1ⲥⲱⲧⲙ ⲛⲁϣⲏⲣⲉ ⲉⲧⲉⲥⲃⲱ ⲙⲡⲉⲧⲛⲉⲓⲱⲧ ⲁⲩⲱ ϯϩⲧⲏⲧⲛ ⲉⲉⲓⲙⲉ ⲉⲩⲙⲉⲉⲩⲉ</ab>
2ⲟⲩⲇⲱⲣⲟⲛ ⲅⲁⲣ ⲉⲛⲁⲛⲟⲩϥ ⲡⲉϯϯ ⲙⲙⲟϥ ⲛⲏⲧⲛ ⲙⲡⲣⲕⲱ ⲛⲥⲱⲧⲛ ⲙⲡⲁϣⲁϫⲉ</ab>
3ⲁⲓⲣϣⲏⲣⲉ ⲅⲁⲣ ϩⲱ ⲡⲉ ⲉⲓⲥⲱⲧⲙ ⲛⲥⲁⲡⲁⲉⲓⲱⲧ ⲁⲩⲱ ⲉⲣⲉⲧⲁⲙⲁⲁⲩ ⲙⲉ ⲙⲙⲟⲓ</ab>
4ⲛⲁⲓ ⲟⲛ ⲉⲩϯⲥⲃⲱ ⲛⲁⲓ ⲉⲩϫⲱ ⲙⲙⲟⲥ</ab>
5ϫⲉ ⲙⲁⲣⲉⲡⲉⲛϣⲁϫⲉ ⲧⲁϫⲣⲟ ϩⲙⲡⲉⲕϩⲏⲧ ϩⲁⲣⲉϩ ⲉⲛⲁⲉⲛⲧⲟⲗⲏ ⲛⲅⲧⲙⲣⲡⲉⲩⲱⲃϣ ⲁⲩⲱ ⲙⲡⲣⲟⲃϣ ⲉⲛϣⲁϫⲉ ⲛⲧⲁⲧⲁⲡⲣⲟ</ab>
6ⲙⲡⲣⲕⲁⲁϥ ⲛⲥⲱⲕ ⲧⲁⲣⲉϥϣⲟⲡⲕ ⲉⲣⲟϥ ⲙⲉⲣⲓⲧϥ ⲧⲁⲣⲉϥϩⲁⲣⲉϩ ⲉⲣⲟⲕ</ab>
7ⲡϣⲱⲣⲡ ⲛⲧⲙⲛⲧⲥⲁⲃⲉ ⲥⲉⲕⲥⲟⲟⲩⲛ ⲁⲩⲱ ⲥⲉⲕⲡⲉⲓⲙⲉ ϩⲁϩⲱⲃ ⲛⲓⲙ ⲉⲧⲛⲧⲁⲕ</ab>
8ⲙⲁⲕⲧⲟⲕ ⲉⲣⲟϥ ϫⲉ ⲉϥⲉϫⲁⲥⲧⲕ ⲙⲁⲧⲁⲓⲟϥ ϫⲉ ⲉϥⲉϣⲟⲡⲕ ⲉⲣⲟϥ</ab>
9ϫⲉ ⲉϥⲉϯ ⲛⲟⲩⲕⲗⲟⲙ ⲛϩⲙⲟⲧ ⲉϫⲛⲧⲉⲕⲁⲡⲉ ⲛϥⲣⲛⲁϣⲧⲉ ⲉⲣⲟⲕ ϩⲛⲟⲩⲕⲗⲟⲙ ⲛⲧⲣⲩⲫⲏ</ab>
10ⲥⲱⲧⲙ ⲡⲁϣⲏⲣⲉ ⲛⲅϣⲱⲡ ⲉⲣⲟⲕ ⲛⲛⲁϣⲁϫⲉ ϫⲉⲕⲁⲥ ⲉⲣⲉϩⲁϩ ⲛϩⲓⲏ ⲛⲱⲛϩ ϣⲱⲡⲉ ⲛⲁⲕ</ab>
11ⲉⲓϯⲥⲃⲱ ⲅⲁⲣ ⲛⲁⲕ ⲉⲛⲉϩⲓⲟⲟⲩⲉ ⲛⲧⲥⲟⲫⲓⲁ ⲉⲓⲧⲁⲗⲟ ⲇⲉ ⲙⲙⲟⲕ ⲉϩⲣⲁⲓ ⲉϫⲛϩⲉⲛϩⲓⲟⲟⲩⲉ ⲉⲩⲥⲟⲩⲧⲱⲛ</ab>
12ⲉⲕϣⲁⲛⲙⲟⲟϣⲉ ⲅⲁⲣ ⲛⲉⲕϩⲓⲟⲟⲩⲉ ⲛⲁϣⲧⲁⲙ ⲉⲣⲱⲕ ⲁⲛ ⲉⲕϣⲁⲛⲡⲱⲧ ⲉⲕϣⲁⲛⲡⲱⲧ ⲇⲉ ⲕⲛⲁϩⲓⲥⲉ ⲁⲛ</ab>
13ⲁⲙⲁϩⲧⲉ ⲛⲧⲁⲥⲃⲱ ⲙⲡⲣⲕⲁⲁⲥ ⲛⲥⲱⲕ ϩⲁⲣⲉϩ ⲉⲣⲟⲥ ⲛⲁⲕ ⲉⲡⲉⲕⲁϩⲉ</ab>
14ⲙⲡⲣⲙⲟⲟϣⲉ ϩⲓⲛⲉϩⲓⲟⲟⲩⲉ ⲛⲛⲣⲉϥⲣⲛⲟⲃⲉ</ab>
15ⲙⲡⲣⲃⲱⲕ ⲉϩⲟⲩⲛ ⲛⲙⲙⲁⲩ ⲉⲡⲙⲁ ⲉⲧⲟⲩⲥⲟⲟⲩϩ ⲉⲣⲟϥ ⲣⲁⲕⲧⲕ ⲉⲃⲟⲗ ⲛⲅϣⲃⲧⲕⲕ ⲉⲣⲟⲟⲩ</ab>
16ⲛⲛⲉⲩⲱⲃϣ ⲅⲁⲣ ⲉⲙⲡⲟⲩⲣⲡⲉⲑⲟⲟⲩ ⲁⲡϩⲓⲛⲏⲃ ⲅⲁⲣ ⲟⲩⲉ ⲙⲙⲟⲟⲩ ⲁⲩⲱ ⲙⲉⲩⲱⲃϣ</ab>
17ⲛⲧⲟⲟⲩ ⲅⲁⲣ ⲉⲩⲥⲁⲛⲁϣⲧ ϩⲛϩⲉⲛϩⲣⲉ ⲙⲙⲛⲧϣⲁϥⲧⲉ ⲥⲉⲧⲁϩⲉ ⲇⲉ ϩⲛⲟⲩⲏⲣⲡ ⲛⲣⲉϥⲣⲛⲟⲃⲉ</ab>
18ⲛⲉϩⲓⲟⲟⲩⲉ ⲇⲉ ⲛⲛⲇⲓⲕⲁⲓⲟⲥ ⲥⲉⲣⲟⲩⲟⲓⲛ ⲛⲑⲉ ⲙⲡⲟⲩⲟⲉⲓⲛ ⲥⲉⲙⲟⲟϣⲉ ⲅⲁⲣ ⲉⲩⲣⲟⲩⲟⲉⲓⲛ ϣⲁⲛⲧⲉⲡⲉϩⲟⲟⲩ ϫⲱⲕ</ab>
19ϩⲉⲛⲕⲁⲕⲉ ⲇⲉ ⲛⲉ ⲛⲉϩⲓⲟⲟⲩⲉ ⲛⲛⲁⲥⲉⲃⲏⲥ ⲁⲩⲱ ⲛⲥⲉⲥⲟⲟⲩⲛ ⲁⲛ ϫⲉ ⲉⲩϫⲓϫⲣⲟⲡ ⲛⲁϣ ⲛϩⲉ</ab>
20ⲡⲁϣⲏⲣⲉ ϯϩⲧⲏⲕ ⲉⲡⲁϣⲁϫⲉ ⲣⲉⲕⲧⲡⲉⲕⲙⲁⲁϫⲉ ⲇⲉ ⲉⲛⲁϫⲡⲓⲟ</ab>
21ϫⲉⲕⲁⲥ ⲉⲛⲛⲉⲛⲉⲕⲡⲏⲅⲏ ⲱϫⲛ ϩⲁⲣⲉϩⲛⲁⲓ ϩⲙⲉⲕϩⲏⲧ</ab>
22ⲟⲩⲱⲛϩ ⲅⲁⲣ ⲡⲉ ⲛⲛⲉⲧϭⲟⲗϫ ⲙⲙⲟⲟⲩ ⲁⲩⲱ ⲟⲩⲧⲁⲗϭⲟ ⲡⲉ ⲙⲡⲥⲱⲙⲁ</ab>
23ϩⲛϩⲁⲣⲉϩ ⲛⲓⲙ ϩⲁⲣⲉϩ ⲉⲡⲉⲕϩⲏⲧ ϩⲉⲛϩⲓⲟⲟⲩⲉ ⲅⲁⲣ ⲛⲱⲛϩ ⲛⲉ ⲛⲉⲃⲟⲗ ϩⲛⲛⲁⲓ</ab>
24ϥⲓ ⲉⲃⲟⲗ ⲙⲙⲟⲕ ⲛⲟⲩⲧⲁⲡⲣⲟ ⲉⲥϭⲟⲟⲙⲉ ⲁⲩⲱ ⲙⲁⲣⲉϩⲉⲛⲥⲡⲟⲧⲟⲩ ⲛϫⲓⲛϭⲟⲛⲥ ⲟⲩⲉ ⲛⲥⲁⲃⲟⲗ ⲙⲙⲟⲕ</ab>
25ⲙⲁⲣⲉⲛⲉⲕⲃⲁⲕ ϭⲱϣⲧ ⲉⲛⲉⲧⲥⲟⲩⲧⲱⲛ ⲛⲧⲉⲛⲉⲕⲃⲟⲩϩⲉ ⲉⲓⲱⲣⲙ ⲉⲙⲙⲛⲧⲙⲉ</ab>
26ⲥⲟⲩⲧⲛϩⲉⲛϩⲓⲟⲟⲩⲉ ⲛⲛⲉⲕⲟⲩⲉⲣⲏⲧⲉ ⲁⲩⲱ ⲛⲅⲥⲟⲟⲩⲧⲛ ⲛⲛⲉⲕϩⲓⲟⲟⲩⲉ</ab>
27ⲙⲡⲣⲣⲁⲕⲧⲕ ⲉⲟⲩⲛⲁⲙ ⲟⲩⲇⲉ ⲉϩⲃⲟⲩⲣ ⲕⲧⲟ ⲇⲉ ⲉⲃⲟⲗ ⲛⲧⲉⲕⲟⲩⲉⲣⲏⲧⲉ ⲉⲃⲟⲗ ϩⲓϩⲓⲏ ⲛⲓⲙ ⲉⲑⲟⲟⲩ ⲡⲛⲟⲩⲧⲉ ⲅⲁⲣ ⲥⲟⲟⲩⲛ ⲛⲛⲉϩⲓⲟⲟⲩⲉ ⲉⲧϩⲓⲟⲩⲛⲁⲙ ⲥⲉϭⲟⲟⲙⲉ ⲇⲉ ⲛϭⲓⲛⲉⲧϩⲓϩⲃⲟⲩⲣ ⲛⲧⲟϥ ⲇⲉ ϥⲛⲁⲥⲟⲟⲩⲧⲛ ⲛⲛⲉⲕϩⲓⲟⲟⲩⲉ ⲁⲩⲱ ϥⲛⲁⲉⲓⲛⲉ ⲉⲃⲟⲗ ⲛⲛⲉⲕϩⲓⲏ ⲙⲙⲟⲟϣⲉ ϩⲛⲟⲩⲉⲓⲣⲏⲛⲏ</ab>
28<gap reason=""/>