1ﭑ مَ دِ، شَ عِ ﭑ مَ مَسٍنيِيٍ سُشُ،
2شَ عِ عِ تُلِ مَتِ لْننِ رَ، شَ نْندِ رَقَن عِ بْحّ مَ،
3شَ عِ شَشِلِ قَنيِ قٍن، شَ عِ نْندِ مَشِلِ،
4شَ عِ عَ قٍن عَلْ فبٍتِ، شَ عِ عَ قٍن عَ قَنيِ رَ
5نَ كُي، عِ عَلَتَلَ شَ يَرَفَاشُي كٌلٌنمَ نّ،
6بَرِ مَ عَلَتَلَ نَن لْننِ قِمَ،
7عَ قٍ قَنيِ فبٍفبٍ رَفَتَمَ تِنشِنتْييٍ بّ.
8عَ مِشِ تِنشِنشِ مَكَنتَمَ،
9نَ كُي، عِ نْندِ نُن تِنشِنيِ كٌلٌنمَ نّ،
10لْننِ قَمَ عِ بْحّ نَن مَ،
11شَشِلِ قَنيِ عِ رَتَنفَمَ،
12عَ عِ رَتَنفَمَ كِرَ حَاشِ مَ،
13نَشٍيٍ فبِلٍنمَ تِنشِنيِ كِرَ قْشْ رَ،
14قٍ حَاشِ رَقَنشِ نَشٍيٍ مَ،
15نَشٍيٍ شَ كِرَ مُ تِنشِن،
16لْننِ عِ رَتَنفَمَ نّ فِنّ حَاشِ مَ،
17نَشَن عَ شَ شّمّ سِنفٍ قِنسِرِوَلِمَ،
18عَ شَ وَلِ كٌبِ عَ رَبِرَ مَ نّ،
19مِشِ نَشٍيٍ بِرَ مَ عَ قْشْ رَ،
20عَ لَنمَ عِ شَ عِ حّرّ مِشِ قَنيِيٍ نَن مَ كِرَ رَ،
21مِشِ تِنشِنشِيٍ لُمَ نّ يِ بْشِ مَ،
22كْنْ مِشِ حَاشِيٍ تَن حْنمَ نّ يِ بْشِ مَ،