1كٌرَ شَ دِيٍ شَ بّيتِ بّيتِبَيٍ شَ مَنفّ بّ. عَ شَ بَ شُلٍ رَ. هٍمَن عٍسِرَكَ شَ لْننِ بّيتِ.
2مَرِفِ، ﭑ نَكِسِمَ عَلَ،
3عِ شَ ﭑ مَ مَشَندِ سُشُ،
4ﭑ بَرَ تْورْ ﭑ مَ دُنِحّءِفِرِ كُي،
5ﭑ نَ مِشِيٍ يَ مَ نَشٍيٍ نَ سَيَ كِرَ شْن مَ.
6عَ لُشِ نّ عَلْ ﭑ حَن سَشِ قُرٍيٍ تَفِ فَبُرِ كُي،
7عِ بَرَ ﭑ نَ سٌ يِلِ تِلِنشِ كُي دِ مِ شْورَ.
8عِ شَ شْنّ بَرَ دُتُن ﭑ مَ،
9عِ بَرَ ﭑ دّقَنبٌورٍيٍ مَكُيَ ﭑ نَ،
10ﭑ مَرِفِ، ﭑ عِ شِلِمَ لْشْ يٌ لْشْ يَيٍ رَ،
11عِ كَابَنَكٌي رَبَمَ مِشِ قَشَشِيٍ نَن بّ؟
12عِ شَ دُفُتّفّحَ شَ قٍ قَلَمَ فَبُرِ كُي؟
13عِ شَ كَابَنَكٌ تٌمَ عَلِفِيَمَ؟
14ﭑ مَرِفِ، ﭑ تَن عِ شِلِمَ،
15مَرِفِ، عِ تٌندِ مَ ﭑ بّ مُنقٍ رَ؟
16ﭑ نَ تْورّ كُي كَبِ ﭑ دِ مّدِ تّمُي.
17عِ شَ شْنّ سّنبّ بَرَ دَنفِ عَ عِ،
18عٍ ﭑ نَبِلِنشِ عَلْ بَنبَرَنيِ،
19عِ بَرَ ﭑ شَنُنتٍنيِيٍ بِرِن مَكُيَ ﭑ نَ،