1ⲡⲁⲧⲙⲛⲧⲣⲙⲛϩⲏⲧ ⲛⲇⲁⲩⲉⲓⲇ ⲛⲁⲓⲁⲧⲟⲩ ⲛⲛⲉⲛⲧⲁⲩⲕⲱ ⲉⲃⲟⲗ ⲛⲛⲉⲩⲁⲛⲟⲙⲓⲁ ⲙⲛ ⲛⲉⲛⲧⲁⲩϩⲱⲃⲥ ⲉⲃⲟⲗ ⲉϫⲛ ⲛⲉⲩⲛⲟⲃⲉ</ab>
2ⲛⲁⲓⲁⲧϥ ⲙⲡⲣⲱⲙⲉ ⲉⲧⲉⲙⲡϫⲟⲉⲓⲥ ⲛⲁ ⲉⲡⲛⲟⲃⲉ ⲉⲣⲟϥ ⲁⲛ ⲟⲩⲇⲉ ⲉⲙⲛⲕⲣⲟϥ ϩⲛ ⲧⲉϥⲧⲁⲡⲣⲟ</ab>
3ⲁⲓⲕⲁⲣⲱⲓ ϫⲉ ⲁⲛⲁⲕⲉⲉⲥ ⲣⲁⲥ ϩⲙ ⲡⲧⲣⲁϫⲓϣⲕⲁⲕ ⲉⲃⲟⲗ ⲙⲡⲉϩⲟⲟⲩ ⲧⲏⲣϥ</ab>
4ϫⲉ ϩⲙ ⲡⲉϩⲟⲟⲩ ⲙⲛ ⲧⲉⲩϣⲏ ⲁⲧⲉⲕϭⲓϫ ϩⲣⲟϣ ⲉϩⲣⲁⲓ ⲉϫⲱⲓ ⲁⲓⲕⲧⲟⲓ ⲉⲩⲧⲁⲗⲁⲓⲡⲱⲣⲓⲁ ϩⲙ ⲡⲧⲣⲁⲧⲱⲗⲥ ⲛⲑⲉ ⲛⲛⲓϣⲟⲛⲧⲉ ⲇⲓⲁⲯⲁⲗⲙⲁ</ab>
5ⲁⲓϫⲱ ⲙⲡⲁⲛⲟⲃⲉ ⲙⲡⲓϩⲉⲡ ⲧⲁⲁⲛⲟⲙⲓⲁ ⲁⲓϫⲟⲟⲥ ϫⲉ ϯⲛⲁϫⲉⲡⲁⲛⲟⲃⲉ ⲉⲧϯⲟⲩⲃⲏⲓ ⲉⲡϫⲟⲉⲓⲥ ⲁⲩⲱ ⲛⲧⲟⲕ ⲡⲉⲧⲛⲁⲕⲱ ⲉⲃⲟⲗ ⲛⲧⲙⲛⲧϣⲁϥⲧⲉ ⲙⲡⲁϩⲏⲧ ⲇⲓⲁⲯⲁⲗⲙⲁ</ab>
6ⲉⲣⲉⲟⲩⲟⲛ ⲛⲓⲙ ⲉⲧⲟⲩⲁⲁⲃ ⲛⲁϣⲗⲏⲗ ⲉⲣⲟⲕ ϩⲁ ⲧⲁⲓ ⲙⲡⲉⲟⲩⲟⲉⲓϣ ⲉⲧⲥⲃⲧⲱⲧ ⲡⲗⲏⲛ ϩⲛ ⲟⲩⲕⲁⲧⲁⲕⲗⲩⲥⲙⲟⲥ ⲙⲙⲟⲟⲩ ⲉⲛⲁϣⲱϥ ⲛⲥⲉⲛⲁϩⲱⲛ ⲉⲣⲟϥ ⲁⲛ</ab>
7ⲛⲧⲟⲕ ⲡⲉ ⲡⲁⲙⲁ ⲙⲡⲱⲧ ⲉⲃⲟⲗ ϩⲛ ⲧⲉⲑⲗⲓⲯⲓⲥ ⲉⲧⲕⲱⲧⲉ ⲉⲣⲟⲓ ⲡⲁⲧⲉⲗⲏⲗ ⲥⲟⲧⲧ ⲉⲃⲟⲗ ϩⲛ ⲛⲉⲧϩⲙⲡⲁⲕⲱⲧⲉ ⲇⲓⲁⲯⲁⲗⲙⲁ</ab>
8ϯⲛⲁⲧⲁⲙⲟⲕ ⲛⲧⲁⲧⲥⲁⲃⲟⲕ ⲉⲧⲉϩⲓⲏ ⲉⲧⲕⲛⲁⲃⲱⲕ ⲛϩⲏⲧⲥ ϯⲛⲁⲧⲁϫⲣⲉⲛⲁⲃⲁⲗ ⲉϩⲣⲁⲓ ⲉϫⲱⲕ</ab>
9ⲙⲡⲣⲣⲑⲉ ⲛⲛⲓϩⲧⲟ ⲙⲛ ⲛⲓⲙⲁⲥⲡⲟⲣⲕ ⲉⲧⲉⲙⲛⲧⲟⲩ ⲙⲛⲧⲥⲁⲃⲉ ⲥⲱⲕ ⲛⲛⲟⲩⲟⲟϭⲉ ⲛⲛⲉⲧⲉ ⲛⲥⲉϩⲱⲛ ⲉⲣⲟⲕ ⲁⲛ ϩⲛ ⲟⲩⲭⲁⲗⲓⲛⲟⲥ ⲙⲛⲟⲩϣⲧⲟϥ</ab>
10ϩⲁϩ ⲛⲉ ⲙⲙⲁⲥⲧⲓⲝ ⲙⲡⲣⲉϥⲣⲛⲟⲃⲉ ⲡⲛⲁ ⲇⲉ ⲛⲁⲕⲱⲧⲉ ⲉⲛⲉⲧϩⲉⲗⲡⲓⲍⲉ ⲉⲡϫⲟⲉⲓⲥ</ab>
11ⲛⲇⲓⲕⲁⲓⲟⲥ ⲉⲩⲫⲣⲁⲛⲉ ⲉϫⲙ ⲡϫⲟⲉⲓⲥ ⲛⲧⲉⲧⲛⲧⲉⲗⲏⲗ ⲛⲧⲉⲧⲛϣⲟⲩϣⲟⲩ ⲙⲙⲱⲧⲛ ⲧⲏⲣⲧⲛ ⲛⲉⲧⲥⲟⲩⲧⲱⲛ ϩⲙ ⲡⲉⲩϩⲏⲧ</ab>