Yesaia 38

¹Saa nna no mu no, Hesekia yaree owuyare, na Amos babarima Odiyifo Yesaia kɔɔ ne nkyɛn kɔkae se, “Sɛnea Awurade se ni: Toto wʼakwan yiye, efisɛ worebewu; na wo ho renyɛ wo den bio.”

²Bere a Hesekia tee asɛm yi, otwaa nʼani hwɛɛ ɔfasu, bɔɔ Awurade mpae se,

³“Kae, Awurade, sɛnea manantew wʼanim nokware mu na mede me koma ayɛ nea ɛfata wɔ wʼanim.” Na Hesekia suu bebree.

⁴Na saa asɛm yi fii Awurade nkyɛn kɔɔ Yesaia hɔ se,

⁵“San kɔ Hesekia nkyɛn, na kɔka kyerɛ no se, ‘Sɛɛ na Awurade, wʼagya Dawid Nyankopɔn, ka: Mate wo mpaebɔ no, na mahu wo nisu. Mede mfe dunum bɛka wo nkwanna ho.

⁶Na megye wo ne kuropɔn yi afi Asiriahene nsam. Mɛbɔ kuropɔn yi ho ban.

⁷“ ‘Na eyi ne nsɛnkyerɛnne a Awurade bɛyɛ de adi ho adanse sɛ, obedi ne bɔhyɛ so:

⁸Mɛma owia ano sunsuma atwe akɔ nʼakyi anammɔn du wɔ Ahas antweri so.’ ” Ɛno nti, owiahyerɛn no kɔɔ nʼakyi anammɔn du.

⁹Nea Yudahene Hesekia kyerɛw wɔ ne yare ne nʼayaresa akyi ni:

¹⁰Mekae se, “Mʼasetena mu nnapa yi mu

¹¹Mekae se, “Merenhu Awurade Nyankopɔn bio

¹²Wɔadwiriw me fi agu agye afi me nsam,

¹³Mede ntoboase twɛn kosii ahemadakye,

¹⁴Misuu sɛ asomfena anaa asukɔnkɔn;

¹⁵Na dɛn na metumi aka?

¹⁶Awurade, ɛnam saa nneɛma yi so na nnipa nya nkwa

¹⁷Yiw, ɛyɛ me yiyeyɛ nti

¹⁸Ɔda rentumi nkamfo wo;

¹⁹Ateasefo nko na wobetumi akamfo wo,

²⁰Awurade begye me nkwa,

²¹Na Yesaia kae se, “Momfa borɔdɔma nyɛ nku mfa nsra pɔmpɔ no so, na ne ho bɛtɔ no.”

²²Na Hesekia bisae se, “Dɛn nsɛnkyerɛnne na ɛbɛda no adi sɛ, mɛkɔ Awurade asɔredan mu?”