⁹चोखाला जीवान आक्‍ठो मा उलवो।

²⁰बोगवानान उगे रेन आवणेवाली खोबरीह खाराब मा जाणु।

²¹आखी वातुह पारखो; एने जी हाजी हे तीह देरीन रिवो।

²²एने आखा बातीन बुरायीह रेन वोचीन रिवो।

²³सान्ती आपणार बोगवान खुद तुमूह पुरो चोखो केरी; एने तुमरो चोखालो जीव एने जीवाह एने सेरीराह आपणा मालीक मसी यीशुह आवणे वोर पुरी रिते से निर्दोस एने होमालीन मेली।

²⁴तुमूह हादणार बोरहावालो हे, एने तो ओहलोस केरी।

²⁵एय बाय बोणहा, आमरे केरता विन्ता किरो।

²⁶आखा बाय बोणहा बोगवानान चोखाला मोंग माय नमस्‍कार किरो।

²⁷मी तुमूह मालीकान आदिकार माय विन्ता केरथु काय ज्यो पोत्रो आखा विश्वासीन केरता वाचाय जाय।

²⁸आपणा मालीक मसी यीशुन गीण तुमू पोर इती रेय।