Jop 16

¹Jop kamaghɨn Elifasɨn mɨgɨrɨgɨam ikara:

²“Kɨ zurara mɨgɨrɨgɨar kaba baragha ghua, ua da baraghan amɨra.

³Ia ghaze, Jop, nɨ akam ara ghuavɨra iti.

⁴Ezɨ kɨ kamaghɨn ia mɨkɨmasa, ia nan danganim inigh, kɨ paza iti moghɨn ikɨtɨ,

⁵Nan akatorimɨn kɨ mɨgɨrɨgɨar gavgavir bar avɨribar ia damutɨ, ian mɨzaziba amɨragh magɨram.

⁶Egha kɨ uabɨ kamaghɨn nɨghnɨsi, kɨ mɨkɨmam, o kɨ akatorim dukuagham,

⁷God bar nan aghuagha nan apanim gami.

⁸“Gumazamiziba tuivigha na okarigha, arazir kurabar na gami.

⁹Gumazir akɨrim ragha God gasava arazir kurar avɨribagh amiba,

¹⁰Fomɨra kɨ deraghvɨra ike, ezɨ God otogha nan fɨrimɨn suiragha bar na mɨsaragharɨki,

¹¹Ezɨ an mɨdorozir gumaziba na gasavamadi.

¹²A nan tuavim apɨrigha puvɨra na mɨsosi,

¹³Fomɨra, kɨ ziar ekiam iti, ezɨ datɨrɨghɨn, kɨ onganarazibagh amua bar aghumsɨki.

¹⁴Kɨ aziavɨra itima nan damazimning begha nan mɨtarmangi.

¹⁵Kɨ arazir kuraba puvatɨ, ezɨ osɨmtɨzir kaba pura na batifi.

¹⁶“O nguazim, nɨ oragh.

¹⁷Kɨ fo, na bagha garir gumazir mam Godɨn Nguibamɨn iti.

¹⁸Nan namakaba na gifongezir puvatɨgha, pazavɨra na dɨpofi.

¹⁹Kɨ kamaghsua, gumazim uan namakamɨn akuragha gumazir igharazim ko akam akɨri moghɨn,

²⁰Guizbangɨra, kɨ dughiar otevimɨn angamɨra ikiam,