1Tegelezeni ubala kokemelela,
2Uchanha kulugongo behi na nzila mhanda,
3Behi na milango ya kwingilila kudibuga,
4“Mweye wanhu wose,
5Mweye mizozolo, ifunzeni ubala,
6Munhegeleze kwavija gaja ganilonda kulonga ganoga,
7Mulomo wangu olonga ukweli wiiyeka,
8Mulomo wangu olonga gaja ga haki,
9Kwa munhu mwene nzewele kila kinhu kigoloka,
10Sagula kuzumwa kwangu, badala ya shaba,
11Kwavija ubala nofaya kubanza mabwe ga bei ng'hulu,
12Niye ubala nokala na nzewele, na notanga vinhu na nosagula goya.
13Kumdumba Mndewa Imulungu kuigala na kwihila gehile,
14Nina udahi wa kulava ubala na kulamula vinogile.
15Kubitila niye wandewa otawala,
16Kwa bazi jangu vilongozi otawala,
17Nowanogela waja oninogela,
18Ugoli na heshima va kumwangu,
19Matunda gangu ganoga kubanza zahabu ing'alile,
20Notembela mwiinzila ya gaja golondigwa na Imulungu,
21Niye nowagwaa uhazi waja oninogela,
22Mndewa Imulungu kanilumba mwanduso wa sang'hano yake,
23Nitendigwa mwanduso kipindi acho,
24Nivumbuka ving'hali vidibo va bahali havinalumbigwa,
25Vigongo ving'hali havinalumbigwa
26yang'hali hana ilumba isi na migunda,
27Ng'hala baho kipindi viyalumbile ulanga,
28kipindi viyaugangamize ulanga,
29kipindi viyekile imbaka ya bahali,
30Ng'hala hamoja nayo kamba galu wa sang'hano,
31noideng'helela isi na vose vikala mumo,
32Avo, wanangu, nitegelezeni,
33Tegelezeni mafundizo gangu mupate ubala,
34Kamweda munhu yonitegeleza,
35Yomhata niye kapata ugima,
36Yong'hosa niye koinanga mwenyego,