1ⲁⲩⲱ ⲡϣⲁϫⲉ ⲙⲡϫⲟⲉⲓⲥ ⲁϥϣⲱⲡⲉ ϣⲁ ⲓⲱⲛⲁⲥ ⲙⲡⲙⲉϩ ⲥⲉⲡ ⲥⲛⲁⲩ ⲉϥϫⲱ ⲙⲙⲟⲥ ⲛⲁϥ:</ab>
2ϫⲉ ⲧⲱⲟⲩⲛ ⲛⲅⲃⲱⲕ ⲉϩⲣⲁⲓ ⲉⲛⲓⲛⲉⲩⲏ ⲧⲛⲟϭ ⲙⲡⲟⲗⲉⲓⲥ ⲛⲅⲕⲏⲣⲩⲥⲥⲉ ⲛⲁⲥ ⲕⲁⲧⲁ ⲡⲕⲏⲣⲩⲅⲙⲁ ⲛϣⲟⲣⲡ ⲡⲁⲓ ⲉⲛⲧⲁⲓϫⲟⲟϥ ⲉⲣⲟⲕ:</ab>
3ⲁⲩⲱ ⲁϥⲧⲱⲟⲩⲛϥ ⲛϭⲓ ⲓⲱⲛⲁⲥ ⲁϥⲙⲟⲟϣⲉ ⲉϩⲣⲁⲓ ⲉⲛⲓⲛⲉⲩⲏ: ⲕⲁⲧⲁ ⲑⲉ ⲉⲛⲧⲁⲡϫⲟⲉⲓⲥ ϣⲁϫⲉ ⲛⲉⲙⲁϥ: ⲛⲓⲛⲉⲩⲏ ⲇⲉ ⲛⲉⲩⲛⲟϭ ⲙ ⲡⲟⲗⲉⲓⲥ ⲡⲉ ⲙⲡϫⲟⲉⲓⲥ ⲉⲥⲛⲁⲥⲟⲩϩⲓ ⲛⲛϣⲟⲙⲛⲧ ⲛϩⲟⲟⲩ ⲙⲙⲟⲟϣⲉ:</ab>
4ⲁⲩⲱ ⲁϥϫⲱⲛⲧϥ ⲓⲱⲛⲁⲥ ⲉⲃⲱⲕ ⲉϩⲟⲩⲛ ⲉⲧⲡⲟⲗⲉⲓⲥ ⲛϩⲟⲟⲩ ⲟⲩⲁ ⲙⲙⲟⲟϣⲉ ⲁⲩⲱ ⲁϥⲕⲏⲣⲩⲥⲥⲉ ⲉϥϫⲱ ⲙⲙⲟⲥ ϫⲉ ⲉⲧⲓ ϣⲟⲙⲛⲧ ⲛϩⲟⲟⲩ ⲁⲩⲱ ⲛⲓⲛⲉⲩⲏ ⲥⲉⲛⲁⲧⲁⲕⲟⲥ:</ab>
5ⲛⲣⲱⲙⲉ ⲛⲛⲓⲛⲉⲩⲏ ⲁⲩⲡⲓⲥⲧⲉⲩⲉ ⲉⲡⲛⲟⲩⲧⲉ ⲁⲩⲕⲏⲣⲩⲥⲥⲉ ⲛⲟⲩⲛⲏⲥⲧⲓⲁ ⲁⲩⲱ ⲁⲩϯ ϩⲓⲱⲱⲟⲩ ⲛϩⲉⲛϭⲟⲟⲩⲛⲉ ϫⲓⲛ ⲡⲉⲩⲛⲟϭ ϣⲁ ⲡⲉⲩⲕⲟⲩⲉⲓ:</ab>
6ⲁⲩⲱ ⲡϣⲁϫⲉ ⲁϥⲡⲱϩ ϣⲁ ⲡⲣⲣⲟ ⲛⲛⲓⲛⲉⲩⲏ ⲁⲩⲱ ⲁϥⲧⲱⲟⲩⲛ ⲉⲃⲟⲗ ϩⲓϫⲛ ⲡⲉϥⲑⲣⲟⲛⲟⲥ : ⲁϥⲕⲁⲁϥ ⲕⲁϩⲏⲟⲩ ⲛⲧⲉϥϩⲃⲥⲱ ⲁϥϭⲟⲟⲗⲉϥ ⲛⲟⲩϭⲟⲟⲩⲛⲉ ⲁϥϩⲙⲟⲟⲥ ϩⲓϫⲛ ⲟⲩⲕⲣⲙⲉⲥ:</ab>
7ⲁⲩⲱ ⲁⲩⲕⲏⲣⲩⲥⲥⲉ ϩⲛ ⲛⲓⲛⲉⲩⲏ: ⲉⲃⲟⲗ ϩⲓ ⲧⲟⲟⲧϥ ⲙⲡⲣⲣⲟ ⲙⲛ ⲛⲉϥⲙⲉⲅⲓⲥⲧⲁⲛⲟⲥ ⲛⲟⲩϣⲁϫⲉ ⲉϥϫⲱ ⲙⲙⲟⲥ ϫⲉ ⲛⲣⲱⲙⲉ ⲙⲛ ⲛⲧⲃⲛⲟⲟⲩⲉ ⲁⲩⲱ ⲛⲉϩⲟⲟⲩ ⲛⲙ ⲛⲉⲥⲟⲟⲩ ⲙⲛ ⲛⲉϩⲟⲟⲩ ⲙⲡⲣ ⲧⲣⲉⲩⲟⲩⲱⲙ ⲗⲁⲁⲩ ⲟⲩⲇⲉ ⲙⲡⲣ ⲧⲣⲉⲩⲙⲟⲟⲛⲉ ⲙⲙⲟⲟⲩ ⲁⲩⲱ ⲙ ⲡⲣ ⲧⲣⲉⲩⲥⲉ ⲙⲟⲟⲩ:</ab>
8ⲁⲩⲱ ⲁⲩϭⲟⲟⲗⲟⲩ ⲛϩⲉⲛϭⲟⲟⲩⲛⲉ ⲛϭⲓ ⲛⲣⲱⲙⲉ ⲙⲛ ⲛⲧⲃⲛⲟⲟⲩⲉ ⲁⲩⲱ ⲁⲩⲛⲏⲥⲧⲉⲩⲉ ⲁⲩⲱϣ ⲉⲃⲟⲗ ⲉⲙⲁⲧⲉ ⲉϩⲣⲁⲓ ⲉⲡϫⲟⲉⲓⲥ: ⲁⲩⲱ ⲁϥⲕⲧⲟϥ ⲛϭⲓ ⲡⲟⲩⲁ ⲡⲟⲩⲁ ⲉⲃⲟⲗ ϩⲛ ⲧⲉϥϩⲓⲏ ⲉⲑⲟⲟⲩ ⲛⲙ ⲡϫⲓ ⲛϭⲟⲛⲥ ⲉⲧⲟ ⲛⲛⲉⲩϭⲓϫ:</ab>
9ⲁⲩⲱ ⲡⲉϫⲁϥ ϫⲉ ⲛⲓⲙ ⲡⲉⲧⲛⲁϣⲁϫⲉ ϥⲛⲁⲣ ϩⲧⲏϥ ⲛϭⲓ ⲡⲛⲟⲩⲧⲉ ⲛϥ ⲕⲧⲟϥ ⲉⲃⲟⲗ ⲛⲧⲟⲣⲅⲏ ⲙⲡⲉϥϭⲱⲛⲧ ⲛⲧⲛⲧⲙⲙⲟⲩ:</ab>
10ⲁⲩⲱ ⲡⲛⲟⲩⲧⲉ ⲁⲩⲛⲁⲩ ⲉⲛⲉⲩϩⲃⲏⲟⲩⲉ ϫⲉ ⲁⲩⲕⲧⲟⲟⲩ ⲉⲃⲟⲗ ϩⲓ ⲛⲉⲩϩⲓⲟⲟⲩⲉ ⲉⲑⲟⲟⲩ ⲁⲩⲱ ⲁϥⲣ ϩⲧⲏϥ ⲛϭⲓ ⲡⲛⲟⲩⲧⲉ ⲉϫⲛ ⲙⲡⲉⲑⲟⲟⲩ ⲉⲛⲧⲁϥϣⲁϫⲉ ⲉⲁⲁⲩ ⲛⲁⲩ: ⲁⲩⲱ ⲙⲡϥⲁⲁⲩ:</ab>