1ⲁⲩⲱ ⲁϥⲗⲩⲡⲉⲓ ⲛϭⲓ ⲓⲱⲛⲁⲥ ϩⲛ ⲟⲩⲛⲟϭ ⲛⲗⲩⲡⲉⲓ ⲁⲩⲱ ⲁϥⲙⲕⲁϩ ⲛϩⲏⲧ:</ab>
2ⲁϥϣⲗⲏⲗ ⲉϩⲣⲁⲓ ⲉⲡϫⲟⲉⲓⲥ ⲉϥϫⲱ ⲙⲙⲟⲥ ϫⲉ ⲱ ⲡϫⲟⲉⲓⲥ ⲙⲏ ⲛⲛⲁⲓ ⲁⲛ ⲛⲉ ⲛϣⲁϫⲉ ⲉⲧⲓ ⲉⲓϣⲟⲟⲡ ϩⲙ ⲡⲕⲁϩ ⲉⲧⲃⲉ ⲡⲁⲓ ⲁⲓⲣ ϣⲟⲣⲡ ⲉⲡⲱⲧ ⲉϩⲣⲁⲓ ⲉⲑⲁⲣⲥⲉⲓⲥ: ⲉⲃⲟⲗ ϫⲉ ⲁⲓⲉⲓⲙⲉ ϫⲉ ⲛⲧⲕ ⲟⲩⲛⲁⲏⲧ ⲛⲧⲟⲕ ⲁⲩⲱ ⲛⲧⲕ ⲟⲩϣⲁⲛϩⲧⲏϥ: ⲛⲧⲕ ⲟⲩϩⲁⲣϣ ϩⲏⲧ ⲉⲛⲁϣⲉ ⲡⲉⲕⲛⲁ: ⲉⲕⲉⲓⲣⲉ ⲛϩⲧⲏⲕ ⲉϫⲛ ⲛⲕⲁϭⲓⲁ:</ab>
3ⲧⲉⲛⲟⲩ ϭⲉ ⲡϫⲟⲉⲓⲥ ϫⲓ ⲧⲁⲯⲩⲭⲏ ⲛⲧⲟⲟⲧ ⲉⲃⲟⲗ ϫⲉ ⲛⲁⲛⲟⲩⲥ ⲛⲁⲓ ⲉⲙⲟⲩ ⲉϩⲟⲩⲉ ⲱⲛϩ:</ab>
4ⲁⲩⲱ ⲡⲉϫⲉ ⲡϫⲟⲉⲓⲥ ⲛⲓⲱⲛⲁ ϫⲉ ⲉⲛⲉ ⲁⲕⲙⲕⲁϩ ⲛϩⲏⲧ ⲛⲧⲟⲕ ⲉⲙⲁⲧⲉ:</ab>
5ⲁⲩⲱ ⲓⲱⲛⲁⲥ ⲁϥⲣ ⲡⲃⲟⲗ ⲛⲧⲡⲟⲗⲉⲓⲥ ⲁϥϩⲙⲟⲟⲥ ⲙⲡⲉⲙⲧⲟ ⲉⲃⲟⲗ ⲛⲧⲡⲟⲗⲉⲓⲥ ⲁⲩⲱ ⲁϥⲧⲁⲙⲓⲟ ⲛⲁϥ ⲙⲡⲙⲁ ⲉⲧⲙⲙⲁⲩ ⲛⲟⲩⲥⲕⲏⲛⲏ: ⲁϥϩⲙⲟⲟⲥ ϩⲁⲣⲟⲥ ⲉϥϫⲓ ϩⲁⲓⲃⲉⲥ ϩⲁⲣⲟⲥ ϣⲁⲛⲧϥⲛⲁⲩ ϫⲉ ⲟⲩ ⲡⲉⲧⲛⲁϣⲱⲡⲉ ϩⲛ ⲧⲡⲟⲗⲉⲓⲥ:</ab>
6ⲁⲩⲱ ⲡϫⲟⲉⲓⲥ ⲁϥⲟⲩⲉϩⲥⲁϩⲛⲉ ⲛⲟⲩⲃⲛⲧ ⲛⲉϭⲗⲟϭ ⲁⲩⲱ ⲁϥϯⲟⲩⲱ ⲉϫⲛ ⲓⲱⲛⲁ: ⲉⲧⲣⲉϥⲣ ϩⲁⲓⲃⲉⲥ ⲉϫⲱϥ ⲉⲃⲟⲗ ϩⲙ ⲛⲉϥϩⲓⲥⲉ: ⲁⲩⲱ ⲁϥⲣⲁϣⲉ ⲛϭⲓ ⲓⲱⲛⲁⲥ ϩⲛ ⲟⲩⲛⲟϭ ⲛⲣⲁϣⲉ ⲉϫⲛ ⲡⲃⲛⲧ ⲛⲉϭⲗⲟϭ:</ab>
7ⲁⲩⲱ ⲡⲛⲟⲩⲧⲉ ⲁϥⲟⲩⲉϩⲥⲁϩⲛⲉ ⲛⲟⲩϥⲛⲧ ⲙⲡⲛⲁⲩ ⲛϩⲧⲟⲟⲩⲉ ⲙⲡⲉϥⲣⲁⲥⲧⲉ ⲁϥⲟⲩϩⲧⲙ ⲡⲃⲛⲧ ⲛⲉϭⲗⲟϭ ⲁϥϣⲟⲟⲩⲉ:</ab>
8ⲁⲩⲱ ⲁⲥϣⲱⲡⲉ ⲉⲣⲉⲡⲣⲏ ⲛⲁϣⲁ ⲡⲛⲟⲩⲧⲉ ⲁϥⲟⲩⲉϩⲥⲁϩⲛⲉ ⲛⲟⲩⲧⲏⲩ ⲉϥⲣⲟⲕϩ ⲁⲩⲱ . . ⲣⲟⲟⲃ: ⲁⲩⲱ ⲁⲡⲣⲏ ϩⲓⲟⲩⲉ ⲉⲧⲁⲡⲉ ⲛⲓⲱⲛⲁ ⲁϥϣⲱⲥⲙ ⲛϩⲏⲧ ⲁⲩⲱ ⲁϥⲕⲁ ⲧⲟⲟⲧϥ ⲉⲃⲟⲗ ⲡⲉϫⲁϥ ϫⲉ ⲛⲁⲛⲟⲩⲥ ⲛⲁⲓ ⲉⲙⲟⲩ ⲉϩⲟⲩⲉ ⲱⲛϩ:</ab>
9ⲁⲩⲱ ⲡⲉϫⲉ ⲡϫⲟⲉⲓⲥ ⲡⲛⲟⲩⲧⲉ ⲛⲓⲱⲛⲁ ϫⲉ ⲉⲛⲉ ⲁⲕⲙⲕⲁϩ ⲛϩⲏⲧ ⲛⲧⲟⲕ ⲉⲙⲁⲧⲉ ⲉϫⲛ ⲡⲃⲛⲧ ⲛⲉϭⲗⲟϭ: ⲁⲩⲱ ⲡⲉϫⲁϥ ϫⲉ ⲁⲓⲙⲕⲁϩ ⲛϩⲏⲧ ⲉⲙⲁⲧⲉ ⲁⲛⲟⲕ ϣⲁ ϩⲣⲁⲓ ⲉⲡⲙⲟⲩ:</ab>
10ⲡⲉϫⲉ ⲡϫⲟⲉⲓⲥ ⲛⲁϥ ϫⲉ ⲛⲧⲟⲕ ⲁⲕϣⲛϩⲧⲏⲕ ⲉϫⲛ ⲡⲃⲛⲧ ⲛⲉϭⲗⲟϭ ⲉⲙⲡⲕϣⲡ ϩⲓⲥⲉ ⲉϫⲱϥ ⲟⲩⲇⲉ ⲙⲡⲕⲥⲁⲛⲟⲩϣϥ: ⲛⲧⲁϥϯⲟⲩⲱ ϩⲛ ⲟⲩⲟⲩϣϥ: ⲁϥⲙⲟⲩ ⲟⲛ ϩⲛ ⲟⲩϣⲏ:</ab>
11ⲁⲛⲟⲕ ϭⲉ ⲛⲛⲁϯ ⲥⲟ ⲉⲧⲛⲓⲛⲉⲩⲏ ⲧⲛⲟϭ ⲙⲡⲟⲗⲉⲓⲥ ⲉⲩⲛϩⲏⲧⲥ ⲛϭⲓ ⲁϩⲟⲩⲟ ⲉⲙⲛⲧⲥⲛⲟⲟⲩⲥ ⲛⲧⲃⲁ ⲛⲣⲱⲙⲉ: ⲛⲁⲓ ⲉⲧⲉ ⲙⲡⲟⲩⲥⲟⲩⲛ ⲧⲉⲩⲟⲩⲛⲁⲙ: ⲙⲛ ⲧⲉⲩϩⲃⲟⲩⲣ ⲙⲛ ϩⲉⲛⲧⲃⲛⲟⲟⲩⲉ ⲉⲛⲁϣⲱⲟⲩ:</ab>