1Jop mɨkemegha gɨvazɨ, Temanɨn nguibar ekiamɨn gumazim Elifas kamaghɨn a ikaragha ghaze:
2“Jop, kɨ ghaze, nɨ gumazir nɨghnɨzir aghuim ko fofozim itim.
3Nɨ e adogha ghuavɨra iti,
4Mɨgɨrɨgɨar kamaghɨn amiba, gumazamizibagh amima,
5Nɨ arazir kuram gami, ezɨ bizir kam nɨ gamima nɨ mɨgɨrɨgɨar kabagh ami,
6Nɨ tuisɨghamin arazim, a nan ingangarim puvatɨ.
7“Ezɨ manmaghɨn ami?
8Jop, God uan Nguibamɨn enselba akuvagha me ko mɨgɨrɨgɨabagh ami, ezɨ nɨ dughiar kamɨn uaghan ikia oraghiz, o?
9Nɨn fofozim en fofozim gafirazir puvatɨ.
10Gumazir ghurir ghurapaniba e ko iti.
11“Jop, God nɨn mɨzazim amɨrvaghasav ami, eghtɨ nɨn navim amɨragh nɨmɨra ikiam.
12“Gumazamiziba Godɨn damazimɨn zuezir puvatɨ.
13E gumazamiziba, enselba e gafira, ezɨ God men arazibar gari, da derazir puvatɨ.
14Ezɨ e nguazir kamɨn itir gumazamiziba, e tong bar derazir puvatɨ.
15“Jop, nɨ deravɨra kuarim atɨgh nan mɨgɨrɨgɨaba baragh.
16Kɨ nɨghnɨzir aghuim ko fofozir aghuim itir gumazamiziba da fofozir kam ini.
17Gumazamizir kaba uan nguazimra iti.
18“Nan mɨgɨrɨgɨam kamakɨn:
19Me nɨgɨniba barazir dughiabar, me bar puvɨram atiati.
20Me fo, bizir kuraba otiv bar me avam, mati mɨtarmem nguazim avara.
21Me dagheba buriagh arui, ezɨ dagheba itir puvatɨ.
22Men nɨghnɨziba derazir puvatɨ, me pazavɨra nɨghnɨgha bar atiatingi.
23“Me ifaghata ghaze, me Godɨn Gavgaviba Bar Itim bar a gafira,
24Mati me mɨdorozir korotiam arugha, mɨdorozir oramɨn suiragha
25Me datɨrɨghɨn deravɨra ikiava mɨkarziba bui,
26Ezɨ nguibar ekiar me datɨrɨghɨn itiba ikuvigham,
27Eghtɨ men dagɨaba ko biziba bar gevegham.
28Me mɨtarmer osɨmtɨzir ekiar kam gitaghan kogham.
29Me ifavarir arazimɨn suiraghavɨra ikia ghaze,
30Egh me azenir avɨribar ikeghan kogh ovengam,
31Gumazamizir kaba ingangarir avɨribagh ami, ezɨ da deraghavɨram otivir puvatɨ.
32Gumazamizir nɨghnɨzir gavgavim Godɨn itir puvatɨziba, men adarazi pura ikiam.
33Ifavaribagh amir arazir guar avɨribar nɨghnɨzim, men navir averiabar otifi,