1ⲡⲁϣⲏⲣⲉ ϯϩⲧⲏⲕ ⲉⲧⲁⲥⲟⲫⲓⲁ ⲣⲉⲕⲧⲡⲉⲕⲙⲁⲁϫⲉ ⲇⲉ ⲉⲛⲁϣⲁϫⲉ</ab>
2ϫⲉ ⲉⲕⲉϩⲁⲣⲉϩ ⲉⲩⲙⲉⲉⲩⲉ ⲉⲛⲁⲛⲟⲩϥ ϯϩⲱⲛ ⲇⲉ ⲉⲧⲟⲟⲧⲕ ⲉⲧⲁⲓⲥⲑⲏⲥⲓⲥ ⲛⲛⲁⲥⲡⲟⲧⲟⲩ</ab>
3ⲙⲡⲣϯϩⲧⲏⲕ ⲉⲩⲥϩⲓⲙⲉ ⲉⲥϩⲟⲟⲩ ⲟⲩⲉⲃⲓⲱ ⲅⲁⲣ ⲡⲉⲧⲧⲗⲧⲕ ⲉⲃⲟⲗ ϩⲛⲛⲉⲥⲡⲟⲧⲟⲩ ⲛⲟⲩⲥϩⲓⲙⲉ ⲙⲡⲟⲣⲛⲏ ⲧⲁⲓ ⲡⲣⲟⲥ ⲧⲉⲩⲛⲟⲩ ⲉⲥⲛⲁϯϩⲗⲟϭ ⲛⲧⲉⲕϣⲟⲩⲱⲃⲉ</ab>
4ⲙⲛⲛⲥⲱⲥ ⲕⲛⲁϭⲛⲧⲥ ⲉⲥⲥⲁϣⲉ ⲉⲩⲥⲓϣⲉ ⲁⲩⲱ ⲉⲥⲧⲏⲙ ⲉϩⲟⲩⲉⲟⲩⲥⲏϥⲉ ⲛϩⲟ ⲥⲛⲁⲩ</ab>
5ϩⲣⲁⲓ ⲅⲁⲣ ϩⲛⲧⲉⲥⲙⲑⲛⲧⲁⲑⲏⲧ ⲉⲣⲉⲛⲉⲥⲟⲩⲉⲣⲏⲧⲉ ϫⲓ ⲉⲡⲉⲥⲏⲧ ⲉⲛⲉⲧⲛⲁⲭⲣⲱ ⲙⲙⲟⲥ ⲙⲡⲙⲟⲩ ⲉⲁⲙⲛⲧⲉ ⲛⲉⲥϭⲟⲡ ⲇⲉ ⲧⲁϫⲣⲏⲩ ⲁⲛ</ab>
6ⲛⲥⲙⲟⲟϣⲉ ⲅⲁⲣ ⲁⲛ ϩⲓⲛⲉϩⲓⲟⲟⲩⲉ ⲙⲡⲱⲛϩ ⲛⲉⲥϩⲓⲟⲟⲩⲉ ⲇⲉ ϣⲧⲣⲧⲱⲣ ⲁⲩⲱ ⲥⲉϩⲏⲡ</ab>
7ⲧⲉⲛⲟⲩ ϭⲉ ⲡⲁϣⲏⲣⲉ ⲥⲱⲧⲙ ⲉⲣⲟⲓ ⲁⲩⲱ ⲙⲡⲣⲥⲧⲟ ⲉⲃⲟⲗ ⲛⲛⲁϣⲁϫⲉ</ab>
8ⲙⲁⲣⲉⲧⲉⲕϩⲓⲏ ⲟⲩⲉ ⲙⲙⲟⲥ ⲁⲩⲱ ⲙⲡⲣϩⲱⲛ ⲉϩⲟⲩⲛ ⲉⲛⲣⲟ ⲙⲡⲉⲥⲏⲓ</ab>
9ϫⲉ ⲛⲛⲉⲕϯ ⲙⲡⲉⲕⲱⲛϩ ⲛϩⲉⲛⲕⲟⲟⲩⲉ ⲁⲩⲱ ⲛⲅϯ ⲙⲡⲉⲕⲁϩⲉ ⲛϩⲉⲛⲁⲧⲛⲁ</ab>
10ϫⲉ ⲛⲛⲉϩⲉⲛⲕⲟⲩⲉ ⲥⲓ ⲛⲧⲉⲕϭⲟⲙ ⲛⲧⲉⲛⲉⲕϩⲓⲥⲉ ⲃⲱⲕ ⲉϩⲟⲩⲛ ⲉⲛⲏⲓ ⲛϩⲉⲛⲕⲟⲟⲩⲉ</ab>
11ⲙⲛⲛⲥⲱⲥ ⲛⲅⲣϩⲧⲏⲕ ϩⲛⲧⲉⲕⲙⲛⲧϩⲗⲗⲟ ⲉⲣϣⲁⲛⲛⲥⲁⲣⲝ ⲙⲡⲉⲕⲥⲱⲙⲁ ϩⲓⲧⲉ</ab>
12ⲙⲛⲛⲥⲱⲥ ⲛⲅϫⲟⲟⲥ ϫⲉ ⲉⲧⲃⲉⲟⲩ ⲅⲁⲣ ⲛⲉⲓⲟⲩⲁϣⲟⲩ ⲁⲛ ⲡⲉ ⲉⲩϯⲥⲃⲱ ⲛⲁⲓ ⲁⲩⲱ ⲁⲡⲁϩⲏⲧ ⲣⲓⲕⲉ ⲉⲃⲟⲗ ⲛⲛⲉϫⲡⲓⲟ</ab>
13ⲛⲅϫⲟⲟⲥ ⲇⲉ ϫⲉ ⲙⲡⲓⲥⲱⲧⲙ ⲉⲡⲉϩⲣⲟⲩ ⲙⲡⲉⲧϯⲥⲃⲱ ⲛⲁⲓ ⲁⲩⲱ ⲙⲡⲓⲣⲓⲕⲉ ⲙⲡⲁⲙⲁⲁϫⲉ</ab>
14ⲡⲁⲣⲁⲕⲉϣⲏⲙ ⲁⲓϣⲱⲡⲉ ϩⲙⲡⲉⲑⲟⲟⲩ ⲛⲓⲙ ⲛⲧⲙⲏⲧⲉ ⲛⲛⲓⲥⲟⲟⲩϩⲥ ⲙⲛⲛⲓⲙⲏⲏϣⲉ</ab>
15ⲥⲉⲙⲟⲟⲩ ⲉⲃⲟⲗ ϩⲛⲛⲉⲕⲁⲅⲅⲓⲟⲛ ⲁⲩⲱ ⲉⲃⲟⲗ ϩⲛⲛϣⲱⲧⲉ ⲛⲧⲉⲕⲡⲏⲅⲏ</ab>
16ⲙⲡⲣⲧⲣⲉⲛⲉⲕⲙⲟⲟⲩ ⲡⲱⲛ ⲉⲃⲟⲗ ⲡⲃⲟⲗ ⲛⲧⲉⲕⲡⲏⲅⲏ ⲙⲁⲣⲉⲛⲉⲕⲙⲟⲟⲩ ⲇⲉ ⲙⲟⲟϣⲉ ϩⲛⲛⲉⲕⲡⲗⲁⲧⲓⲁ</ab>
17ⲙⲁⲣⲉⲥϣⲱⲡⲉ ⲛⲁⲕ ⲟⲩⲁⲁⲕ ⲙⲡⲣⲧⲣⲉⲗⲁⲁⲩ ⲛϣⲙⲙⲟ ⲙⲉⲧⲉⲭⲉ ⲉⲣⲟⲥ ⲛⲙⲙⲁⲕ</ab>
18ⲙⲁⲣⲉⲧⲡⲏⲅⲏ ⲙⲡⲉⲕⲙⲟⲟⲩ ϣⲱⲡⲉ ⲛⲁⲕ ⲟⲩⲁⲁⲕ ⲁⲩⲱ ⲛⲅⲉⲩⲫⲣⲁⲛⲉ ⲙⲛⲧⲉⲕⲥϩⲓⲙⲉ ⲛⲧⲉⲕⲙⲛⲧϣⲏⲣⲉ ϣⲏⲙ</ab>
19ⲡⲉⲓⲟⲩⲗ ⲛⲧⲉⲕⲙⲛⲧϣⲃⲏⲣ ⲁⲩⲱ ⲡⲥⲏϭ ⲛⲛⲉⲕϩⲙⲟⲧ ⲙⲁⲣⲉϥϣⲁϫⲉ ⲛⲙⲙⲁⲕ ⲙⲁⲣⲉⲧⲉⲧⲉ ⲧⲱⲕ ⲧⲉ ϫⲓⲥⲉ ⲉⲣⲟⲕ ⲁⲩⲱ ⲛⲥⲟⲩⲁϩⲥ ⲛⲥⲱⲕ ⲛⲟⲩⲟⲉⲓϣ ⲛⲓⲙ ⲉⲕⲙⲟⲟϣⲉ ⲅⲁⲣ ϩⲛⲧⲙⲛⲧϣⲃⲏⲣ ⲛⲧⲁⲓ ⲕⲛⲁⲁϣⲁⲓ</ab>
20ⲙⲡⲣⲧⲁϣⲟⲕ ⲉⲣⲁⲧⲥ ⲛⲟⲩϣⲙⲙⲱ ⲟⲩⲇⲉ ⲙⲡⲣϯ ⲙⲡⲉⲕⲟⲩⲟⲓ ⲉⲛⲉϭⲃⲟⲓ ⲛⲧⲉⲧⲛⲧⲱⲕ ⲁⲛ ⲧⲉ</ab>
21ⲛⲉϩⲓⲟⲟⲩⲉ ⲅⲁⲣ ⲙⲡⲣⲱⲙⲉ ⲙⲡⲉⲙⲧⲟ ⲉⲃⲟⲗ ⲛⲛⲃⲁⲗ ⲙⲡⲛⲟⲩⲧⲉ ϥϭⲱϣⲧ ⲇⲉ ⲉϫⲛⲛⲉⲩϩⲓⲟⲟⲩⲉ ⲧⲏⲣⲟⲩ</ab>
22ⲙⲡⲁⲣⲁⲛⲟⲙⲓⲁ ϭⲱⲣϭ ⲉⲡⲣⲱⲙⲉ ⲉⲩϩⲱⲕ ⲇⲉ ⲙⲡⲟⲩⲁ ⲙⲡⲟⲩⲁ ϩⲛⲙⲙⲣⲣⲉ ⲛⲛⲉϥⲛⲟⲃⲉ</ab>
23ⲉⲣⲉⲡⲁⲓ ⲛⲁⲙⲟⲩ ⲙⲛⲛⲓⲙⲏⲏϣⲉ ⲉⲧⲃⲉⲧⲉϥⲙⲛⲧⲁⲧⲥⲃⲱ ⲁⲩⲛⲟϫϥ ⲇⲉ ⲉⲃⲟⲗ ϩⲙⲡⲁϣⲁⲓ ⲙⲡⲉϥⲟⲩⲛⲟϥ ⲁⲩⲱ ⲁϥⲧⲁⲕⲟ ⲉⲧⲃⲉⲧⲉϥⲙⲛⲧⲁⲑⲏⲧ</ab>