1Mwanangu, kamba kuilava kumzamini mbwigako,
2kuifunga kwa mbuli zako mwenyego,
3Avo, mwanangu tenda vino uikombole,
4Sikuuleke meso gako gapate utulo,
5Ikombole kwa kuilava mumtego awo,
6Gweye mnyeke, kawalole muswa,
7Kwavija muswa kabule kilongozi,
8lakini koikila ngama ya ndiya kipindi cha zuwa,
9Gweye mnyeke kowasa aho mbaka lini?
10Kolonga, “Leka niwase kidogo, leka nikukile kidogo,
11Kipindi acho ukiwa okuvamila kamba mbokaji,
12Munhu yehile, hafaya kinhu,
13Kokonyeza siso na kolava kilaguso kwa magulu,
14kuno kamema gehile mgati ya moyo wake,
15Kwa mbuli ayo, gehile gomvika kwa kusinhukiza,
16Hana vinhu sita vimgevuza Mndewa Imulungu,
17meso ga kibuli,
18moyo ugesa magesa gehile,
19munhu yolava usindila wa uvizi,
20Mwanangu goga malagizo ga tatako,
21Siku zose kala nago muumoyo wako,
22Gokulongoza mnzila zako,
23Kwavija malagizo gago, acho kiwenge,
24Gokwika kutali na mtwanzi yehile,
25Sikuumsulukile mtwanzi ayo kwa kunoga kwake,
26Munhu kokwagiza kihande cha gate kwa mtwanzi mgoni,
27Vino, kodaha kwika moto mhambaga yako abaho viwalo vako sikuvilukule?
28Vino, kodaha kukanyaga makala ga moto abaho migulu yako sikuilukule?
29Vivo, vonda yawe mbigalo yonda yawase na mwehe wa miyage,
30Munhu yaheba mbuli ya nzala, wanhu odaha kumgombela,
31lakini yahagogigwa kolondigwa yalihe miyanza saba,
32Munhu yowasa na mwehe wa munhu hagelegeza goya,
33Kopata vilonda na kubezigwa,
34Kwavija wivu wa mbigalo okuwa mkulu ng'hani,
35Honda yatogole malipo gogose,