1Ti ʋaani ga GALA ná-minazeɠe kesui, ti da seɠe ɠotai wu, nii Davide toni bɛ. Ti gala zalaɠaiti ta ziilɛi zalaɠaiti kulani GALA bɛ.
2Davide ɓegai ma ga zalaɠai naati kula, é tuya looni nuɓusɛiti bɛ Ɠɔoɠɔ GALAGI laaseigi zu.
3É zɛba é daamianigi ɠaaɠwɛ Izilayɛle nuiti pɛ ba, zunuiti ta anzanuiti, ɛsɛ gilagilagi ɓulu ɠilagila sɔlɔɔni, ta sua mɔgai, é ʋɛɛ leezɛn vɔɔi ma ɓuun gilagila ba.
4É Levi nui tanigaa zeɠeni, naati ta-wotii ɠɛni ga ti yɛ Ɠɔoɠɔ GALAGI ná-minazeɠe kesui ɠoba, ti ɗa wooɠula Ɠɔoɠɔ GALAGI ma, Izilayɛle ná-GALAGI, ti ɗa guyeiti too bɛ, ti ɗa maamusɛ.
5Naama nuiti ti ɠɛni ga: Azafe naa ɠa é ɠɛni ga ta-ɠundiɠii, ná-seikobai ɠɛ ga Zakali, naa ʋolu geleiti ti ɠɛ ga Yeiyɛle, Semilamɔte, Yeɠiyɛle, Matitia, Eliyaɓe, Ɓenaya, Woɓɛde-Edɔme ta Yeiyɛle. Gɛingɛin ganiiti ti ɠɛni ti ya: papaiti ta kɔnigiti. Azafe ɠɛni kɔtɛgiti gɛinsu.
6Zalaɠa ɠula nu felegɔiti, Ɓenaya ta Yaɠaziyɛle, naati ti ɠɛni puʋugi vɛɛzu siɛgi pɛ su Ɠɔoɠɔ GALAGI ná-minazeɠe kesui ɠakalaʋɛ.
7Ma mɔun ge ɠɛni ga naa, ga Davide yeelo Azafe ta ná-pɛlɛyeɠei wu nuiti ba, ga ti ɗa maamusɛ wuyei loo Ɠɔoɠɔ GALAGI ʋɛ.
8À Ɠɔoɠɔ GALAGI maamusɛ, wo wooɠula, wo dɛɛ ga toɠa ga GALA,
9À guyei loo tɔun bɛ, wo maamusɛ ga gɛingɛin ganigiti!
10À ɓɔɠɔ maamusɛ ga GALA daasei ɲadegai!
11À Ɠɔoɠɔ GALAGI ɠaiziɛ ta ná-zɛbɛi,
12À ɠizɛ kɛɛwoti maayikiaiti su, é ti ɠɛɛni,
13wɔiti wo ga ná-botiɠɛ nui Izilayɛle mavofodaiti,
14Ada-ƓALAGI ɠa ga Ɠɔoɠɔ GALAGI,
15À ɠizɛ ná-minazeɠegi zu yeenɔpɛ,
16minazeɠegi é boni Abalaame ʋɛ,
17É kɛ ga devei Zakɔɓe ʋɛ,
18É ɠɛni ma:
19Wo lɔini gola,
20ti ɠɛni leʋeteʋesu, ziiti pɔ bɛti,
21Kɛlɛ GALA ge la ɠɛni ti yɛni na, nu nɔpɛ ge ʋa ti maanɔɠɔ,
22É ɠɛni ti ma:
23Eteai zu nuɓusɛiti kpein, à guyei loo Ɠɔoɠɔ GALAGI ʋɛ!
24À ná-lɛbiyai ɠula kɛlɛma ziiti saama,
25Mazɔlɔɔ Ɠɔoɠɔ GALAGI wɔɔlɔʋɛ, tɔ ɠa maamusɛi kpein soloogai ma,
26Mazɔlɔɔ nuɓusɛiti ta-ɠalagiti pɛ ta ga zɛɛ ɠalagiti,
27Toɠa volozu ná-bɔɔlɔi ta ná-maayikii zu,
28Nuɓusɛiti kpein zooi ɠa, à Ɠɔoɠɔ GALAGI maamusɛ,
29À lɛbiyai ve Ɠɔoɠɔ GALAGI laasei golai ʋɛ!
30Eteai zu nuɓusɛiti kpein, à ɓali gaazu.
31Geeɠɔlɔgiti ti ɠoozunɛ, eteai ɠɛ koozunɛ wolai zu,
32Kpoloɗɛi zikɔ, ta bu aniiti kpein.
33Dɔɓɔzu wuluiti kpein ti wooɠula ga koozunɛɛi Ɠɔoɠɔ GALAGI ɠaazu.
34À Ɠɔoɠɔ GALAGI maamusɛ, mazɔlɔɔ pagɛ,
35À ɠɛ ma: «Ee, GALAGI, gi Ɠizo Nui, gi ɠizo!
36Mamagi ɠa Ɠɔoɠɔ GALAGI ʋɛ,
37Davide Azafe ta kɛɛɠɛlointi zɛni Ɠɔoɠɔ GALAGI ná-minazeɠe kesui ɠoba, ti ɗa ta-wotii ɠɛ miná yeenɔpɛ, eɠɛʋelei deveai la folo ɠilagilagi vaa ma.
38Siɠida makɛ nuiti é yeeloni ti ʋa, naati ti ɠɛni ga niiti: Yedutun ná-doun zunui Woɓɛde-Edɔme, naa ʋɛɛ Woza ʋa, ta ti-ɠɛɛlointi nu ʋuulɔzita maazu lɔsaʋa (68).
39É devei veeni zalaɠa ɠula nui Sadɔke ya ta zalaɠa ɠula nui zɔiti, ga ti ɗa ta-wotii ɠɛ Ɠɔoɠɔ GALAGI ná-seɠe ʋɛlɛ ɲadegai ɠakalaʋɛ, nii é zalaɠa ɠula adaʋɛ ma Gaɓaɠɔn,
40nii a kɛ ti ɗa gala zalaɠai ɠula folo ʋɛɛ kpɔkɔ ʋa Ɠɔoɠɔ GALAGI ʋɛ zalaɠa ɠulazuʋɛ maazu, eɠɛʋelei sɛʋɛai la Ɠɔoɠɔ GALAGI ná-tɔgi zu, nii é feeni Izilayɛle ya.
41Zɔiti ti ɠɛni ti ɠoba, naati ti ɠɛni ga niiti: Ɠeman ta Yedutun, naa ʋɛɛ zɔiti ba, niiti ziimazeɠegi woni ga tiye, ti yeelo ti ʋa ga ti ɗa Ɠɔoɠɔ GALAGI maamusɛ, mazɔlɔɔ ná-wooɠɛɠiladai ɠa yɛsu ná ɠɔ.
42Ɠeman ta Yedutun tɔnɔ ma wotii ɠɛni ga ti ɗa puʋugi vɛ, naa ʋɛɛ kɔtɛgi ɠɛin fai ʋa, ta gɛingɛin gani zɔiti niiti ti maanɛɛni ga ti ɗa ɠɛ guyei wu GALA dɛbi vai ma. Yedutun ná-doun zunuiti ta wotii ɠɛni ga ti ɗa wɛlɛ siɠidaʋɛti ma.
43Naa ʋoluma, nuɓusɛiti pɛ ti ɠaleni ma ta-ɠoizuʋɛti. Davide ɓalaa ge ɠaleni ma ná-koizu ga é tuya loo ná-pɛlɛyeɠei ʋɛ.