1يَكٍ شَ دِ عَفُرُ شَ مَسٍنيِ نَن يَ عَ نَشَن مَسٍنشِ عِتِيّلِ نُن عُكَلَ بّ؛
2ﭑ مَ لْننِ مُ فبٌ عَلْ بٌورٍيٍ،
3ﭑ مُ قِندِشِ لْننِلَ رَ،
4ندٍ تٍشِ كٌورٍ، عَ مَن نَشَ فٌرٌ؟
5عَلَ شَ مَسٍنيِ بِرِن قِندِشِ نْندِ نَن نَ،
6عِ نَشَ سٍ سَ نَ مَسٍنيِ شُن مَ،
7ﭑ وَ مَ قٍ قِرِن مَشْرِنقٍ عِ مَ بٍينُن ﭑ شَ قَشَ.
8مَدَشُحَ نُن وُلٍ مَكُيَ ﭑ نَ.
9شَ ﭑ سَ سٍ فبٍفبٍ سْتْ،
10عِ نَشَ كٌنيِ شِلِ كَنَ عَ كَنيِ بّ،
11مِشِ ندٍيٍ عٍ بَبَ دَنكَمَ، عٍ عٍ نفَ قِنسِرِوَلِ.
12مِشِ ندٍيٍ عٍ يّتّ قِندِ مَ سّنِيّنتْييٍ رَ،
13مِشِ ندٍيٍ عٍ يّتّ عِتٍمَ،
14مِشِ ندٍيٍ نَ نَشٍيٍ لُشِ عَلْ سُبٍ شَاحّيٍ
15دِ قِرِن نَ نِسِ بّ نَشٍيٍ عَ قَلَمَ،
16عٍ تَن نَن يَ؛ عَلِفِيَمَ، فِنّ دِبَرِتَرٍ،
17مِشِ نَشَن يٌمَ عَ بَبَ مَ،
18سٍ سَشَن نَ نَ، شَ نَ مُ عَ رَ، سٍ نَانِ،
19عٍ تَن نَن يَ؛ سّفّ شَ كِرَ كٌورٍ مَ،
20فِنّ يّنّلَ شَ وَلِ نَن يَ؛
21سٍ سَشَن نَ نَ، شَ نَ مُ عَ رَ، سٍ نَانِ،
22عٍ تَن نَن يَ؛ كٌنيِ قِندِقٍ مَنفّ رَ،
23فِنّ مَشَنُتَرٍ دْشْقٍ شّمّ تَا،
24سُبٍ نَانِ نَ نَشٍيٍ شُرُن دُنِحَ سُبٍيٍ بِرِن بّ،
25عٍ تَن نَن يَ؛ دٌندٌلِ نَشَن سّنبّ مُ فبٌ،
26يٍرٍ مَنِيّ ندٍ نَشَن سّنبّ مُ فبٌ،
27مَنفّ مُ نَ كَتٌي بّ،
28كَسَ نَشَن نْمَ تٌنفٌدٍ بّلّشّ رَ،
29سٍ سَشَن نَ نَ، شَ نَ مُ عَ رَ، سٍ نَانِ،
30عٍ تَن نَن يَ؛ يّتّ نَشَن سّنبّ فبٌ، عَ سُو سَ سُبٍ بِرِن بّ،
31كٌنكٌرٍ نَشَن حّرّ مَ عَ شُن نَكٍلِشِ رَ،
32شَ عِ بَرَ عِ يّتّ عِفبٌ شَشِلِتَرٍحَ كُي،
33بَرِ مَ شِحّ نَ بْنبْ، عَ بِنيَمَ نّ،