1ⲡⲁϣⲏⲣⲉ ⲉⲕϣⲁⲛϫⲓ ⲛⲛϣⲁϫⲉ ⲛⲧⲁⲉⲛⲧⲟⲗⲏ ⲛⲅϩⲟⲡⲟⲩ ϩⲁⲧⲏⲕ ⲡⲉⲕⲙⲁⲁϫⲉ ⲛⲁⲥⲱⲧⲙ ⲛⲥⲁⲧⲥⲟⲫⲓⲁ ⲡⲉ</ab>
2ⲁⲩⲱ ⲕⲛⲁϯ ⲙⲡⲉⲕϩⲏⲧ ⲉⲩⲙⲛⲧⲥⲁⲃⲉ ⲛⲅⲧⲁⲁⲥ ⲇⲉ ⲙⲡⲉⲕϣⲏⲣⲉ ⲛⲥⲃⲱ</ab>
3ⲉϣⲱⲡⲉ ⲅⲁⲣ ⲉⲕϣⲁⲛⲙⲟⲩⲧⲉ ⲟⲩⲃⲉⲧⲥⲟⲫⲓⲁ ⲛⲅⲙⲟⲩⲧⲉ ⲇⲉ ⲉⲧⲁⲓⲥⲑⲏⲥⲓⲥ ϩⲛⲟⲩⲛⲟϭ ⲛⲥⲙⲏ</ab>
4ⲛⲅϣⲓⲛⲉ ⲇⲉ ⲛⲥⲱⲥ ⲛⲑⲉ ⲛϩⲉⲛⲁϩⲟ ⲛϩⲁⲧ ⲛⲅϩⲟⲧϩⲧ ⲛⲥⲱⲥ ϩⲛⲟⲩⲟⲩⲣⲟⲧ</ab>
5ⲧⲟⲧⲉ ⲕⲛⲁⲛⲟⲓ ⲛⲧⲙⲛⲧⲙⲁⲓⲛⲟⲩⲧⲉ ⲛⲅϩⲉ ⲉⲧⲁⲓⲥⲑⲏⲥⲓⲥ ⲉⲧⲟⲩⲁⲁⲃ ⲛⲧⲉⲧⲉⲕⲟⲩⲉⲣⲏⲧⲉ ⲧⲙϫⲓϫⲣⲟⲡ</ab>
6ⲡⲛⲟⲩⲧⲉ ⲅⲁⲣ ⲛⲁϯ ⲛⲁⲕ ⲛⲧⲥⲟⲫⲓⲁ ⲉⲃⲟⲗ ϩⲛⲣⲱϥ ⲙⲛⲟⲩⲁⲓⲥⲑⲏⲥⲓⲥ ⲙⲛⲟⲩⲙⲛⲧⲣⲙⲛϩⲏⲧ</ab>
7ⲁⲩⲱ ϣⲁϥⲥⲉⲩϩⲃⲟⲏⲑⲓⲁ ⲉϩⲟⲩⲛ ⲛⲛⲇⲓⲕⲁⲓⲟⲥ ⲉϥⲣⲛⲁϣⲧⲉ ⲉⲛⲉⲩϩⲓⲟⲟⲩⲉ</ab>
8ⲉϥϩⲁⲣⲉϩ ⲉⲛⲉϩⲓⲟⲟⲩⲉ ⲛⲧⲙⲉ ϣⲁϥϯϩⲧⲏϥ ⲇⲉ ⲉⲛⲉϩⲓⲟⲟⲩⲉ ⲛⲛⲛⲁⲏⲧ</ab>
9ⲧⲁⲓ ϭⲉ ⲧⲉ ⲑⲉ ⲛϩⲟⲩⲟ ⲉⲧⲕⲛⲁⲛⲟⲓ ⲛⲧⲇⲓⲕⲁⲓⲟⲥⲩⲛⲏ ⲙⲛⲧⲙⲉ ⲟⲩⲛⲧⲉⲧⲙⲉ ⲅⲁⲣ ϩⲉⲛϩⲓⲟⲟⲩⲉ ⲉⲩⲥⲟⲩⲧⲱⲛ ⲁⲩⲱ ϣⲁⲣⲉⲛⲉϩⲓⲟⲟⲩⲉ ⲙⲡⲡⲉⲧⲛⲁⲛⲟⲩϥ ⲥⲟⲟⲩⲧⲛ</ab>
10ⲉⲣϣⲁⲛⲧⲥⲟⲫⲓⲁ ⲅⲁⲣ ⲉⲓ ⲉⲡⲉⲕϩⲏⲧ ⲁⲩⲱ ⲛⲅⲙⲉⲉⲩⲉ ⲉⲧⲁⲓⲥⲑⲏⲥⲓⲥ ϫⲉ ⲛⲁⲛⲟⲩⲥ ⲛⲧⲉⲕⲯⲩⲭⲏ</ab>
11ⲡϣⲟϫⲛⲉ ⲉⲧⲛⲁⲛⲩⲟϥ ⲛⲁϩⲁⲣⲉϩ ⲉⲣⲟⲕ ⲡⲉ ⲛⲧⲉⲡⲙⲉⲉⲩⲉ ⲉⲧⲟⲩⲁⲁⲃ ϯϩⲧⲏϥ ⲉⲣⲟⲕ</ab>
12ϫⲉ ⲉϥⲉⲛⲁϩⲙⲉⲕ ⲉⲩϩⲓⲏ ⲉⲥϩⲟⲟⲩ ⲁⲩⲱ ⲉⲩⲣⲱⲙⲉ ⲉⲛϥϫⲉⲗⲁⲁⲩ ⲁⲛ ⲙⲙⲉ</ab>
13ⲱ ⲛⲉⲧⲕⲱ ⲛⲥⲱⲟⲩ ⲛⲛⲉϩⲓⲟⲟⲩⲉ ⲉⲧⲥⲟⲩⲧⲱⲛ ⲉⲧⲥⲱⲧⲡ ⲛⲁⲩ ⲛϩⲉⲛϩⲓⲟⲟⲩⲉ ⲛⲕⲁⲕⲉ</ab>
14ⲛⲉⲧⲉⲩⲫⲣⲁⲛⲉ ⲉϫⲛⲛⲣⲉϥⲑⲣⲡⲉⲑⲟⲟⲩ ⲉⲧⲥⲱⲃⲉ ⲉϫⲛⲛⲉⲑⲟⲟⲩ</ab>
15ⲛⲁⲓ ⲉⲣⲉⲛⲉⲩϩⲓⲟⲟⲩⲉ ϭⲟⲟⲙⲉ ⲁⲩⲱ ⲉⲣⲉⲛⲉⲩⲙⲁⲙⲙⲟⲟϣⲉ ϫⲏⲩ ⲛⲕⲟⲧⲥ</ab>
16ⲉⲧⲣⲉⲕⲟⲩⲉ ⲁⲩⲱ ⲉⲁⲁⲕ ⲛϣⲙⲙⲟ ⲉⲧⲉⲅⲛⲱⲙⲏ ⲛⲛⲇⲓⲕⲁⲓⲟⲥ</ab>
17ⲡⲁϣⲏⲣⲉ ⲙⲡⲣⲧⲣⲉⲟⲩϣⲟϫⲛⲉ ⲉϥϩⲟⲟⲩ ⲧⲁϩⲟⲕ ⲡⲁⲓ ⲉⲧⲕⲱ ⲛⲥⲱϥ ⲛⲧⲉⲥⲃⲱ ϫⲓⲛⲧⲉϥⲙⲛⲧⲕⲟⲩⲓ ⲁⲩⲱ ⲉⲧⲟⲃϣ ⲉⲧⲇⲓⲁⲑⲏⲕⲏ ⲉⲧⲟⲩⲁⲁⲃ</ab>
18ⲁϥⲕⲁⲡⲉϥⲏⲓ ⲅⲁⲣ ϩⲁⲧⲙⲡⲙⲟⲩ ⲁⲩⲱ ⲉⲣⲉⲛⲉϥⲙⲁⲙⲙⲟⲟϣⲉ ⲙⲛⲛⲣⲱⲙⲉ ϩⲁⲧⲛⲁⲙⲛⲧⲉ</ab>
19ⲛⲛⲉⲟⲩⲟⲛ ⲛⲓⲙ ⲉⲧⲥⲟⲟⲩϩ ⲉⲣⲟϥ ⲕⲟⲧⲟⲩ ⲁⲩⲱ ⲛⲛⲉⲩⲧⲁϩⲉⲛⲉϩⲓⲟⲟⲩⲉ ⲙⲡⲱⲛϩ ⲁⲗⲗⲁ ⲥⲉⲛⲁⲣⲡⲕⲉⲣϩⲧⲏⲩ ⲛⲛⲉⲣⲟⲙⲡⲉ ⲅⲁⲣ ⲙⲡⲱⲛϩ ⲧⲁϩⲟⲟⲩ</ab>
20ⲉⲛⲉⲛⲧⲁⲩⲙⲟⲟϣⲉ ⲅⲁⲣ ϩⲓⲛⲉϩⲓⲟⲟⲩⲉ ⲉⲧⲛⲁⲛⲟⲩⲟⲩ ⲛⲉⲩⲛⲁϭⲛⲛⲉϩⲓⲟⲟⲩⲉ ⲛⲛⲇⲓⲕⲁⲓⲟⲥ ⲉⲩⲥⲗⲉϭⲗⲱϭ ⲡⲉ</ab>
21ⲛⲉⲧⲛⲁⲛⲟⲩⲟⲩ ⲛⲁⲟⲩⲱϩ ϩⲓϫⲙⲡⲕⲁϩ ⲛⲃⲁⲗϩⲏⲧ ⲇⲉ ⲛⲁϣⲱϫⲡ ϩⲓϫⲱϥ ϫⲉ ⲛⲉⲧⲥⲟⲩⲧⲱⲛ ⲛⲁⲟⲩⲱϩ ϩⲙⲡⲕⲁϩ ⲁⲩⲱ ⲛⲉⲧⲟⲩⲁⲁⲃ ⲛⲁϣⲱϫⲡ ϩⲓϫⲱϥ</ab>
22ⲥⲉⲛⲁⲱϫⲛ ⲛⲧⲟⲟⲩⲛ ⲛⲁⲥⲉⲃⲏⲥ ϩⲓϫⲙⲡⲕⲁϩ ⲁⲩⲱ ⲙⲡⲁⲣⲁⲛⲟⲙⲟⲥ ⲥⲉⲛⲁϥⲟⲧⲟⲩ ⲉⲃⲟⲗ ϩⲓϫⲱϥ</ab>
23<gap reason=""/>