1Mwanangu, zigoge mbuli zangu,
2Gakweleleze malagizo gangu na gweye kokuwa mgima,
3Gafunge mvidole vako,
4Umulongele ubala, “Gweye kwa lumbu jangu,”
5Vokwika kutali na mtwanzi yehile,
6Siku dimoja nisungulila kunze,
7nyona wabwanga wengi mizozolo,
8Ayo kakala yotembela mnzila,
9Ikala kipindi cha ichungulo ziza disonga kwingila.
10Ayo imbwanga kamting'hana ija imtwanzi kavala viwalo va ugoni na kakala na magesa ga uvizi mmoyo wake.
11Kakala mtwanzi yeli na gubu na mdulu,
12Mala kamnzila mala kamdigulilo,
13Kamfagatila mbwanga ayo kamnonela,
14“Kumwangu kuna nyama isigala kulawa kuna inhosa indavile,
15Lekaavo ndawa kukubokela,
16Nhandika lusazi lwangu vinogile,
17Nilugela mavumba ga manemane,
18Izo tuiwase mbaka imitondo,
19Mkasano wangu kahabule mng'anda kachola mwanza mtali.
20Kasola mkoba wa sente,
21Kamtewenza kwa mbuli nyingi za kutewenza,
22Kamuwinza ayo imtwanzi dimwe kwa dimwe,
23Hatangile kamba ugima wake wa mdizumozumo,
24Avo wanangu zitegelezeni,
25Sambi mutogole kulongozigwa na mtwanzi kamba ayo,
26Kwavija kawabwanha wambigalo wengi,
27Ng'anda yake nzila ya kuchola kuzimu.