1ﭑ مَ دِ، عِ نَشَ نّيمُ ﭑ مَ مَرَ سِيٍ مَ،
2بَرِ مَ عٍ قَمَ عِ شَ سِمَيَ شْن نَكُيَدٍ بْحّسَ كُي.
3عِ نَشَ دُفُتّفّحَ نُن نْندِ رَبّحِن،
4عِ قَمَ هِننّ نُن شَشِلِ قَنيِ سْتْدٍ نَ كِ نّ،
5عِ يّتّ تَشُ عَلَتَلَ رَ عِ بْحّ بِرِن نَ، عِ نَشَ لَ عِ يّتّ رَ.
6عِ شَ عَلَ كٌلٌن عِ شَ كِرَ بِرِن شْن،
7عِ نَشَ عِ شَشِلِ تِ عِ يّتّ رَ،
8نَ قِندِ مَ يَلَنيِ نَن نَ عِ قَتٍ بّ،
9عَلَتَلَ بِنيَ عِ هَرِفٍ رَ،
10نَ نَن عَ نِيَمَ بَلٌي نُن مِنسٍ فبٌ عِ يِ رَ،
11ﭑ مَ دِ، عِ نَشَ تٌندِ عَلَتَلَ شَ مَتِنشِنيِ رَ،
12بَرِ مَ عَلَتَلَ مَرَ سِ قِمَ نّ عَ شَنُنتٍنيِيٍ مَ،
13سّيوّ نَ مِشِ بّ نَشَن شَشِلِمَيَ سْتْشِ،
14شَشِلِمَيَ شَ فٍينِ فبٌ فبٍتِ بّ،
15عَ قَن فّمّ تٌقَنيِ بّ،
16شَشِلِمَيَ قِندِ مَ سِمَيَ شْنكُيٍ نَن نَ،
17شَشِلِمَيَ كِرَ قَن،
18عَ قِندِشِ سِمَيَ وُرِ نَن نَ عَ سُشُمَيٍ بّ.
19عَلَتَلَ بْشِ يَءِلَنشِ لْننِ نَن نَ،
20عَ شَ لْننِ نَن يٍ رَ مِنِشِ بْشِ مَ،
21ﭑ مَ دِ، سّرِيّ نُن نْندِ رَفَتَ عِ بْحّ كُي،
22عٍ سِمَيَ نُن هِننّ قِمَ نّ عِ مَ،
23عِ شَ دُنِحّءِفِرِ سْونّيَمَ نّ، عِ مُ دِنكٌنمَ.
24عِ نَ عِ سَ، عِ مُ فَاشُمَ، عِ شِمَ نّ عَ قَنيِ رَ.
25عِ نَشَ فَاشُ فبَلٌي يَ رَ،
26بَرِ مَ عَلَتَلَ نَن نَ عِ شَ شَشِلِسَ رَ.
27عِ نَشَ تٌندِ مِشِ مَلِدٍ
28عِ نَشَ عَ قَلَ عِ بٌورٍ بّ، «سِفَ، تِنَ عِ قَ،»
29عِ نَشَ عِ دّقَنبٌورٍ يَنقَ.
30عِ نَشَ مِشِ تْوحّفّ، نَشَن مُ قٍ حَاشِ يٌ رَبَشِ عِ رَ.
31عِ نَشَ فٍرٍ سٌي تْونّ، عِ نَشَ بِرَ عَ حّرّ كِ قْشْ رَ.
32عَلَتَلَ مِشِ حَاشِ شْنمَ،
33عَلَتَلَ مِشِ حَاشِ شَ بَنشِ دَنكَمَ نّ،
34عَلَ يّتّ عِفبٌي عِفٌرٌ مَ نّ،
35شَشِلِمَيٍ نْرْ مَ نّ،