1دَوُدَ شَ بّيتِ بّيتِبَيٍ شَ مَنفّ بّ
2عَلَ شَ كٍلِ، عَ يَشُييٍ شَ يٍنسٍن يّ.
3عِ عِ يَشُييٍ رَلْيمَ نّ
4كْنْ مِشِ تِنشِنشِ حّلّشِنمَ نّ،
5وٌن شَ بّيتِ بَ عَلَ بّ، وٌن شَ عَ شِلِ مَتْشْ بّيتِ رَ.
6عَلَ، مِسِكِينّ بَبَ نَن عَ رَ.
7عَلَ دٍنبَيَ قِمَ دٍنبَيَتَرٍ مَ،
8عَلَ، عِ نُ نَ عِ شَ حَمَ يَ رَ وُلَ عِ تّمُي نَشّ،
9بْشِ بِرِن نُ سّرّنمَ نّ.
10عَلَ نُ تُنّ يٍ رَفٌرٌ مَ بْشِ مَ،
11عِ بَرَ عِ شَ حَمَ رَ سَبَتِ نَا.
12مَرِفِ مَسٍنيِ قَنيِ سٌمَ عَ شَ شّيرَيٍ يِ رَ.
13«فٍرٍ سٌي مَنفّيٍ نَ عٍ فِقٍ،
14وٌ قَمَ وٌ مَلَبُدٍ وٌ شَ شُرُ سٍيٍ قّ مَ.
15عَلَ شِلِ شُنفبٍ كَنيِ بَرَ مَنفّيٍ رَيٍنسٍن
16بَسَن فٍيَ، عَلَ نَشَن دَاشِ، كٌندٍ وُيَشِ نَشَن بّ،
17وٌ نَ عَلَ شَ فٍيَ سُفَندِشِ مَتٌقٍ تْونّ رَ مُنقٍ رَ،
18عَلَتَلَ شَ فٍرٍ سٌي شَ فِسٍيٍ وُيَ دَنفِ وُلُ قُ رَ.
19ﭑ مَرِفِ عَلَتَلَ، عِ بَرَ تٍ كٌورٍ مَ.
20تَنتُي نَ عِ بّ لْشْي بِرِن،
21وٌن مَرِفِ عَلَتَلَ وٌن نَكٍلِمَ نّ قَشّ مَ.
22عَلَ عَ يَشُييٍ شُنيِ كَنَمَ نّ.
23مَرِفِ نَشّ، «ﭑ قَمَ نّ عٍ رَ كٍلِقٍ بَسَن،
24عَلَكٌ وٌ شَ قَ عٍ وُلِ تٌ وٌ سَنلَابٍ رَ.
25عَلَ، مُشُ بَرَ عِ تٌ قَ رَ حَمَ يَ مَ.
26بّيتِبَيٍ نَ يَرٍ، كْرَ بْنبْييٍ نَ عٍ قْشْ رَ،
27وٌ شَ عَلَ تَنتُ مَلَنيِيٍ،
28بُنيَمِن نَن يَ،
29عَلَ، عِ شَ مَسٍنيِ تِ سّنبّ رَ.
30عِ شَ بَنشِ نَ دَرِ سَلَمُ.
31عِ شَ شَاحّ مِسِرَ مَ،
32مِسِرَ شّيرَيٍ، عَ نُن كُسِ شّيرَيٍ، شَ قَ دُوتِ رَ عَلَ بّ.
33مَنفّ نَشٍيٍ بِرِن نَ دُنِحَ، نُن عَ رَبِلِنيِ،
34نَشَن حّرّ مَ نُشُي قَرِ كٌورٍ مَ كَبِ عَ رَكُيَ،
35وٌ شَ عَ كٌلٌن، عَلَ سّنبّ فبٌ.
36عَلَ، عِ نَ عِ شَ هْرْ مْلِنفِرَ كُي.