1ⲡⲁϣⲏⲣⲉ ⲙⲡⲣⲣⲡⲱⲃϣ ⲛⲛⲁⲛⲥⲙⲙⲉ ⲁⲩⲱ ⲙⲁⲣⲉⲡⲉⲕϩⲏⲧ ϩⲁⲣⲉϩ ⲉⲛⲁϣⲁϫⲉ</ab>
2ⲥⲉⲛⲁⲟⲩⲱϩ ⲅⲁⲣ ⲉⲣⲟⲕ ⲛⲟⲩⲛⲟϭ ⲛⲁϩⲉ ⲙⲛϩⲉⲛⲣⲙⲡⲟⲟⲩⲉ ⲛⲱⲛϩ ⲙⲛⲟⲩⲉⲓⲣⲏⲛⲏ</ab>
3ⲙⲡⲣⲧⲣⲉⲙⲙⲛⲧⲛⲁ ⲇⲉ ⲕⲁⲁⲕ ⲙⲛⲧⲡⲓⲥⲧⲓⲥ ⲙⲛⲧⲙⲉ ⲙⲟⲣⲟⲩ ⲇⲉ ⲉⲡⲉⲕⲙⲁⲕϩ</ab>
4ϫⲡⲟ ⲇⲉ ⲛⲁⲕ ⲛⲟⲩϩⲙⲟⲧ ⲙⲛⲟⲩⲙⲉⲉⲩⲉ ⲉⲛⲁⲛⲟⲩϥ ⲙⲡⲉⲙⲧⲟ ⲉⲃⲟⲗ ⲙⲡϫⲟⲉⲓⲥ ⲙⲛⲛⲣⲱⲙⲉ</ab>
5ⲱϣⲡⲉ ⲉⲕⲛⲁϩⲧⲉ ϩⲙⲡⲉⲕϩⲏⲧ ⲧⲏⲣϥ ⲉⲡⲛⲟⲩⲧⲉ ⲁⲩⲱ ⲙⲡⲣϫⲓⲥⲉ ⲙⲙⲟⲕ ⲉϫⲛⲧⲉⲕⲥⲟⲫⲓⲁ</ab>
6ⲟⲩⲟⲛϩⲥ ⲉⲃⲟⲗ ϩⲛⲛⲉⲕϩⲓⲟⲟⲩⲉ ⲧⲏⲣⲟⲩ ϫⲉⲕⲁⲥ ⲉⲥⲉⲥⲟⲟⲩⲧⲛ ⲛⲛⲉⲕϩⲓⲟⲟⲩⲉ ⲛⲧⲉⲧⲉⲕⲟⲩⲉⲣⲏⲧⲉ ⲧⲙϫⲓϫⲣⲟⲡ</ab>
7ⲙⲡⲣϣⲱⲡⲉ ⲛⲁⲕ ⲛⲥⲁⲃⲉ ⲛⲟⲩⲁⲁⲕ ⲁⲣⲓϩⲟⲧⲉ ⲛⲧⲟϥ ϩⲏⲧϥ ⲙⲡⲛⲟⲩⲧⲉ ⲛⲅⲣⲁⲧⲕ ⲉⲃⲟⲗ ⲙⲡⲉⲑⲟⲟⲩ ⲛⲓⲙ</ab>
8ⲧⲟⲧⲉ ⲟⲩⲛⲟⲩⲧⲁⲗϭⲟ ⲛⲁϣⲱⲡⲉ ⲙⲡⲉⲕⲥⲱⲙⲁ ⲁⲩⲱ ⲟⲩϥⲓⲡⲣⲟⲟⲩϣ ⲛⲛⲉⲕⲕⲉⲉⲥ</ab>
9ⲡⲁϣⲏⲣⲉ ⲙⲁⲧⲁⲓⲉⲡⲛⲟⲩⲧⲉ ⲉⲃⲟⲗ ϩⲛⲛⲉⲕϩⲓⲥⲉ ⲙⲙⲉ ⲁⲩⲱ ⲛⲅϯ ⲛⲁϥ ⲛⲛⲉϩⲟⲩⲁⲧⲉ ⲉⲃⲟⲗ ϩⲛⲛⲉⲕⲕⲁⲣⲡⲟⲥ ⲛⲧⲉⲧⲇⲓⲕⲁⲓⲟⲥⲩⲛⲏ</ab>
10ϫⲉ ⲉⲣⲉⲛⲉⲕⲧⲁⲙⲓⲟⲛ ⲙⲟⲩϩ ⲛⲥⲟⲩⲟ ⲁⲩⲱ ⲛⲧⲉⲛⲉⲕⲉⲓⲟⲙ ⲙⲟⲩϩ ⲛⲏⲣⲡ</ab>
11ⲡⲁϣⲏⲣⲉ ⲙⲡⲣⲣⲕⲟⲩⲓ ⲛϩⲏⲧ ϩⲛⲧⲉⲥⲃⲱ ⲙⲡϫⲟⲉⲓⲥ ⲟⲩⲇⲉ ⲙⲡⲣϣⲱⲥⲙ ⲉⲩϫⲡⲓⲟ ⲙⲙⲟⲕ ⲉⲃⲟⲗ ϩⲓⲧⲟⲟⲧϥ</ab>
12ϣⲁⲣⲉⲡⲛⲟⲩⲧⲉ ⲅⲁⲣ ϯⲥⲃⲱ ⲙⲡⲉⲧϥⲙⲉ ⲙⲙⲟϥ ϣⲁϥⲙⲁⲥⲧⲓⲅⲟⲩ ⲇⲉ ⲛϣⲏⲣⲉ ⲛⲓⲙ ⲉⲧϥⲛⲁϣⲟⲡⲟⲩ ⲉⲣⲟϥ ⲛⲧⲟϥ ⲅⲁⲣ ϥⲛⲁⲙⲟⲕϩⲕ ⲁⲩⲱ ⲛϥⲧⲁϩⲟⲕ ⲉⲣⲁⲧⲕ ⲟⲛ</ab>
13ⲛⲁⲓⲁⲧϥ ⲙⲡⲣⲱⲙⲉ ⲉⲛⲧⲁϥϩⲉ ⲉⲧⲥⲟⲫⲓⲁ ⲁⲩⲱ ⲡⲣⲱⲙⲉ ⲉⲛⲧⲁϥϩⲉ ⲉⲧⲙⲛⲧⲥⲁⲃⲉ</ab>
14ⲥⲥⲟⲧⲡ ⲅⲁⲣ ⲉⲣϩⲱⲃ ⲛϩⲏⲧⲥ ⲉϩⲟⲩⲉⲛⲁϩⲱⲱⲣ ⲙⲡⲛⲟⲩⲃ ⲙⲛⲡϩⲁⲧ</ab>
15ⲥⲧⲁⲓⲏⲩ ⲇⲉ ⲉⲛⲉⲛⲉ ⲙⲙⲉ ⲙⲛⲗⲁⲁⲩ ⲙⲡⲉⲑⲟⲟⲩ ⲛⲁϯⲟⲩⲃⲏⲥ ⲥⲟⲩⲟⲛϩ ⲇⲉ ⲉⲃⲟⲗ ⲛⲟⲩⲟⲛ ⲛⲓⲙ ⲉⲧϩⲏⲛ ⲉⲣⲟⲥ ⲛⲉⲧⲧⲁⲓⲏⲩ ⲇⲉ ⲧⲏⲣⲟⲩ ⲙⲡϣⲁ ⲙⲙⲟⲥ ⲁⲛ</ab>
16ⲟⲩⲛⲟϭ ⲅⲁⲣ ⲛⲁϩⲉ ⲙⲛϩⲉⲣⲙⲡⲟⲟⲩⲉ ⲛⲱⲛϩ ⲛⲉⲧϩⲛⲧⲉⲥⲟⲩⲛⲁⲙ ⲁⲩⲱ ⲟⲩⲉⲟⲟⲩ ⲙⲛⲟⲩⲙⲛⲧⲣⲙⲙⲁⲟ ⲛⲉⲧϩⲛⲧⲉⲥϩⲃⲟⲩⲣ ⲉⲣⲉⲧⲇⲓⲕⲁⲓⲟⲥⲩⲛⲏ ⲛⲏⲩ ⲉⲃⲟⲗ ϩⲛⲣⲱⲥ ⲥⲫⲟⲣⲓ ⲇⲉ ⲙⲡⲛⲟⲙⲟⲥ ⲙⲛⲡⲛⲁ ϩⲓⲡⲉⲥⲗⲁⲥ</ab>
17ϩⲉⲛϩⲓⲟⲟⲩⲉ ⲉⲛⲁⲛⲟⲩⲟⲩ ⲛⲉ ⲛⲉⲥϩⲓⲟⲟⲩⲉ ⲁⲩⲱ ⲛⲉⲥⲛⲙⲁ ⲙⲙⲟⲟϣⲉ ⲧⲏⲣⲟⲩ ϩⲛⲟⲩⲉⲓⲣⲏⲛⲏ</ab>
18ⲟⲩϣⲏⲛ ⲛⲱⲛϩ ⲧⲉ ⲟⲩⲟⲛ ⲛⲓⲙ ⲉⲧⲕⲱ ⲛϩⲧⲏⲩ ⲉⲣⲟⲥ ⲁⲩⲱ ⲥⲧⲁϫⲣⲏⲩ ⲉϫⲛⲛⲉⲧⲧⲁϫⲣⲟ ⲙⲙⲟⲟⲩ ⲉϫⲱⲥ ⲛⲑⲉ ⲛⲛⲉⲧⲁϫⲣⲏⲩ ⲉϫⲙⲡϫⲟⲉⲓⲥ ⲓⲑ ⲁⲡⲛⲟⲩⲧⲉ ⲥⲙⲛⲥⲛⲧⲉ ⲙⲡⲕⲁϩ ϩⲛⲧⲥⲟⲫⲓⲁ ⲁϥⲥⲟⲃⲧⲉ ⲇⲉ ⲛⲙⲡⲏⲩⲉ ϩⲛⲧⲉϥⲙⲛⲧⲥⲁⲃⲉ</ab>
19ⲁⲛⲛⲟⲩⲛ ⲇⲉ ⲟⲩⲱⲛ ϩⲛⲟⲩⲁⲓⲥⲑⲏⲥⲓⲥ ⲁⲛⲉⲕⲗⲟⲟⲗⲉ ⲇⲉ ϣⲟⲩⲉⲉⲓⲱⲧⲉ ⲉϩⲣⲁⲓ</ab>
20ⲡⲁϣⲏⲣⲉ ⲙⲡⲣⲃⲱⲗ ⲉⲃⲟⲗ ϩⲁⲣⲉϩ ⲇⲉ ⲉⲡⲁϣⲟϫⲛⲉ ⲙⲛⲡⲁⲙⲉⲉⲩⲉ</ab>
21ϫⲉ ⲉⲣⲉⲧⲉⲕⲯⲩⲭⲏ ⲱⲛϩ ⲛⲧⲉⲟⲩⲭⲁⲣⲓⲥ ϣⲱⲡⲉ ϩⲓⲡⲉⲕⲙⲁⲕϩ ⲧⲟⲧⲉ ⲟⲩⲛⲟⲩⲧⲁⲗϭⲟ ⲛⲁϣⲱⲡⲉ ⲛⲛⲉⲕⲥⲁⲣⲝ ⲁⲩⲱ ⲟⲩϥⲓⲡⲣⲟⲟⲩϣ ⲛⲛⲉⲕⲕⲉⲉⲥ</ab>
22ϫⲉ ⲉⲕⲉⲙⲟⲟϣⲉ ⲉⲕⲛⲁϩⲧⲉ ϩⲛⲟⲩⲉⲓⲣⲏⲛⲏ ⲛⲛⲉⲕϩⲓⲟⲟⲩⲉ ⲧⲏⲣⲟⲩ ⲁⲩⲱ ⲧⲉⲕⲟⲩⲉⲣⲏⲧⲉ ⲛⲁϫⲓϫⲣⲟⲡ ⲁⲛ</ab>
23ⲁⲩⲱ ⲉⲕϣⲁⲛⲛⲕⲟⲧⲕ ⲕⲛⲁⲱⲃϣ ⲉⲕⲙⲟⲧⲛ</ab>
24ⲁⲩⲱ ⲛⲛⲉⲕⲣϩⲟⲧⲉ ϩⲏⲧⲥ ⲛⲟⲩϩⲟⲧⲉ ⲉⲥⲛⲏⲩ ⲛⲁⲕ ⲁⲩⲱ ⲟⲩⲟⲓ ⲛⲛⲁⲥⲉⲃⲏⲥ ⲉⲧⲛⲏⲩ</ab>
25ⲡⲛⲟⲩⲧⲉ ⲅⲁⲣ ⲛⲁϣⲱⲡⲉ ϩⲓⲛⲉⲕϩⲓⲟⲟⲩⲉ ⲧⲏⲣⲟⲩ ⲛϥⲧⲁϫⲣⲉⲛⲉⲕⲟⲩⲉⲣⲏⲧⲉ ϫⲉ ⲛⲛⲉⲕⲕⲓⲙ</ab>
26ⲙⲡⲣⲗⲟ ⲉⲕⲣⲡⲉⲧⲛⲁⲛⲟⲩϥ ⲙⲡⲉⲧⲣϭⲣⲱϩ ⲉⲩⲛⲧⲉⲧⲉⲕϭⲓϫ ⲉⲃⲟⲏⲑⲓ</ab>
27ⲙⲡⲣϫⲟⲟⲥ ϫⲉ ⲃⲱⲕ ⲛⲅⲕⲟⲧⲕ ⲁⲩⲱ ⲣⲁⲥⲧⲉ ⲧⲁϯ ⲛⲁⲕ ⲉⲩⲛϭⲟⲙ ⲙⲙⲟⲕ ⲉⲣⲡⲉⲧⲛⲁⲛⲟⲩϥ ⲛⲅⲥⲟⲟⲩⲛ ⲅⲁⲣ ⲁⲛ ϫⲉ ⲉⲣⲉⲣⲁⲥⲧⲉ ⲛⲁϫⲡⲉⲟⲩ</ab>
28ⲙⲡⲣⲙⲉⲉⲩⲉ ⲉϩⲉⲛⲡⲉⲑⲟⲟⲩ ⲉⲡⲉⲕϣⲃⲏⲣ ⲉⲧϭⲁⲗⲏⲩ ⲉⲧⲕⲱ ⲛϩⲧⲏϥ ⲉⲣⲟⲕ</ab>
29ⲙⲡⲣⲣⲙⲁⲓϫⲁϫⲉ ⲉⲩⲣⲱⲙⲉ ⲉⲡϫⲓⲛϫⲏ ϫⲉⲕⲁⲥ ⲉⲛⲛⲉϥⲣⲡⲉⲑⲟⲟⲩ ⲛⲁⲕ</ab>
30ⲙⲡⲣϫⲡⲟ ⲛⲁⲕ ⲛⲛⲛⲟϭⲛⲉϭ ⲛⲛⲣⲱⲙⲉ ⲉⲑⲟⲟⲩ ⲟⲩⲇⲉ ⲙⲡⲣⲕⲱϩ ⲉⲛⲉⲩϩⲓⲟⲟⲩⲉ</ab>
31ⲟⲩⲁⲕⲁⲑⲁⲣⲧⲟⲥ ⲅⲁⲣ ⲙⲡⲉⲙⲧⲟ ⲉⲃⲟⲗ ⲙⲡⲛⲟⲩⲧⲉ ⲡⲉ ⲟⲩⲣⲱⲙⲉ ⲙⲡⲁⲣⲁⲛⲟⲙⲟⲥ ⲁⲩⲱ ⲛϥⲥⲱⲟⲩϩ ⲉϩⲟⲩⲛ ϩⲛⲛⲇⲓⲕⲁⲓⲟⲥ</ab>
32ⲉⲣⲉⲡⲥⲁϩⲟⲩ ⲙⲡⲛⲟⲩⲧⲉ ϩⲛⲛⲏⲓ ⲛⲛⲁⲥⲉⲃⲏⲥ</ab>
33ⲥⲉⲛⲁⲥⲙⲟⲩ ⲇⲉ ⲉⲛⲣⲥⲟⲟⲩⲉ ⲛⲛⲇⲓⲕⲁⲓⲟⲥ ⲡⲛⲟⲩⲧⲉ ⲛⲁϯ ⲟⲩⲃⲉⲛϫⲁⲥⲓϩⲏⲧ ϥⲛⲁϯ ⲇⲉ ⲛⲟⲩϩⲙⲟⲧ ⲛⲛⲉⲧⲑⲃⲃⲓⲏⲩ</ab>
34ⲛⲥⲟⲫⲟⲥ ⲛⲁⲕⲗⲏⲣⲟⲛⲟⲙⲉⲓ ⲙⲡⲉⲟⲟⲩ ⲛⲁⲑⲏⲧ ⲇⲉ ⲛⲁⲥⲱⲧⲡ ⲛⲁⲩ ⲛⲟⲩⲥⲱϣ ⲉϥϫⲟⲥⲉ</ab>
35<gap reason=""/>
36<gap reason=""/>
37<gap reason=""/>
38<gap reason=""/>