1ⲙⲡⲁⲣϩⲟⲓⲙⲓⲁ ⲛⲥⲟⲗⲟⲙⲱⲛ ⲡϣⲏⲣⲉ ⲛⲇⲁⲩⲉⲓⲇ ⲡⲉⲛⲧⲁϥⲣⲣⲣⲟ ϩⲙ ⲡ</ab>
2ⲉⲉⲓⲙⲉ ⲉⲧⲥⲟⲫⲓⲁ ⲙⲛⲧⲉⲥⲃⲱ ⲉⲛⲟⲓ ⲛⲛϣⲁϫⲉ ⲛⲧⲙⲛⲧⲣⲙⲛϩⲏⲧ</ab>
3ⲉϫⲓ ⲙⲡⲉⲕⲧⲟ ⲛϩⲉⲛϣⲁϫⲉ ⲙⲛⲛⲃⲱⲗ ⲛϩⲉⲛⲁⲓⲛⲓⲅⲙⲁ ⲉⲛⲟⲓ ⲛⲟⲩⲇⲓⲕⲁⲓⲟⲥⲩⲛⲏ ⲙⲙⲉ ⲁⲩⲱ ⲉⲥⲟⲩⲧⲛⲟⲩϩⲁⲡ</ab>
4ϫⲉ ⲉⲓⲉϯ ⲛⲟⲩⲙⲛⲧⲣⲉⲙⲛϩⲏⲧ ⲛⲛⲃⲁⲗϩⲏⲧ ⲁⲩⲱ ⲟⲩⲁⲓⲥⲑⲏⲥⲓⲥ ⲙⲛⲟⲩⲙⲉⲉⲩⲉ ⲛⲟⲩϣⲏⲣⲉ ϣⲏⲙ</ab>
5ⲡⲥⲟⲫⲟⲥ ⲅⲁⲣ ⲉⲧⲛⲁⲥⲱⲧⲙ ⲉⲛⲁⲓ ϥⲛⲁⲣϩⲟⲩⲉⲥⲟⲫⲟⲥ ⲡⲣⲙⲛϩⲏⲧ ϫⲉ ⲛⲁϫⲡⲟ ⲛⲁϥ ⲛⲟⲩϩⲙⲙⲉ</ab>
6ϥⲛⲁⲛⲟⲓ ⲛⲟⲩⲡⲁⲣⲁⲃⲟⲗⲏ ⲙⲛⲟⲩϣⲁϫⲉ ⲉϥϩⲏⲡ ⲛϣⲁϫⲉ ⲛⲛⲥⲟⲫⲟⲥ ⲙⲛⲛⲛⲉⲩⲁⲓⲛⲓⲅⲙⲁ</ab>
7ⲧⲁⲣⲭⲏ ⲛⲧⲥⲟⲫⲓⲁ ⲧⲉ ⲑⲟⲧⲉ ⲙⲡⲛⲟⲩⲧⲉ ⲛⲁⲛⲟⲩⲧⲙⲛⲧⲣⲙⲛϩⲏⲧ ⲇⲉ ⲛⲟⲩⲟⲛ ⲛⲓⲙ ⲉⲧⲛⲁⲁⲁⲥ ⲧⲁⲣⲭⲏ ⲛⲧⲁⲓⲥⲑⲏⲥⲓⲥ ⲧⲉ ⲧⲙⲛⲧⲙⲁⲓⲛⲟⲩⲧⲉ ⲛⲁⲥⲉⲃⲏⲥ ⲇⲉ ⲛⲁⲥⲱϣϥ ⲛⲧⲥⲟⲫⲓⲁ ⲙⲛⲧⲉⲥⲃⲱ</ab>
8ⲥⲱⲧⲙ ⲡⲁϣⲏⲣⲉ ⲉⲧⲉⲥⲃⲱ ⲙⲡⲉⲕⲉⲓⲱⲧ ⲁⲩⲱ ⲙⲡⲣⲕⲱ ⲛⲥⲱⲕ ⲛⲛⲁⲛⲥⲙⲙⲉ ⲛⲧⲉⲕⲙⲁⲁⲩ</ab>
9ⲕⲛⲁϫⲓ ⲅⲁⲣ ⲛⲟⲩⲕⲗⲟⲙ ⲛϩⲙⲟⲧ ⲉϫⲛⲧⲉⲕⲁⲡⲉ ⲁⲩⲱ ⲟⲩⲕⲗⲁⲗ ⲛⲛⲟⲩⲃ ⲉⲡⲉⲕⲙⲁⲕϩ</ab>
10ⲡⲁϣⲏⲣⲉ ⲙⲡⲣⲧⲣⲉϩⲉⲛⲣⲱⲙⲉ ⲛⲣⲉϥⲣⲛⲟⲃⲉ ⲡⲗⲁⲛⲁ ⲙⲙⲟⲕ</ab>
11ⲟⲩⲇⲉ ⲙⲡⲣⲟⲩⲱϣ ⲉⲩϣⲁⲛⲥⲉⲡⲥⲱⲡⲕ ⲉⲩϫⲱ ⲙⲙⲟⲥ ϫⲉ ⲁⲙⲟⲩ ⲛⲙⲙⲁⲛ ⲛⲅⲕⲟⲓⲛⲱⲛⲓ ⲉⲡⲉⲓϩⲱⲧⲃ</ab>
12ⲛⲧⲛϩⲱⲧⲡ ⲇⲉ ⲉⲡⲕⲁⲛⲟⲩⲣⲱⲙⲉ ⲛⲇⲓⲕⲁⲓⲟⲥ ϩⲛⲟⲩϫⲓⲛϭⲟⲛⲥ</ab>
13ⲛⲧⲛⲟⲙⲕϥ ⲇⲉ ⲉϥⲟⲛϩ ⲛⲑⲉ ⲛⲁⲙⲛⲧⲉ ⲁⲩⲱ ⲛⲧⲛϥⲓ ⲙⲡⲉϥⲣⲡⲙⲉⲉⲩⲉ ⲉⲃⲟⲗ ϩⲓϫⲙⲕⲁϩ ⲛⲧⲛϫⲡⲟ ⲛⲁⲛ ⲛⲛⲉϥⲛⲕⲁ ⲉⲧⲛⲁϣⲱⲟⲩ ⲛⲧⲛⲙⲉϩⲛⲉⲛⲏⲓ ⲛϣⲱⲗ</ab>
14ⲛⲅⲛⲟⲩϫⲉ ⲙⲡⲉⲕⲕⲗⲏⲣⲟⲥ ⲛⲙⲙⲁ ⲛⲧⲉⲟⲩⲧⲱⲱⲙⲉ ⲛⲟⲩⲱⲧ ϣⲱⲡⲉ ⲛⲁⲛ</ab>
15ⲡⲁϣⲏⲣⲉ ⲙⲡⲣⲃⲱⲕ ϩⲓⲧⲉϩⲓⲏ ⲛⲙⲙⲁⲩ ⲣⲉⲕⲧⲧⲉⲕⲟⲩⲉⲣⲏⲧⲉ ⲇⲉ ⲉⲃⲟⲗ ϩⲛⲛⲉⲩϩⲓⲟⲟⲩⲉ</ab>
16ⲉⲣⲉⲛⲉⲩⲟⲩⲉⲣⲏⲧⲉ ⲅⲁⲣ ⲡⲏⲧ ⲉⲩⲕⲁⲕⲓⲁ ⲁⲩⲱ ⲉⲩϭⲉⲡⲏ ⲉⲡⲛⲥⲛⲟϥ ⲉⲃⲟⲗ</ab>
17ⲛⲛⲉⲩⲡⲣϣϣⲛⲉ ⲅⲁⲣ ⲁⲛ ⲉⲃⲟⲗ ⲉⲛϩⲁⲗⲁⲧⲉ ⲉⲡⲣⲁ</ab>
18ⲛⲧⲟⲟⲩ ⲅⲁⲣ ⲉⲩⲙⲉⲧⲉⲭⲉ ⲉϩⲉⲛⲥⲛⲟϥ ⲉⲩⲥⲉⲩϩⲡⲉⲑⲟⲟⲩ ⲛⲁⲩ ⲉϩⲟⲩⲛ</ab>
19ⲛⲁⲓ ⲛⲉ ⲛⲉϩⲓⲟⲟⲩⲉ ⲛⲟⲩⲟⲛ ⲛⲓⲙ ⲉⲧϫⲱⲕ ⲉⲃⲟⲗ ⲛⲛⲛⲟⲃⲉ ⲡϣⲟⲣϣⲣ ⲇⲉ ⲛⲛⲣⲱⲙⲉ ⲙⲡⲁⲣⲁⲛⲟⲙⲟⲥ ϩⲟⲟⲩ ⲉⲩⲛⲁⲧⲁⲕⲟ ⲅⲁⲣ ⲛⲧⲉⲩⲯⲩⲭⲏ ϩⲛⲧⲉⲩⲙⲛⲧⲁⲧϣⲁϥⲧ</ab>
20ⲥⲉⲥⲙⲟⲩ ⲉⲧⲥⲟⲫⲓⲁ ϩⲛⲛϩⲓⲣ ⲁⲩⲱ ⲟⲩⲛⲧⲥⲡⲁⲣⲣⲏⲥⲓⲁ ϩⲛⲛⲉⲡⲗⲁⲧⲓⲁ ⲥⲉⲧⲁϣⲉⲟⲉⲓϣ ⲇⲉ ⲙⲙⲟⲥ ϩⲓϫⲛⲛⲕⲟⲟϩ ⲛⲛⲥⲟⲃⲧ</ab>
21ϣⲁⲥϫⲟⲟⲥ ⲇⲉ ⲉⲥⲧⲏⲕ ⲛϩⲏⲧ ϩⲓϫⲛⲙⲡⲩⲗⲏ ⲛⲙⲡⲟⲗⲓⲥ</ab>
22ϫⲉ ⲛⲟⲩⲟⲉⲓϣ ⲛⲓⲙ ⲉⲣⲉⲛⲃⲁⲗϩⲏⲧ ϭⲟⲗϫ ⲛⲧⲇⲓⲕⲁⲓⲟⲥⲩⲛⲏ ⲥⲉⲛⲁϫⲓ ϣⲓⲡⲉ ⲁⲛ ⲛⲁⲑⲏⲧ ⲇⲉ ⲉⲩⲟ ⲛⲣϥⲉⲡⲓⲑⲩⲙⲓ ⲉⲡⲥⲱϣ ⲛⲧⲉⲣⲟⲩⲣⲁⲥⲉⲃⲏⲥ ⲁⲩⲙⲉⲥⲧⲉⲧⲁⲓⲥⲑⲏⲥⲓⲥ ⲁⲩⲱ ⲁⲩϣⲱⲡⲉ ⲉⲩϭⲏⲡ ⲉϩⲉⲛϫⲡⲓⲟ</ab>
23ⲉⲓⲥ ϩⲏⲏⲧⲉ ϯⲛⲁϫⲱ ⲛⲏⲧⲛ ⲙⲡϣⲁϫⲉ ⲛⲧⲁⲡⲛⲟⲏ ϯⲛⲁⲧⲥⲁⲃⲱⲧⲛ ⲇⲉ ⲉⲡⲁϣⲁϫⲉ</ab>
24ⲉⲡⲉⲓⲇⲏ ⲁⲓⲙⲟⲩⲧⲉ ⲉⲣⲱⲧⲛ ⲙⲡⲉⲧⲛⲥⲱⲧⲙ ⲉⲣⲟⲓ ⲁⲩⲱ ⲁⲓⲡⲣϣⲛⲁϣⲁϫⲉ ⲉⲃⲟⲗ ⲙⲡⲉⲧⲛϯϩⲧⲏⲧⲛ</ab>
25ⲁⲗⲗⲁ ⲁⲧⲉⲧⲛⲧⲥⲧⲟ ⲉⲃⲟⲗ ⲛⲛⲁϣⲟϫⲛⲉ ⲁⲩⲱ ⲁⲧⲉⲧⲛⲣⲁⲧⲥⲱⲧⲙ ⲛⲥⲁⲛⲁϫⲡⲓⲟ</ab>
26ⲉⲧⲃⲉⲡⲁⲓ ϩⲱ ϯⲛⲁⲥⲱⲃⲉ ⲛⲥⲁⲡⲉⲧⲛⲧⲁⲕⲟ ϯⲛⲁⲣⲁϣⲉ ⲇⲉ ⲙⲙⲱⲧⲛ ⲉⲣϣⲁⲛⲡⲧⲁⲕⲟ ⲉⲓ ⲉϫⲱⲧⲛ</ab>
27ⲁⲩⲱ ⲉⲣϣⲁⲛⲡⲉϣⲧⲟⲣⲧⲣ ⲧⲁϩⲉⲧⲏⲩⲧⲛ ϩⲛⲟⲩϣⲥⲛⲉ ⲛⲧⲉⲡϣⲟⲣϣⲣ ⲉⲓ ⲉϫⲱⲧⲛ ⲛⲑⲉ ⲛⲟⲩϩⲁⲧⲏⲩ ⲏ ⲉⲣϣⲁⲛⲡⲧⲁⲕⲟ ⲉⲓ ⲉϫⲱⲧⲛ ⲁⲩⲱ ⲉⲣϣⲁⲛⲟⲩⲑⲗⲓⲯⲓⲥ ⲉⲓ ⲛⲏⲧⲛ ⲙⲛⲟⲩⲕⲧⲟ ⲉⲣⲱⲧⲛ</ab>
28ⲥⲛⲁϣⲱⲡⲉ ⲅⲁⲣ ⲛⲧⲉⲧⲛⲙⲟⲩⲧⲉ ⲉϩⲣⲁⲓ ⲟⲩⲃⲏⲓ ⲁⲛⲟⲕ ⲇⲉ ⲛⲧⲁⲧⲙⲥⲱⲧⲙ ⲉⲣⲱⲧⲛ ⲛⲉⲑⲟⲟⲩ ⲛⲁϣⲓⲛⲉ ⲛⲥⲱⲓ ⲛⲥⲉⲧⲙϭⲛⲧ</ab>
29ⲁⲩⲙⲉⲥⲧⲉⲧⲥⲟⲫⲓⲁ ⲅⲁⲣ ⲁⲩⲱ ⲙⲡⲟⲩⲥⲱⲧⲡ ⲛⲁⲩ ⲛⲧⲙⲛⲧⲙⲁⲓⲛⲟⲩⲧⲉ</ab>
30ⲁⲩⲱ ⲙⲡⲟⲩⲉϣϯϩⲧⲏⲩ ⲉⲛⲁϣⲟϫⲛⲉ ⲁⲩⲗⲕϣⲁ ⲇⲉ ⲛⲥⲁⲛⲁϫⲡⲓⲟ</ab>
31ⲉⲧⲃⲉⲡⲁⲓ ϭⲉ ⲥⲉⲛⲁⲟⲩⲱⲙ ⲛⲛⲕⲁⲣⲡⲟⲥ ⲛⲧⲉⲩϩⲓⲏ ⲁⲩⲱ ⲥⲉⲛⲁⲥⲉⲓ ⲛⲧⲉⲩⲙⲛⲧϣⲁϥⲧⲉ</ab>
32ⲉⲃⲟⲗ ⲅⲁⲣ ϫⲉ ⲁⲩϫⲓ ⲛϩⲉⲛⲕⲟⲩⲓ ⲛϭⲟⲛⲥ ⲥⲉⲛⲁϩⲟⲧⲃⲟⲩ ⲁⲩⲱ ⲡⲉϫⲛⲟ ⲛⲁⲧⲁⲕⲉⲛⲁⲥⲉⲃⲏⲥ</ab>
33ⲡⲉⲧⲥⲱⲧⲙ ⲇⲉ ⲉⲣⲟⲓ ϥⲛⲁⲙⲧⲟⲛ ⲙⲙⲟϥ ϩⲛⲟⲩⲉⲓⲣⲏⲛⲏ ⲉϥⲧⲁϫⲣⲏⲩ ⲁⲩⲱ ϥⲛⲁϭⲱ ⲁϫⲛϩⲟⲧⲉ ⲉⲃⲟⲗ ϩⲙⲡⲉⲑⲟⲟⲩ ⲛⲓⲙ</ab>
34<gap reason=""/>
35<gap reason=""/>