1مِشِ نَشَن تٌندِ مَ مَرَكْرْ سِ رَ،
2تِنشِنتْي نَ سّنبّ سْتْ، حَمَ سّيوَ مَ نّ،
3لْننِ رَقَن مِشِ نَشَن مَ، نَ عَ بَبَ رَ سّيوَ مَ نّ،
4مَنفّ بْشِ رَ سَبَتِمَ تِنشِنيِ نَن نَ،
5مِشِ نَشَن عَ بٌورٍ تَمِشِيَمَ،
6مِشِ حَاشِ شَ يُنُبِ قِندِشِ فَنتَنيِ نَن نَ عَ بّ،
7تِنشِنتْي كَتَمَ نّ تِنشِنيِ شَ رَبَ سٍتَرٍيٍ بّ،
8مِشِ مَيٍلٍيٍ عَ نِيَمَ نّ تَاكَيٍ شَ شْنْ،
9شَ كِيتِ لُ شَشِلِمَ نُن شَشِلِتَرٍ تَفِ،
10قَشّتِيٍ تِنشِنتْي شْنمَ،
11شَشِلِتَرٍ بْحّ شَ تٍ مَقُرَ،
12مَنفّ نَ بِرَ وُلٍ قْشْ رَ، عَ شَ مِشِ بِرِن قِندِ مَ نّ مِشِ حَاشِيٍ رَ.
13قٍ كٍرٍن نَ سٍتَرٍ نُن مِشِ كٌبِ تَفِ؛ عَلَتَلَ نَن عٍ بِرِن دَا.
14مَنفّ نَشَن سٍتَرٍ مَكِيتِمَ نْندِ رَ،
15دِ شُرُقٍ لُشُسِنيِ رَ، نَ عَ نِيَمَ نّ عَ شَشِلِ سْتْ،
16مِشِ حَاشِيٍ نَ سّنبّ سْتْ، يُنُبِيٍ فبٌمَ نّ،
17عِ شَ دِ مَتِنشِن عَلَكٌ عِ شَ لُ بْحّسَ كُي، عَ حّرّ كِ شَ عِ رَ سّيوَ.
18شَ حَمَ مُ عَلَ شَ قٍ تٌمَ،
19وْيّنيِ شَ مُ كٌنيِ مَتِنشِنمَ.
20شَشِلِتَرٍ قِسَ مِشِ بّ،
21كٌنيِ نَشَن كَنيِ بَرَ عَ كَنَ كَبِ عَ دِ مّدِ تّمُي،
22بْحّتٍ نَن فٍرٍ رَ مِنِمَ، عَ قِندِ يُنُبِيٍ رَ.
23يّتّ عِفبٌحَ مِشِ رَيَافِمَ نّ،
24مِشِ نَشَن كَقُمَ مُحّتِ مَ، نَ بَرَ عَ يّتّ فَن.
25فَاشُقٍ مِشِ يَ رَ، نَ قِندِ مَ فَنتَنيِ نَن نَ،
26مِشِ فبٍفبٍ مَنفّ شَ هِننّ قٍنمَ،
27مِشِ حَاشِيٍ رَحَاشُ تِنشِنتْييٍ مَ،