1دَوُدَ شَ بّيتِ بّيتِبَيٍ شَ مَنفّ بّ. عَ شَ بَ عَلْ بّيتِ نَشَن شِلِ، «قُفٍ تٌقَنيِيٍ.»
2عَلَ، ﭑ نَكِسِ!
3ﭑ نَ بِرِقٍ بٌورَ تِلِنشِ كُي،
4ﭑ بَرَ عِ شِلِ هَن ﭑ بَرَ تَفَن،
5ﭑ شْنمِشِيٍ بَرَ وُيَ دَنفِ ﭑ شُنسّشّ رَ.
6عَلَ، عِ ﭑ مَ تَنتَنيِ كٌلٌن،
7مَنفّ عَلَتَلَ، عِ نَشَ عَ لُ
8عٍ ﭑ كٌنبِمَ عِ تَن نَن مَ قٍ رَ.
9ﭑ شُنيَيٍ مُ ﭑ كٌلٌن سْنْن،
10ﭑ وَ مَ عِ وَشْنقٍ رَبَقٍ.
11ﭑ وَ مَ، ﭑ سُنمَ.
12ﭑ سُننُن دٌنمَ رَفٌرٌ مَ ﭑ مَ، عٍ ﭑ مَيٍلٍمَ.
13نَشٍيٍ دْشْشِ تَا سٌدٍ دّ رَ، نٍيٍ ﭑ مَقَلَمَ،
14كْنْ عَلَتَلَ، ﭑ بَرَ عِ مَشَندِ.
15ﭑ نَكِسِ عَلَكٌ ﭑ نَشَ بِرِ بٌورَ شْورَ،
16عِ نَشَ تِن ﭑ شَ مَدُلَ، يٍ نَشَ ﭑ نَلْي،
17عَلَتَلَ، ﭑ شُي رَتِن،
18عِ نَشَ عِ نْشُن عِ شَ كٌنيِ مَ.
19عِ شَ عِ مَكْرّ ﭑ نَ،
20عِ بَرَ ﭑ مَ تْورّ نُن ﭑ مَ يَافِ كٌلٌن،
21كٌنبِ بَرَ ﭑ بْحّ كَنَ هَن ﭑ بَرَ قُرَ.
22عٍ ثْسْنّ سَمَ ﭑ مَ دٌنسٍ،
23عٍ شَ تٍيبِلِ شَ قِندِ فَنتَنيِ رَ عٍ بّ،
24عٍ يَ شَ عِقْورْ، عٍ شَ دْنشُ.
25عِ شَ شْنْ عٍ مَ، عٍ شَ نَ تّ كٌلٌن.
26عٍ شَ فْورّ شَ حْن،
27بَرِ مَ عٍ تْورْ مِشِيٍ شَ تْورّ شُن مَسَمَ،
28عِ شَ عٍ شَ يُنُبِ بِرِن تٌ،
29عٍ شِلِيٍ شَ بَ سِمَيَ سّبّلِ كُي،
30ﭑ تَن نَ تْورْقٍ يِ تّمُي،
31ﭑ قَمَ عَلَ شِلِ مَتْشْدٍ بّيتِ رَ،
32نَ رَقَن عَلَتَلَ مَ دَنفِقٍ سّرّشّ رَ،
33تْورْ مِشِيٍ سّيوَ مَ نّ نَ تٌقٍ رَ.
34عَلَتَلَ عَ تُلِ مَتِمَ سٍتَرٍيٍ رَ،
35كٌورٍ نُن بْشِ شَ عَ مَتْشْ،
36عَلَ قَمَ سِيٌنِ رَكِسِدٍ،
37نَ قِندِ مَ عَ شَ كٌنيِيٍ شَ مَمَدِيٍ كّ نَن نَ.