1“Guizbangɨra, ia mɨgeir bizir kaba, kɨ fomɨra da baregha dar ganigha gɨfa.
2Bizir ia foziba kɨ uaghan dagh fo.
3Kamaghɨn, kɨ ia ko mɨkɨman bar amɨra.
4Ezɨ iarara, mɨgɨrɨgɨar ifavarir avɨribagh ami.
5Kamaghɨn amizɨ, ia ua mɨkɨman markɨ.
6“Egh ia deravɨra kuarim atɨgh
7Ia akam ara mɨgɨrɨgɨar ifavaribagh ami,
8Kɨ kamaghɨn gari, ian nɨghnɨziba ti Godɨn akuragh na abɨnasa.
9God ia tuisɨgh deravɨra ian araziba ko nɨghnɨzibar gantɨ ia deravɨra ikiam, o puvatɨ?
10Kɨ fo, ia pura Godɨn akurvagh na abɨnsɨ navir averiamɨn na ginɨghnɨghtɨ,
11Eghtɨ ia an gavgavir bar ekiamɨn gan bar atiatigh akongam.
12Aghuzir akar fomɨra ikeziba ia dav keme, da pura biziba, mati averenim.
13Jop ua kamaghɨn mɨgɨa ghaze:
14Kɨ atiatir puvatɨ, kɨ Godɨn mɨkɨmasavɨram amua iti.
15A dera, God na mɨsueghtɨ kɨ aremeghasa ifonge,
16Gumazir arazir kurabagh amitam Godɨn guamɨn izan kogham.
17Datɨrɨghɨn ia deravɨra kuaribar arigh na baragh.
18Godɨn mɨkɨmamin mɨgɨrɨgɨaba, kɨ dagh fozɨ da iti,
19Tinara na ko ga mɨgɨrɨgɨabar uaning mɨsoghɨva, na mɨkɨm suam, kɨ arazir kuram gami?
20“O God, bizir pumuningra nɨ aningɨn na damuasa, kɨ nɨn azangsɨsi.
21Nan azangsɨzimning kamakɨn.
22Nɨ kamaghɨn damigh, egh nan diagh na mɨkɨmtɨ, kɨ nɨn mɨgɨrɨgɨaba ikarvagham.
23Kɨ arazir kurar manaba ko osɨmtɨzir manabagh ami?
24Tizimsua, nɨ akɨrim ragha na gasara?
25Kɨ mati raizɨn mɨsevir kɨnim ko grazir mɨdiarir muziarir mam, amɨnim a givav amadi.
26Kɨ igiamra ikiava amizir arazir kuraba, nɨ ti dagh nɨghnɨghavɨra iti,
27Nɨ senɨn nan suemning ikezɨ, kɨ daruan ibura.
28E gumazamiziba mati temem, apiziba anemezɨ a mazigha gɨfa,