1“E gumazamiziba dughiar otevimra nguazir kamɨn iti,
2E mati, akɨmarim mɨzarazimɨn otogha, guaratɨzimɨn mɨsɨngi.
3Kamaghɨn, nɨ manmaghsua en araziba tuisɨsi?
4E gumazamiziba nɨn damazimɨn bar mɨze.
5Nɨ en ikɨrɨmɨrimɨn ababanim atɨgha gɨfa,
6Kamaghɨn, nɨ datɨrɨghɨn na ateghtɨ, dughiar kɨ itimɨn, kɨ avughsɨ navim deragham,
7“Kɨ fo, gumazitam temem okeghtɨ,
8Tememɨn povim mɨsɨng magɨrɨtɨ an biba kurigham,
9eghtɨ nguazim dɨpam ikɨtɨ, ghuzir igiam temer dakar me okezimɨn otogham.
10Ezɨ e gumazamiziba kamaghɨn puvatɨ,
11Dɨpar akareba ko dɨpar ekiaba dughiar mabar bar dakegham.
12Kamaghɨra gumazamiziba ovea ua dɨkavir puvatɨ,
13Egh dughiar kamɨn, nɨ uabɨra uan ingangarim gɨnɨghnɨgham, kar kɨrara nɨ nan ingari.
14Eghtɨ dughiabar zurara, nɨ nan daroriba bar deravɨra dagh eghuvam.
15Nan arazir kurar kɨ amiziba, nɨ bar da gɨn amadagh ua dagh nɨghnɨghan markɨ,
16Nɨ uan gavgavimɨn me abɨri me ariaghiri.
17Eghtɨ gɨn gumazamiziba ziar ekiam men otaribar anɨngam o, me men ziaba abɨn aghumsɨzim me danɨngam,
18Me mati gumazir uan inivafɨzimra mɨzazim barazim,