1عٍتَنِ عٍسِرَكَ شَ لْننِ بّيتِ
2ﭑ بّيتِ بَمَ ﭑ مَرِفِ شَ دُفُتّفّحَ شَ قٍ رَ.
3«عِ شَ دُفُتّفّحَ مَبَنبَنشِ كٌورٍ مَ عَبَدَن.
4«ﭑ بَرَ سَاتّ شِرِ ﭑ نُن ﭑ مَ مِشِ سُفَندِشِ رَ،
5‹ﭑ عِ بْنسْي رَ سَبَتِمَ نّ عَبَدَن،
6ﭑ مَرِفِ، نَشٍيٍ نَ كٌورٍ مَ عٍ عِ مَتْشْمَ،
7ندٍ نَ كٌورٍ مَ نَشَن مَنِيَمَ مَرِفِ عَلَ رَ؟
8عَلَ مَفَاشُ عَ شَ سّنِيّنتْييٍ شَ مَلَنيِ،
9مَرِفِ عَلَ، ندٍ سّنبّ فبٌ عَلْ عِ تَن مَنفّ عَلَ؟
10عِ تَن نَن بَا يَمَرِ مَ،
11عِ تَن نَن نْ مِسِرَ رَ، عِ عَ سْنتْ.
12عِ تَن نَن فبٍ كٌورٍ رَ، عِ تَن نَن فبٍ بْشِ رَ.
13سٍ نَشَن نَ كْولَ مَ، سٍ نَشَن نَ يِرٍقَنيِ مَ،
14عِ سّنبّ فبٌ.
15تِنشِنيِ نُن نْندِ نَن نَ عِ شَ كِبَنيِ سَنبُنيِ رَ،
16مَرِفِ، سّيوّ نَ حَمَ بّ نَشَن عِ شِلِ مَتْشْمَ،
17عٍ سّيوَ مَ عِ شِلِ شَ قٍ رَ،
18عِ تَن نَن قِندِشِ عٍ شَ نَءِيَلَنيِ نُن عٍ سّنبّ رَ.
19مُشُ مَرِفِ نَن نَ مُشُ كَنتَمَ نُن مُشُ شَ مَنفّ رَ،
20عِ وْيّن نّ عِ شَ حَمَ بّ لَامَتُنيِ رَ، عَ قَلَقٍ رَ،
21ﭑ بَرَ ﭑ مَ كٌنيِ دَوُدَ تٌ،
22ﭑ نَ ﭑ بّلّشّ رَ سٌمَ عَ بُن مَ،
23عَ يَشُي مُ عَ تّرّننَمَ،
24ﭑ عَ يَشُييٍ عِبُتُشُنمَ نّ،
25ﭑ شَنُنتٍيَ نُن ﭑ مَ دُفُتّفّحَ لُمَ نّ عَ مَ،
26بَايٍ نُن شُرٍيٍ بِرِن سَمَ نّ عَ شَ مَنفّيَ بُن مَ.
27عَ عَ قَلَمَ نّ ﭑ بّ،
28ﭑ عَ قِندِ مَ نّ ﭑ مَ دِ سِنفٍ رَ،
29ﭑ نَ ﭑ مَ دُفُتّفّحَ مَبَنبَنمَ نّ عَ بّ،
30ﭑ عَ بْنسْي رَ سَبَتِمَ نّ،
31عَ شَ دِيٍ نَ ﭑ مَ سّرِيّ رَبٌلٌ،
32عٍ ﭑ شُي مَتَندِ، عٍ مُ ﭑ وَشْنقٍ سُشُ،
33ﭑ عٍ بْنبْمَ لُشُسِنيِ نَن نَ،
34كْنْ ﭑ مُ ﭑ مَ دُفُتّفّحَ بَمَ عَ مَ.
35ﭑ مُ ﭑ مَ سَاتّ كَنَمَ،
36ﭑ نَ ﭑ كَلِشِ ﭑ مَ سّنِيّنيِ رَ،
37عَ بْنسْي كِسِمَ نّ عَبَدَن،
38عَ رَ سَبَتِمَ نّ عَلْ كِكٍ،
39كْنْ عِ تَن بَرَ عِ شَ مِشِ سُفَندِشِ مَكُيَ عِ رَ،
40عِ بَرَ عِ شَ سَاتّ كَنَ عِ شَ كٌنيِ بّ،
41عِ بَرَ عَ شَ تّتّ بْو، عِ بَرَ عَ مَكَنتَدٍ كَنَ.
42مِشِ نَشٍيٍ دَنفِمَ، عٍ هَرِفٍ بَمَ نَا.
43عِ بَرَ عَ يَشُييٍ سّنبّ سٌ، هَن عٍ بَرَ سّيوَ.
44عِ مُ عَ شَ سَنتِدّفّمَ وَلِ رَ سْونّيَ،
45عِ بَرَ عَ شَ قٍ رَشُبٍن،
46عِ بَرَ ندٍ بَ عَ شَ قٌنِكٍيَ رَ،
47عَلَتَلَ، عِ عِ نْشُنمَ ﭑ مَ هَن مُن تّمُي؟
48عِ شَ رَتُ عَ مَ ﭑ مَ سِمَيَ دُنكٍ كِ نَشّ.
49ندٍ بَلٌشِ نَشَن مُ قَشَمَ؟
50ﭑ مَرِفِ، عِ شَ دُفُتّفّحَ سِنفٍ نَ مِندٍن،
51ﭑ مَرِفِ، عِ شَ عِ حْشْ سَ عِ شَ كٌنيِيٍ شَ يَافِ شْن مَ.
52ﭑ مَرِفِ، عِ شَ عِ رَتُ عَ مَ عِ يَشُييٍ ﭑ مَبٍرٍ مَ كِ نَشّ،
53تَنتُي نَ مَرِفِ بّ عَبَدَن. عَمِنَ. عَمِنَ.