1ⲁⲩⲱ ⲡϫⲟⲉⲓⲥ ⲁϥⲟⲩⲉϩⲥⲁϩⲛⲉ ⲛⲟⲩⲛⲟϭ ⲛⲕⲏⲧⲟⲥ ⲁϥⲱⲙⲕ ⲛⲓⲱⲛⲁⲥ: ⲁⲩⲱ ⲛⲉⲣⲉ ⲓⲱⲛⲁⲥ ⲛϩⲏⲧϥ ⲛⲕⲏⲧⲟⲥ ⲛϣⲟⲙⲛⲧ ⲛϩⲟⲟⲩ ⲙⲛ ϣⲟⲙⲧⲉ ⲛⲟⲩϣⲏ</ab>
2ⲁⲩⲱ ⲁϥϣⲗⲏⲗ ⲛϭⲓ ⲓⲱⲛⲁ ⲉⲡϫⲟⲉⲓⲥ ⲡⲉϥⲛⲟⲩⲧⲉ ⲉϥⲛϩⲏⲧϥ ⲙⲡⲕⲏⲧⲟⲥ</ab>
3ⲉϥϫⲱ ⲙⲙⲟⲥ ϫⲉ ⲁⲓϫⲓϣⲕⲁⲕ ⲉⲃⲟⲗ ϩⲛ ⲧⲁⲑⲗⲓⲯⲉⲓⲥ ⲉϩⲣⲁⲓ ⲉⲡϫⲟⲉⲓⲥ ⲡⲁⲛⲟⲩⲧⲉ: ⲁϥⲥⲱⲧⲙ ⲉⲣⲟⲉⲓ ⲁⲓⲱϣ ⲉⲃⲟⲗ ⲉⲓ ⲛϩⲏⲧϥ ⲛⲁⲙⲛⲧⲉ ⲁⲩⲱ ⲁⲕⲥⲱⲧⲙ ⲉⲡⲁϩⲣⲟ</ab>
4ⲟⲩ ⲁⲕⲛⲟϫⲧ ⲉϩⲣⲁⲓ ⲉⲛϣⲓⲕ ⲙⲫⲏⲧ ⲛⲑⲁⲗⲗⲁⲥⲥⲁ ⲁⲩⲱ ϩⲉⲛⲉⲓⲉⲣⲱⲟⲩ ⲁⲩⲕⲱⲧⲉ ⲉⲣⲟⲉⲓ ⲛⲉⲕϩⲟⲧⲉ ⲧⲏⲣⲟⲩ ⲙⲛ ⲛⲉⲕϩⲟⲉⲓⲙ ⲁⲩⲉⲓ ⲉϩⲣⲁⲓ ⲉϫⲱⲉⲓ</ab>
5ⲁⲛⲟⲕ ϩⲱ ⲁⲓϫⲱ ⲙⲙⲟⲥ ϫⲉ ⲁⲩⲛⲟϫⲧ ⲉⲃⲟⲗ ⲛⲛⲁϩⲣⲛ ⲡⲉⲕϩⲟ ⲁⲣⲁ ϯⲛⲁⲟⲩⲱϩ ⲉⲧⲟⲟⲧ ⲉϭⲱϣⲧ ⲉⲡⲉⲕⲣⲡⲉ ⲉⲧⲟⲩⲁⲁⲃ</ab>
6ⲁϩⲉⲛⲙⲱⲟⲩ ⲉⲓ ⲉϩⲟⲩⲛ ⲛⲁⲓ ϣⲁ ⲧⲁⲯⲩⲭⲏ ⲁⲡⲛⲟⲩⲛ ⲛϩⲁⲉ ⲕⲱⲧⲉ ⲉⲣⲟⲉⲓ: ⲟⲩϩⲩⲗⲟⲥ ⲁϥⲕⲱⲧⲉ ⲉⲧⲁⲁⲡⲉ</ab>
7ⲁⲓⲃⲱⲕ ⲉⲡⲉⲥⲏⲧ ⲉⲛⲟⲩⲱϣⲛ ⲛⲧⲟⲩⲉⲓⲏ ⲉⲡⲉⲥⲏⲧ ⲉⲩⲕⲁϩ ⲉⲣⲉⲛⲉϥⲙⲟⲭⲗⲟⲥ ⲁⲙⲁϩⲧⲉ ϣⲁ ⲉⲛⲉϩ ⲁⲩⲱ ⲕⲛⲁⲉⲓⲛⲉ ⲙⲙⲁ ⲛⲱⲛϩ ⲉϩⲣⲁⲓ ϩⲛ ⲡⲧⲁⲕⲟ ⲉϩⲣⲁⲓ ϣⲁⲣⲟⲕ ⲡϫⲟⲉⲓⲥ ⲡⲁⲛⲟⲩⲧⲉ</ab>
8ϩⲙ ⲡⲧⲣⲉ ⲧⲁⲯⲩⲭⲏ ϣⲱⲛⲉ ⲛⲧⲟⲟⲧ ⲁⲓⲣ ⲡⲙⲉⲉⲩⲉ ⲙⲡϫⲟⲉⲓⲥ ⲁⲩⲱ ⲙⲁⲣⲉⲡⲁϣⲗⲏⲗ ⲉⲓ ⲉϩⲣⲁⲓ ϣⲁⲣⲟⲕ ⲛⲛⲁϩⲣⲛ ⲡⲉⲕⲣⲡⲉ ⲉⲧⲟⲩⲁⲁⲃ</ab>
9ⲛⲉⲧϩⲁⲣⲉϩ ⲉⲙⲡⲉⲧϣⲟⲩⲉⲓⲧ ⲙⲛ ⲛϭⲟⲗ ⲁⲩⲕⲱ ⲛⲥⲱⲟⲩ ⲙⲡⲉⲩⲛⲁ</ab>
10ⲁⲛⲟⲕ ⲇⲉ ϩⲛ ⲟⲩϩⲣⲟⲟⲩ ⲛⲧⲱⲃϩ ϩⲓ ⲉⲝⲟⲙⲟⲗⲟⲅⲏⲥⲉⲓⲥ ϯⲛⲁϣⲱⲱⲧ ⲛⲁⲕ ⲛⲟⲩⲑⲩⲥⲓⲁ ⲛⲟⲩϫⲁⲓ ⲛⲉⲛⲧⲁⲓⲉⲣⲏⲧ ⲙⲙⲟⲟⲩ ϯⲛⲁⲧⲁⲁⲩ ⲛⲁⲕ ⲉⲡⲁⲟⲩϫⲁⲓ ⲡϫⲟⲉⲓⲥ</ab>
11ⲁⲩⲱ ⲁϥⲟⲩⲉϩⲥⲁϩⲛⲉ ⲙⲡⲕⲏⲧⲟⲥ ⲁϥⲛⲟⲩϫⲉ ⲛⲓⲱⲛⲁⲥ ⲉϫⲛ ⲡⲉⲧϣⲟⲩϣⲟⲩ</ab>